2 Taarika 18:18 - Mandinka Bible

¹⁸ Bari Mikaya tententa a ko, “I lamoyi saayiŋ, Yaawe ye kumoo meŋ fo. Ŋa Yaawe je siiriŋ a la mansasiiraŋo kaŋ Arijana kono, a la malaayikoolu bee be looriŋ a dandaŋo bee la.

2 Taarika 18:18 ပူးပေါင်းရင်းမြစ်များ

Daniyeli 7:9

N tarata juubeeroo kaŋ ne, ì ye kiitiisiiraŋolu londi. Alifaa meŋ be keriŋ biriŋ foloodulaa to, siita. A la duŋ feŋolu be koyiriŋ ne ko perekaanoo, a kuntiñoo be koyiriŋ ko kotondi buunaa. A la kiitiisiiraŋo ye sareeti siŋ muluŋolu le soto, aduŋ dimbaa le ka bo a bala.

Jakariya 1:10

Bituŋ kewo meŋ be looriŋ miritali yiroolu kono ko n ye ko, “Yaawe ye ñinnu le kii ka duniyaa bee taamaŋ-taamaŋ.”

Amosi 7:16

Ite ko, n kana kiilaariyaa kumoo ñiŋ futandi Banisirayilankoolu ma, Isiyaaka koomalankoolu, aniŋ ŋa n dahaa ì kawandoo la. Wo kamma la, i lamoyi kumakaŋo la Yaawe ye meŋ fo i la kuwo to.

Yeremiya 34:4

“Bari hani wo, i lamoyi nte Yaawe ye kumoo meŋ fo, ite Sedekiya Yahuuda mansakewo. Nte Yaawe ye ñiŋ ne fo i la kuwo to ko: Ite te faa la niŋ hawusaroo* la.

Yeremiya 2:4

Alitolu Yaakuba koomalankoolu, ali i lamoyi Yaawe la kumoo la, alitolu mennu mu Isirayila lasiloolu ti.

Yesaya 39:5

Bituŋ Yesaya ko Hesekiya ye ko, “I lamoyi. Yaawe* Alihawaa Maariyo* ko,

Yesaya 28:14

Wo to saayiŋ, alitolu ñaawalilaalu, alitolu mennu marata ñiŋ Yerusalaamunkoolu ma, ali Yaawe la kumoo moyi.

Yesaya 1:10

Alitolu Yerusalaamunkoolu, ali niŋ ali la maralilaalu ka munta le ko Sodomu niŋ Komorankoolu! Ali ali tuloo loo Yaawe la kumoo la! Ali ali hakiloo tu ǹ na Alla la luwaa to!

1 Musa 32:2

Kabiriŋ Yaakuba ye ì je, a kumata ko, “Ñiŋ mu Alla la daakaa le ti!” Bituŋ a ye wo dulaa ñiŋ kumandi Mahanayimu la.

Yeremiya 19:3

A fo Yahuuda mansoolu aniŋ Yerusalaamu moolu ye, ì ye i lamoyi nte Yaawe la kumoo la. Nte Yaawe Alihawaa Maariyo*, Banisirayila la Alla ye ñiŋ ne fo ko: A juubee, m be naa kuu jawu le naati la ñiŋ dulaa kaŋ, niŋ moo-wo-moo ye a moyi, a be teekumu la le.

2 Taarika 18:17

Bituŋ Mansa Ahabu ko Yehosafati ye ko, “Fo m maŋ a fo i ye ko, a nene buka kiilaariyaa kuma bete fo nte ma, fo kuu jawoo doroŋ?”

2 Taarika 18:19

Yaawe ye ñininkaaroo ke ko, ‘Jumaa le be taa, a ye Ahabu, Banisirayila mansa neenee fo a si taa Ramoti-Kileyadi ka a la saayaa waliŋ jee?’ “Bituŋ ì meŋ-wo-meŋ ye a fansuŋ kumoo fo.

Daniyeli 7:10

Dimbaa ka feenee naŋ a ñaatiliŋo la le. Mennu be a batu kaŋ, ì wuliwuloolu le mu, miliyoŋolu le be looriŋ a ñaatiliŋo la. Kiitiyo datita, aduŋ ì ye kitaaboolu yele.