2 Taarika 20:20 - Mandinka Bible

²⁰ Bituŋ ì wulita wo saamoo soomandaa juunoo ka taa Tekowa keñewuloo kono. Kabiriŋ ì pareeta ka taa, Yehosafati loota, a ko, “Yerusalaamunkoolu niŋ Yahuuda moo toomaalu, ali i lamoyi, niŋ ali laata Yaawe la, ali la Alla, ali be bambaŋ na le. Niŋ ali laata a la annabiyomoolu la, ali be nooroo ke la le.”

2 Taarika 20:20 ပူးပေါင်းရင်းမြစ်များ

Yohana 14:1

“Ali sondomoolu kana toora. Ali laa Alla la, aduŋ ali si laa nte fanaa la.

Hiburunkoolu 11:6

Alla te kontaanindi noo la lannoo kooma, kaatu moo-wo-moo meŋ lafita ka sutiyaa Alla la, wo maarii ñanta laa la le ko, Alla be sotoriŋ ne, aduŋ a ka moolu joo le, mennu ka a ñini baturoo kono.

Yohana 11:40

Wo to le Yeesu ko a ye ko, “Fo m maŋ a fo i ye ko, niŋ i laata, i be Alla la semboo niŋ waroo je la le baŋ?”

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

Luka 16:31

Bituŋ Iburayima ko a ye ko, ‘Niŋ ì maŋ i lamoyi Musa niŋ annabiyomu doolu la, wo to ì te soŋ na, hani niŋ moo wulita saayaa kono.’ ”

Yohana 13:20

Tooñaa-tooñaa, m be a fo la ali ye, meŋ ye moo-wo-moo buuñaa, nte ye meŋ kii, wo ye nte le buuñaa. Aduŋ meŋ ye nte buuñaa, wo ye Alla le buuñaa, meŋ ye n kii.”

Yesaya 26:3

Ite Yaawe* ka kayira baa dii moolu le la, mennu hakiloo ka tu sabatiriŋ i kaŋ, ì ye ì jikoo loo i kaŋ.

2 Musa 14:31

Kabiriŋ Banisirayilankoolu ye sembe baa je, Yaawe ye Misirankoolu noo meŋ na, ì silata Yaawe la, aduŋ ì laata a niŋ a la dookuulaa Musa la.

Yesaya 7:9

Efurayimunkoolu semboo mu ì la saatee baa Samariya doroŋ ne ti, aduŋ Samariya semboo mu ì la ñaatonkoo Remaliya dinkewo dammaa le ti. Niŋ ali maŋ dankeneyaa beteke, ali te loo noo la muumeeke.”

Yeremiya 6:1

Yaawe* le ye ñiŋ fo ko: “Alitolu Benjamini lasiloo moolu, ali bori ka tanka, ali ye finti Yerusalaamu kono. Ali kelebinoo fee Tekowa saatewo to, ali ye taamanseeroo wulindi santo Beti-Hakeremu, kaatu maasiiboo le ka kurukuru naŋ maraa kara maafaŋo la, aniŋ kasaara baa.

2 Samuweli 14:2

Wo to le, Yowabu ye moo kii Tekowa, ka musu ñaamendiŋo doo samba naŋ ka bo jee. A ko a ye ko, “I faŋ ke ko meŋ ye saŋo soto. I paree ko saŋatiyo, aduŋ i kana seerandi feŋ maa. I faŋ ke ko musoo, meŋ tarata saŋakumboo la fo tili jamaa furewo la kuwo kamma.

2 Taarika 11:6

Betilehemu, Etamu, Tekowa,

1 Taarika 4:5

Asuri meŋ ye Tekowa saatewo loo, ate ye musu fula le soto, Hela aniŋ Naara.

2 Taarika 20:19

Bituŋ Lewi lasiloo moolu mennu bota Kohati niŋ Kora kaabiiloolu kono, ì loota ka Yaawe, Banisirayila la Alla jayi santo.

Yeremiya 38:20

Ŋa a jaabi ko, “Ì te i dii la ì la. Yaawe la kumoo muta, ka bo niŋ ŋa meŋ fo i ye. Niŋ i ye wo ke, wo le be ke la i la kayiroo ti, aduŋ i niyo be kana la le.

Daniyeli 6:23

Bituŋ mansa kontaanita baake, a ye a la dookuulaalu yaamari ka Daniyeli fintindi naŋ jatoolu la koloo kono. Wo le to ì ye Daniyeli fintindi naŋ, aduŋ ì ye a je le ko, hani kuu maŋ ke a la, kaatu a laata Alla la le.

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.