2 Taarika 19:7 - Mandinka Bible

⁷ Ka bo saayiŋ na, ali si Alla ñaasilaŋo soto, ali si ali hakiloo tu ali kekuwo to, kaatu Yaawe, ǹ na Alla buka soŋ tilimbaliyaa la, faasaaroo, waraŋ dukoo.”

2 Taarika 19:7 ပူးပေါင်းရင်းမြစ်များ

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

1 Musa 18:25

A koyita le ko, i te moo kendoolu niŋ moo kuruŋolu faa la ñoo la, ka moo kendoolu dundi moo kuruŋolu la jaraboo kono. I niŋ wo kuwo kewo ye jamfa ñoo la. Ite meŋ mu duniyaa kiitiikuntulaa ti, fo i te kiitiikuntoo ke la niŋ tooñaa le la baŋ?”

Roomankoolu 2:11

kaatu Alla buka moo faasaa.

Roomankoolu 9:14

Saayiŋ, ǹ si muŋ ne fo? Fo Alla ka faasaaroo ke tilimbaliyaa le kaŋ baŋ? Wo te ke noo la muk!

Kolosankoolu 3:25

Kuu kuruŋ kelaalu be joo soto la ì la kuu kuruŋolu to le. Alla buka moo-wo-moo faasaa.

Kiilaalu 10:34

Bituŋ Pita ye a dati ka diyaamu ko, “Tooñaa, saayiŋ ŋa a loŋ ne ko, Alla buka faasaaroo ke,

Yuuba 34:19

A buka maralilaa faasaa, aduŋ a buka fankamaa la kuu selendi fuwaare kaŋ, kaatu ate le ye ì bee daa.

2 Musa 23:8

Ali kana duku-wo-duku muta, kaatu dukoo ka moolu finkindi tooñaa la karoo la le, a ka tooñaatiyolu la tooñaa buusi ì bulu le.

Efesusinkoolu 6:9

Kuntiyolu, ali ali la joŋolu muta wo ñaa kiliŋo ñaama, aduŋ ali kana ì silandi. Ali ye a loŋ ne ko, ì niŋ alitolu ye Maarii kiliŋ ne soto Arijana kono, aduŋ wo buka faasaaroo ke.

Kalatiyankoolu 2:6

Hani ñaatonkoo doolu mennu be Yeesu la kafoo kono Yerusalaamu, moolu ka mennu muta horoma moolu ti, fo ì jarita horomoo la le, waraŋ fo ì maŋ jari a la, wo maŋ ke nte la haaji ti, kaatu Alla buka moo kiitindi a la maañaa la meŋ ka je, wo ñaatonkoolu maŋ feŋ kafu nte ma.

Matiyu 22:16

Bituŋ ì ye ì la taaliboolu kii a kaŋ, aniŋ Herodi la kafoo moo doolu, ka a fo a ye ko, “Karammoo, ŋà a loŋ ne ko, ite mu tooñaa moo le ti, aduŋ i ka Alla la siloo le karandi tooñaa kono. Moo-wo-moo le buka ite jenkendi noo, kaatu ite buka moo faasaa.

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.

Yesaya 33:15

Moo meŋ kekuwolu tilinta, aniŋ a fokumoolu ka ke tooñaa ti, meŋ buka sotoo ke tapaleeyaa kono, meŋ buka dukoo muta, meŋ ka a tuloo kaasi feeroolu la ka moo faa, aniŋ ka a ñaa kaasi kuu kuruŋ kewo la,

Nehemiya 5:15

Nte siŋo be kumandaŋolu mennu bee kaŋ, wolu ye duni kuliŋo le laa moolu kaŋ. Ì ka moolu kaniŋ domoroo niŋ wayinoo la le, aduŋ ì ka kodiforo kuntu taŋ naani le taa ì bulu luŋ-wo-luŋ. Ì la maakoyirilaalu fanaa ye dunoo le laa moolu kaŋ. Bari Alla ñaasilaŋo le ye a tinna nte maŋ maa wo ñaama.

1 Pita 1:17

Ali ka ate le kumandi ali Faamaa la, meŋ ka moolu bee kiitindi ì la kebaaroolu la, faasaaroo te daameŋ. Wo to, ali baluu a ñaasilaŋo kono waatoo meŋ na, ali mu tumarankewolu ti ñiŋ duniyaa kono.

1 Musa 42:18

Tili sabanjaŋo, a ko ì ye ko, “Nte mu Alla ñaasilannaa le ti. Ali be baluwo soto la le, niŋ ali ye ñiŋ ke:

2 Samuweli 23:3

Banisirayilankoolu la Alla diyaamuta, Banisirayila semberaŋ bere baa ko n ye le ko, “Niŋ moo ye moolu mara tiliŋo kono, niŋ a ye maraloo ke Alla ñaasilaŋo kono,

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

1 Samuweli 11:7

A ye ninsituuraa fula taa, a ye ì kuntuŋ-kuntuŋ, a ye kiilaalu kii ka ì samba Banisirayila bee kono. Ì be kankulaaroo la ko, “Ñiŋ ne be ke la moo-wo-moo la ninsituuraalu la, niŋ ali maŋ bula Sawulu niŋ Samuweli nooma.” Bituŋ Alla ñaasilaŋo ye moolu taa, ì bee fintita ka ke kiliŋ ti.

Yuuba 13:10

A be alitolu le faŋo jalayi la, niŋ ali ye moo faasaa kulloo kono.

Jabuuroolu 82:2

“Janniŋ muŋ tuma le ali be tu la kiitii tilimbaloo ke la, ka laa moo kuruŋolu kaŋ? S