2 Taarika 18:10 - Mandinka Bible

¹⁰ Annabiyomu kiliŋ tarata ì kono meŋ too mu Sedekiya ti, Kenaana dinkewo. A ye nee binoolu le dadaa, a ko Mansa Ahabu ye ko, “Yaawe ko, ka bo niŋ ñiŋ binoolu la, i be Aramunkoolu kele la ka ì kasaara.”

2 Taarika 18:10 ပူးပေါင်းရင်းမြစ်များ

2 Timoti 3:8

Ko Yannes niŋ Yamberes balanta Annabilayi Musa ma nuŋ ñaameŋ, ñiŋ karandirilaalu fanaa ka balaŋ tooñaa ma wo le ñaama, baawo ì hakiloolu nakarita le, ì maŋ lanna tooñaa soto.

Esekiyeli 22:28

Moolu ye suuñaaroo niŋ nakaroo le ke jee. Ì ye fuwaaroolu niŋ moolu mennu be suuloo kono tilimbaliyaa, ì naata tumarankewolu la feŋolu nakari ì bulu. Ali la annabiyomoolu ka wo junube kuwolu maabo le, ñaatonkoolu ka mennu ke. Ì la jeri kuwolu niŋ ì la bitaaroolu bee mu faniyaa le ti. Ì ka naa a fo ko, ‘Maarii Yaawe le ye ñiŋ fo,’ wo ye a tara nte Yaawe maŋ feŋ-wo-feŋ fo ì ye. Ì la wo keñaa mulunta le ko kewo meŋ ye tata sansaŋ kotoo muu niŋ lasoo la ka a bantala ñiiñandi.

Esekiyeli 13:7

Ì la wo jeroolu niŋ ì la wo bitaaroolu bee mu faniyaa le ti. Ì ka a fo le ko, ‘Yaawe le ye a fo,’ a ye a tara, nte maŋ feŋ fo.”

Yeremiya 29:21

Nte Yaawe Alihawaa Maariyo, Banisirayila la Alla ye ñiŋ ne fo Kolaya dinkewo Ahabu, aniŋ Maaseya dinkewo Sedekiya la kuwo to, mennu ka faniyaa kiilaariyaa kumoolu fo n tooyaa la: M be ì duŋ na Babiloni mansakewo Nebukanesa bulu le, aduŋ a be ì faa la ali faŋolu ñaa la le.

Yeremiya 27:2

Yaawe ye ñiŋ ne fo n ye ko: “Julukesoo niŋ dokoolu taa, ka yookoo* dadaa, i ye a ke i toŋo to.

Yeremiya 23:31

“N loota annabiyomoolu kamma le famfaŋ, mennu ka ì neŋo taa ka kuma, ka a fo ko, ‘Yaawe le kumata.’

Yeremiya 23:25

A ko: “Ŋa a moyi le wo annabiyomoolu ka meŋ fo, wolu mennu ka faniyaa kumoolu fo n tooyaa la. Ì ka tu la a fo la le ko, ‘N siiboota, n siiboota!’

Yeremiya 23:21

Yaawe ko: “Nte maŋ ñiŋ annabiyomoolu kii, hani wo ì niŋ boroo taata. Nte maŋ diyaamu ì ye, hani wo ì ka kumoolu fo n tooyaa la.

Yeremiya 23:17

Ì ka tu la a fo la moolu ye le, mennu ka jutu nte Yaawe la kumoo la, ‘Kayira doroŋ ne be ke la ali ye.’ Moo-wo-moo kanjaaramaa ka bula a faŋo sondomoo la lafoo le nooma, ì ka a fo ì ye ko, ‘Tana te ali soto la.’ ”

1 Mansoolu 22:11

Annabiyomu kiliŋ tarata ì kono meŋ too mu Sedekiya ti, Kenaana dinkewo. A ye nee binoolu le dadaa, a ko Mansa Ahabu ye ko, “Yaawe ko, ka bo niŋ ñiŋ binoolu la, i be Aramunkoolu kele la ka ì kasaara.”

2 Taarika 18:9

Bituŋ mansa fuloo ñinnu ye ì la mansa duŋ feŋolu duŋ, ì siita ì la mansasiiraŋolu kaŋ, siimaŋ toñonkadulaa to, Samariya saatewo dundaŋ daa* to. Annabiyomoolu bee tarata ì ñaatiliŋo la, ì be bankeeroo ke kaŋ.

2 Taarika 18:11

Wo ñaa kiliŋo ñaama, annabiyomu toomaalu mennu be jee, bee fanaa ye wo kuma kiliŋo le fo. Ì ko mansa ye ko, “Taa, i ye Ramoti-Kileyadi kele. I be jee noo la le. Yaawe be nooroo dii la i la le.”