2 Taarika 15:15 - Mandinka Bible

¹⁵ Yahuuda bee seewoota ñiŋ kaloo la, kaatu ì kalita ì sondomoo bee le la. Ì ye Yaawe ñini kendeke, aduŋ ì ye a je le, a ye kayiroo dii ì la karoo bee la.

2 Taarika 15:15 ပူးပေါင်းရင်းမြစ်များ

2 Taarika 14:7

A ko Yahuuda moolu ye ko, “Ali naa ŋà ñiŋ saatewolu tata, ŋà daalu niŋ nee bantambiloo ke ì la, aniŋ kantaridulaalu. Bankoo ñiŋ mu ǹ taa le ti hani saayiŋ, kaatu ǹ sonta Yaawe ma le, ǹ na Alla. Ǹ sonta a ma le, aduŋ ate le ye dahaa dii ǹ na karoo bee la.” Wo to le ì ye ì loo, aduŋ ì yiriwaata baake.

2 Taarika 15:12

Ì naata kambeŋo siti ka Yaawe batu, ì mumuñolu la Alla ì sondomoo niŋ ì niyo bee la.

2 Korintinkoolu 1:12

A mu ǹ ye kibiri kuwo le ti ko, ŋà m̀ faŋolu muta le daa-wo-daa, sako biriŋ m̀ be alitolu fee. M̀ baluuñaa seneyaata le, aduŋ a tilinta le ko Alla lafita a la ñaameŋ. Hani ǹ sondomoolu ka ñiŋ kuwo seedeyaa. M̀ buka baluu niŋ hadamadiŋyaa ñaameŋo la, bari Alla la hiinoo.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.

Jabuuroolu 119:111

I la luwaalu le mu n na sotofeŋ kummaalu ti fo abadaa. Ì ka n jusulandi le.

Jabuuroolu 32:11

Alitolu mennu tilinta, ali kontaani ka seewoo Yaawe la kuwo to. Tiliŋo be alitolu mennu sondomoo kono, ali seewoo kendeke.

2 Taarika 15:4

Bari ì la bataa waatoolu la, ì ka muru Yaawe kaŋ ne, Banisirayila la Alla, ì ka a ñini, aduŋ ì ka a je.

Filipinkoolu 1:23

Kuu fula le be n hakiloo kono, ì ye n dewuŋ baake: Kara doo la, n hameta le ka ñiŋ duniyaa bula fo n si tara Kiristu fee, meŋ beteyaata baake nte ye.

Yesaya 45:19

M maŋ diyaamu kulloo kono, waraŋ ka dukuduku diboo kono. M maŋ a fo Yaakuba koomalankoolu ye ko, ‘Ali n ñini kensenke.’ Nte le mu Yaawe ti, n ka tooñaa le fo, aduŋ meŋ tilinta, n ka wo le yitandi.”

Kuma Kotoomaalu 3:17

A la siloolu diyaata le, aduŋ ì bee ka ke kayira siloolu le ti.

Jabuuroolu 119:106

N kalita le ka laahidi bambandiŋo taa, ka i la luwaa timmariŋolu muta.

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Nehemiya 8:9

Moolu bee tarata kumboo le la, biriŋ ì be i lamoyi kaŋ Luwaa Kitaaboo kumoolu la. Bituŋ kumandaŋo Nehemiya, Esira, meŋ mu karammoo niŋ piriisoo ti, aniŋ Lewi lasiloo, mennu be karandiroo la, ko moolu bee ye ko, “Bii mu luŋ baa le ti Yaawe ye, ali la Alla. Ali kana sunu waraŋ ka kumboo.”

2 Taarika 29:36

Mansa Hesekiya niŋ jamaa moolu bee seewoota, kaatu Alla ye ì maakoyi le, fo ñiŋ kuwolu tariyaatoo keta.

2 Taarika 15:6

Banku ka boyi banku kaŋ, saatee ka boyi saatee kaŋ, kaatu Alla faŋo le be ì toorandi kaŋ mantoora kuu siifaa jamaa la.

