2 Taarika 18:5 - Mandinka Bible

⁵ Bituŋ Banisirayila mansa ye annabiyomoolu kumandi naŋ, annabiyomu keme naani. A ye ì ñininkaa ko, “Fo ǹ si taa noo baŋ ka Ramoti-Kileyadi boyinkaŋ, waraŋ fo ǹ kana taa?” Ì ye a jaabi ko, “Mansa, taa jee kele, Alla be nooroo dii la i la le.”

2 Taarika 18:5 ပူးပေါင်းရင်းမြစ်များ

Lankenemoo 19:20

Daafeŋ saŋarariŋo ñiŋ mutata, aniŋ faniyaa annabiyomoo meŋ ye taamanseeri kaawakuuyaariŋolu ke a ñaatiliŋo la nuŋ. Ka bo niŋ wo kaawakuwolu la, a ye moolu neenee nuŋ, mennu ye daafeŋ saŋarariŋo la taamanseeroo soto, aniŋ ka a muluŋo batu. Itolu fuloo baluuriŋo le fayita dimbaa daloo kono, meŋ ka jani niŋ solifa munkoo* la.

2 Timoti 4:3

Waatoo be naa le, moolu te karandiri tooñaa muña noo la meŋ na. Wo noo to, ì be ì fansuŋ karandirilaalu kafu la ì ma, mennu la karandiroo diyaata ì tuloolu ye.

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Mika 2:11

Niŋ a ye a tara moo le sotota, kuma kenseŋ folaa aniŋ faniyaa folaa, meŋ be ali kawandi la ko wayinoo* be siyaa la, aniŋ dolo koteŋo, ali be laa la wo maarii le la annabiyomuyaa la.”

Esekiyeli 13:22

Ali ka moo tilindiŋolu jikilateyindi niŋ ali la faniyaa la, bari n nene te ì jikilateyindi la. Ali ka naa moo kuruŋolu wakiilindi kuu kuruŋ kewo la, ka ì koo dindi tuubiseyoo la fo ì kana kiisa noo.

Yeremiya 42:20

Ali ye ali faŋolu neenee jawuke le. Alitolu le ye n kii Yaawe, ali la Alla kaŋ, ali ko ŋa duwaa ka Yaawe daani ali ye, aduŋ ali ko a ye feŋ-wo-feŋ fo, n si a fo ali ye, ali be a ke la le.

Yeremiya 23:17

Ì ka tu la a fo la moolu ye le, mennu ka jutu nte Yaawe la kumoo la, ‘Kayira doroŋ ne be ke la ali ye.’ Moo-wo-moo kanjaaramaa ka bula a faŋo sondomoo la lafoo le nooma, ì ka a fo ì ye ko, ‘Tana te ali soto la.’ ”

Yeremiya 23:14

Bari ŋa meŋ je Yerusalaamu annabiyomoolu la kuwo to, wo le faŋo saŋarata. Ì ka jeenoo ke le aniŋ ka taama faniyaa la. Ì ka kuu kuruŋ kelaalu jambandi le, ka a tinna moo buka soŋ fata la kuu kuruŋ kewo ma. Ì bee keta n ñaa koto le komeŋ Sodomu moolu, Yerusalaamu moolu keta komeŋ Komora moolu.”

2 Taarika 18:14

Kabiriŋ Mikaya futata, a loota mansa ñaatiliŋo la, mansa ye a ñininkaa ko, “Mikaya, fo ǹ si taa noo baŋ ka Ramoti-Kileyadi kele, waraŋ fo ǹ kana taa?” Wo le to Mikaya fanaa ye a daa seyi wo doolu la kumoo kaŋ, a ko a ye ko, “Ali taa ñapi ì kaŋ, ali be ì noo la le, Yaawe be nooroo dii la ali la le.”

2 Mansoolu 3:13

Elisa ko Banisirayila mansa Yoramu ye ko, “Nte niŋ ite maŋ kuu kafu. Taa i faamaa waraŋ i baamaa la annabiyomoolu yaa.” Bari Banisirayila mansa ko Elisa ye ko, “Hanii, wo nte. Yaawe le ye ntolu mansa saboo bee kafu ñoo ma, ka ǹ duŋ Mowabi bankoo moolu bulu.”

1 Mansoolu 18:19

Saayiŋ moolu kumandi naŋ Banisirayila muumewo bee kono, n niŋ ì ye beŋ Karimeli Konkoo kaŋ. Aduŋ i si Baali jalaŋ annabiyomu keme naani niŋ taŋ luuloo, aniŋ Asera* jalaŋ annabiyomu keme naanoo samba naŋ, mennu ka domoroo ke Yesebeli yaa.”

1 Mansoolu 4:13

Beni-Keberi, wo be Ramoti-Kileyadi, ate le marata Manase dinkewo Yayiri la saateeriŋolu ma mennu be Kileyadi, aduŋ Arikobu tundoo be ate le koto, daameŋ to be Basani. Saatee taŋ wooro, a bee kafuriŋo, ì niŋ ì tata sansaŋolu niŋ jaawali daa sorondaŋ nee bantambiloo.

2 Taarika 18:4

Bari janniŋ ǹ ka taa, i si Yaawe la yaamaroo ñini ñiŋ kuwo to foloo.”

2 Taarika 18:6

Bari Yehosafati ye ñininkaaroo ke ko, “Fo Yaawe la annabiyomu te jaŋ baŋ, ǹ si meŋ ñininkaa noo a la yaamaroo la?”

1 Mansoolu 12:9

A ye ì ñininkaa ko, “Alitolu la yaamaroo mu muŋ ne ti? M be ñiŋ moolu jaabi la ñaadii le, mennu ko ŋa duni kuliŋo feeyandi ì ye, m faamaa ye meŋ laa ì kaŋ?”

Yeremiya 23:16

Yaawe Alihawaa Maariyo ye ñiŋ ne fo ko: “Ali kana i lamoyi annabiyomoolu la, mennu ka ñaatokumoolu fo ali ye, ka ali faa jiki kenseŋo la. Ì ka ì faŋolu hakiloo la jeroo le fo, a maŋ ke nte Yaawe la kumoo ti.