2 Taarika 13:12 - Mandinka Bible

¹² Alla be m̀ fee le ka ǹ ñaatonkayaa, aduŋ a la piriisoolu fele, ì niŋ ì la footaŋolu, ì pareeta ka mennu fee ka keloo kumandi ali kamma. Banisirayila moolu, ali kana Yaawe kele, ali mumuñolu la Alla, ali te nooroo ke la.”

2 Taarika 13:12 ပူးပေါင်းရင်းမြစ်များ

2 Taarika 24:20

Bituŋ Alla la Nooroo jiita Jakariya kaŋ, Piriisi Yehoyada dinkewo. A loota moolu bee ñaato, a ko ì ye ko, “Alla ye ñiŋ ne fo ko: ‘Muŋ ne ye a tinna ali balanta nte Yaawe* la yaamaroolu la? Wo be a tinna le, ali te ñaatotaa soto la. Kaatu ali ye ali koo dii Yaawe la le, a fanaa ye a koo dii ali la.’ ”

2 Taarika 32:8

Hadamadiŋ semboo le be ate fee, bari ntolu, Yaawe le be m̀ fee, ǹ na Alla ka m̀ maakoyi ka keloo ke ǹ ye.” Yahuuda mansa Hesekiya la kumakaŋo ye moolu bambandi.

Yuuba 40:9

Fo i ye semboo soto le baŋ ko nte Alla, fo i si diyaamu noo baŋ ko nte Alla, komeŋ saŋ feteŋo?

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

Jabuuroolu 20:7

Doolu ka tara jikiriŋ keleraŋ sareetoolu* le la, doolu, suwoolu, bari ntolu ka tara jikiriŋ Yaawe, m̀ Maarii Alla too le la.

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Yesaya 45:9

Kooroo boyita moo kaŋ ne, meŋ niŋ a Daamansoo ka sonka. A maarii maŋ ke feŋ ti, fo daa telendaŋolu mennu be fayiriŋ bankoo to. Fo boo ka a fo boodaalaa ye le ko, “I ka muŋ ne daa?” waraŋ, “A maŋ dadaa kuu”?

Yesaya 54:17

Bari jooraŋ-wo-jooraŋ dadaata i kamma, a te taama la. Moo-wo-moo ye i tuumi a neŋ kolomoo la, i be a faniyandi la le. Wo le mu n na dookuulaalu ye keetaafeŋo ti, aniŋ ì la kañeeroo ka bo m bulu.” Yaawe le ye a fo.

Yesaya 8:10

Ali feeroo siti ñoo kaŋ, bari a be ke la kenseŋo le ti. Ali si diyaamu, bari a kumoo te loo la, kaatu Alla be ntolu fee le.

Yeremiya 2:37

I be bo la wo to fanaa le, i buloo ye tara laariŋ i kunto, kaatu i jikita mennu la, nte Yaawe ye wolu koŋ ne. I te ñaatotaa soto la wolu la maakoyiroo kaŋ.”

Yeremiya 50:24

Ite Babiloni, ŋa dooliŋo le laa i ye, a ye i muta, aduŋ i maŋ a loŋ. Ŋa i soto le, ŋa i ñankoŋ, kaatu i ka nte Yaawe le kele.

Esekiyeli 17:9

“A fo ì ye, nte Yaawe ì Maariyo ye ñiŋ ne fo ko: Fo a be baluu noo la le ka yiriwaa baŋ? Fo sontiŋ foloo te a suloolu wutu la baŋ? A ye a diŋolu warasi a bala, a ye a suloolu bula ì ye noro, a soroŋ kutoolu bee ye noro. A te suula la moo sembemaa jamaa la faŋ ka a wutu faŋ.

Jakariya 10:5

Ì be ke la le ko kelejawaroolu, mennu ka ì jawoolu dori potoo kono mbeedoolu kaŋ. Ì si keloo ke kendeke, kaatu nte Yaawe be ì fee le. Ì si ì jawoolu malundi, hani mennu be suwoolu kaŋ.

4 Musa 14:41

Bari Musa kumata ko, “Muŋ ne ye a tinna ali tententa ka Yaawe la yaamaroo soosoo? Wo kuwo te taa noo.

4 Musa 23:21

“Mantaabembaliyaa te soto la Yaakuba la karoo la, balafaa kuu nene te laa la Banisirayila kaŋ. Yaawe ì la Alla, be ì fee le. Ate le mu ì la Mansa Baa ti, aduŋ ì ye a tentu wo la le.

4 Musa 31:6

Ñiŋ kee wuli kiliŋo meŋ tombonta lasili-wo-lasili kono, Musa ye ì kii kele wuloo kono le, ì niŋ Pineha, Piriisi* Eleyasa dinkewo. Eleyasa le niŋ jooraŋolu taata mennu bota Tiriliisi Senuŋo* to, aniŋ footaŋolu ka ke ñoo kalamutandiraŋo ti.

Kiilaalu 5:39

Bari niŋ ñiŋ bota Alla le bala, ali te ì boyindi noo la. Ali be ali faŋolu je la Alla le kelendoo la.”

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

5 Musa 20:4

Kaatu Yaawe ali la Alla faŋo le be tara la ali fee ka ali jawoolu kelendi fo ali ye nooroo ke.”

5 Musa 28:29

Tilikuntee baa la, ali si tara moomooroo ke la ko finkintewo. Ali ye kuu-wo-kuu ke, baraka te tara la a to. Moolu si tu ali tilimbaliyaa la, aniŋ ka ali la feŋolu suuñaa, aduŋ moo te soto la meŋ be ali maakoyi la.

Hiburunkoolu 2:10

Alla meŋ ye feŋolu bee daa, aduŋ ì daata ate le ye, a ye ñiŋ kuu betoo ke le fo a si a diŋ jamaa samba a la kallankeeyaa* to: A ye ì la Kiisandirilaa timmandi ka bo niŋ tooroo le la, fo wo si ke ñaatonka timmariŋo ti ì ye.