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

Yosuwa 23:1

Sanji jamaa le tambita saayiŋ, biriŋ Yaawe* ye dahaa dii Banisirayilankoolu la ì jawoolu la karoo la, mennu be ì dandaŋolu la. Wo waatoo la, Yosuwa keebaayaabaata le.

5 Musa 26:11

Bituŋ i niŋ i la dimbaayaa moolu, Lewi lasili moolu aniŋ tumarankewolu mennu be sabatiriŋ ali fee, ali bee si seewoo feŋ betoolu bee to, Yaawe ye mennu dii ali la, ali la Alla.

2 Taarika 29:10

“Saayiŋ ŋa ñiŋ ne ŋaniya ka kambeŋo siti, ǹ niŋ Yaawe teema, Banisirayila la Alla, fo a la jusukandoo si bo ntolu kaŋ.

2 Taarika 14:6

A ye saatee baalu tata Yahuuda tuma meŋ, bankoo ñiŋ be kayiroo le kono. Moo niŋ a maŋ tara keloo la wo saŋolu kono, kaatu Yaawe le ye dahaa dii a la.

2 Taarika 15:14

Ì bee naata i kali Yaawe ye, ì niŋ seewoo niŋ wuuroo, ì ye footaŋolu niŋ saakotoŋ binoolu* fee.

2 Taarika 20:30

Bituŋ tenkuŋo naata Yehosafati la mansamarali bankoo kaŋ, kaatu a la Alla ye kayiroo dii a la karoo bee la le.

Jabuuroolu 119:10

Nte ka i ñini niŋ n sondomoo bee le la, kana m bula ŋa jenke i la yaamaroolu la.

2 Musa 24:3

Kabiriŋ Musa taata, ka Yaawe la kumoo niŋ a la luwaalu bee sindi moolu ma, ì bee denta kaŋ kiliŋ ne la. Ì ko, “Yaawe ye feŋ-wo-feŋ fo, m̀ be a ke la le.”

Yosuwa 24:25

Wo luŋo le mu, Yosuwa ye kambeŋo londi ñiŋ moolu niŋ Alla teema. Bituŋ a ye siloolu niŋ luwaalu yitandi ì la, Sekemu saatewo to, ka a nooma.

2 Mansoolu 23:3

Bituŋ mansa loota a la dulaa to samasiŋo daala. A ye kambeŋo kutayandi kuuke Yaawe ñaatiliŋo la, ka bula Yaawe nooma, ka a la yaamaroolu, a la luwaalu, aniŋ a la kumoolu muta a niyo niŋ a sondomoo bee la, ka baara kambeŋo kumakaŋo la, ko a be safeeriŋ ñiŋ kitaaboo kono ñaameŋ. Bituŋ moolu fanaa bee ye laahidoo taa ka kambeŋo ñiŋ muta.

1 Taarika 16:10

Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

2 Taarika 11:16

Mennu hakiloo be looriŋ Yaawe Banisirayila la Alla batoo kaŋ, bulata Lewi lasiloo moolu nooma Yerusalaamu, ka bo Banisirayila lasiloolu bee kono, ka taa sadaa* bo Yaawe, ì mumuñolu la Alla ye.

2 Taarika 19:3

Bari kuu kendoo fanaa be i la kuwo to le, kaatu i ye Asera* jalaŋ dokoolu bondi bankoo kaŋ ne, aduŋ i sondomoo tarata Alla batoo le kaŋ.”

2 Taarika 34:31

Bituŋ mansa loota a loodulaa to. A ye kambeŋo kutayandi kuu a niŋ Yaawe teema, ka bula a nooma, ka a la yaamaroolu, a la luwaalu, aniŋ a la kumoolu muta a niyo niŋ a sondomoo bee la, ka baara kambeŋo kumakaŋo la, ko a be safeeriŋ ñiŋ kitaaboo kono ñaameŋ.