2 Taarika 13:7 - Mandinka Bible

⁷ Wo koolaa, moo kuruŋo doolu naata kafu a ma ka balaŋ Rehobowamu ma, Sulemani dinkewo. A ye a tara wo be dindiŋyaariŋ ne. A maŋ naa balaŋ noo ì bulu, waraŋ ka i loo ì fee.

2 Taarika 13:7 ပူးပေါင်းရင်းမြစ်များ

2 Samuweli 3:39

Bii luŋo nte le mu mansa ti, Alla ye meŋ tomboŋ, bari Seruya ñiŋ dinkewolu semboo warata nte ti le. Allamaa Yaawe ye kuu jawu baaralaa joo a la kuu jawu kewolu la.”

1 Mansoolu 21:10

Bituŋ ali si moo kuruŋ fula taa ka sii a ñaatiliŋo la. Ì si wuli ì ye loo ka kaŋo laa a la ko a ye Alla le neŋ, aniŋ mansa. Niŋ wo keta, ali si Naboti muta ka a fintindi saatewo banta la, aduŋ ali si a kurulabuŋ beroolu la jee ka a faa.

1 Mansoolu 21:13

Bituŋ wo moo kuruŋ fuloo wulita ì loota Naboti ñaato ka a tuumi moolu teema, ka a fo ko, “Naboti ye Alla le neŋ, aniŋ mansa.” Bituŋ ì ye Naboti tambindi ka a fintindi saatewo banta la. Ì ye beroolu taa ì ye a kurulabuŋ fo ì ye a faa.

2 Taarika 10:16

Kabiriŋ Banisirayila bee ye a je ko, mansa balanta le ka i lamoyi ì la, ì ye mansa jaabi ko: “Ŋà muŋ ne soto Dawuda la karoo la? Ntolu maŋ nii soto Yese dinkewo la karoo la. Banisirayilankoolu, ali ali la buŋolu waliŋ! Dawuda dinkewo si a faŋo la moolu mara!” Bituŋ Banisirayilankoolu seyita.

2 Taarika 12:13

Rehobowamu tententa mansayaa la Yerusalaamu, a semboo naata wara kotenke. A be nuŋ sanji taŋ naani niŋ kiliŋ ne, biriŋ a be mansayaa dati la. A ye sanji taŋ niŋ woorowula le ke maraloo la Yerusalaamu, Yaawe ye saatewo meŋ tomboŋ Banisirayila bee kono, ka a too ke a kunna. Rehobowamu baamaa too mu Naama le ti, Ammoninkoo.

Yuuba 30:8

Ì moo kenseŋ kafoo, buuñaa te ì kaŋ. Ì ye ì buutee le, ka ì bayi bankoo kaŋ.

Jabuuroolu 26:4

M buka sii neeneerilaalu kono, waraŋ ka m bula bunaafayoolu fee.

Kuma Kotoomaalu 12:11

Moo meŋ ka dookuwo ke kendeke a la kunkoo to, be siimaŋ jamaa soto la le, bari meŋ ka tara kuu kuntaŋo bayindi kaŋ, wo mu hakilintaŋo le ti.

Kuma Kotoomaalu 28:19

Moo meŋ ka dookuwo ke a la kunkoo to kendeke, be siimaŋ jamaa soto la le, bari meŋ ka tara kuu kuntaŋo nooma kaŋ, fuwaareyaa ka a kuŋo sii le.

Kawandilaa 10:16

Kooroo be i ye, ite bankoo, meŋ na mansakewo mu dindiŋo le ti, mansariŋolu ka tara bidaŋo la soomandaa.

Yesaya 3:4

A be kambaanendiŋolu le ke la ì la ñaatonkoolu ti, dindiŋ meseŋolu ye ì mara.

Kiilaalu 17:5

Bari Yahuudoolu naata kiiliyaa. Ì ye moo kalantaŋolu kafu ñoo ma ka bo marisewo to, aduŋ wolu ye moolu sukusuku fo ì ye saatewo bee dundi ñoo to. Wo to le ì naata duŋ Yasoni la buŋo kono, fo ì si Pawulu niŋ Silas muta ka ì fintindi moolu ye banta.

1 Korintinkoolu 14:20

Baadiŋolu, ali kana ke dindiŋolu ti ali la miiroolu to. Ali ke deenaanoolu ti kuu jawoo la kuwo to, bari ali si ke moo mendiŋolu ti ali la miiroolu to.

5 Musa 13:13

moo kuruŋolu le wulita ka saatee moolu filindi ka a fo ì ye ko, “Ali ŋà taa alla koteŋolu batu,” ali nene maŋ mennu loŋ.

Titus 1:10

Moo jamaa le be jee, mennu be marabaliyaa kono, ì ka doolu neenee ì la kuma fuuriŋolu la. Ñinnu siyaata le sako wo Yahuudoolu kono, mennu ye sunnoo kuwo kummaayandi.

Hiburunkoolu 5:12

Tooñaa, m̀ be temboo meŋ to, ali ñanta ke la karandirilaalu le ti, bari wo noo to ali suulata moolu la le, mennu be ali karandi la kotenke Alla la kumoo simfaa foloolu la. Ali suulata keekewo le la, a maŋ ke domori bambandiŋo ti.

Kiitindirilaalu 11:3

Bituŋ Yefuta borita a faadiŋolu koto, a taata sabati Tobu bankoo kaŋ. Moo kenseŋolu kafuta Yefuta ma, ì niŋ a ka taa ñoo la.

Kiitindirilaalu 9:4

Ì ye kodiforo kuntu taŋ woorowula dii a la ka bo buŋo to, ì ka Baali-Beriti jalaŋo batu daameŋ. Abimeleki ye ñiŋ kodiforo kuntu taŋ woorowuloo le taa, a ye moo kenseŋolu joo a la. Bituŋ wolu bulata a nooma.

1 Samuweli 22:2

Moolu mennu be mantooroo kono, aniŋ juloo be mennu la, ka taa moolu mennu maŋ jusulaa kuwo soto, ì kafuta a ma le, aduŋ a keta ì la ñaatonkoo ti. Mennu tarata a fee kaañanta moo keme naani ñoŋ ne fee.