2 Taarika 20:18 - Mandinka Bible

¹⁸ Wo to le Yehosafati sujudita, a bitita a ñaadaa kaŋ, aduŋ Yerusalaamunkoolu niŋ Yahuuda moo toomaalu bee sujudita Yaawe ñaatiliŋo la jee ka a batu.

2 Taarika 20:18 ပူးပေါင်းရင်းမြစ်များ

2 Musa 4:31

aduŋ ì laata a la. Kabiriŋ ì ye a moyi ko, Yaawe hakiloo be ì kaŋ ne, aduŋ a ye ì la bataa je le, ì sujudita bankoo to, ì ye baturoo ke.

2 Taarika 7:3

Kabiriŋ Banisirayilankoolu bee ye a je, dimbaa be jii kaŋ naŋ duuma, aduŋ Yaawe la kallankeeyaa be Batudulaa Buŋo kunto, ì bee sujudita luwo to jee, ì ye daameŋ to teru beroo la, ì ye ì foŋo loo bankoo to ka Yaawe batu, ì ye a tentu ko: “Yaawe beteyaata le, a la kanu bambaloo be tu la le fo abadaa.”

Yuuba 1:20

Bituŋ Yuuba wulita, a ye a la duŋ feŋolu fara niikuyaa kamma la, a ye a kuŋo lii, a sujudita, a ye Alla batu.

1 Musa 24:26

Iburayima la dookuulaa ñiŋ sujudita, a ye Yaawe batu.

Jabuuroolu 95:6

Ali naa ŋà Yaawe batu, ŋà jimi duuma ka sujudi a ye, ǹ Daamansoo.

2 Taarika 20:19

Bituŋ Lewi lasiloo moolu mennu bota Kohati niŋ Kora kaabiiloolu kono, ì loota ka Yaawe, Banisirayila la Alla jayi santo.

2 Taarika 29:29

Kabiriŋ sadaaboo ñiŋ banta, mansa niŋ moolu mennu be nuŋ a fee, sujudita, ì ye baturoo ke.

Nehemiya 8:6

Esira ye Yaawe tentu, Alla meŋ warata. Bituŋ moolu ye ì buloolu wulindi ka jinkaroo ke ko, “Amiin! Amiin!” Bituŋ ì sujudita ka ì foŋolu loo bankoo to, ka Yaawe batu.