2 Taarika 13:10 - Mandinka Bible

¹⁰ “Bari ntolu, Yaawe le mu ǹ na Alla ti, aduŋ m̀ maŋ m bo a to. Piriisoolu mennu ka a batu, mu Haaruna koomalankoolu le ti, aduŋ Lewi lasiloo moolu le ka ì maakoyi.

2 Taarika 13:10 ပူးပေါင်းရင်းမြစ်များ

2 Taarika 13:11

Soomandaa-wo-soomandaa aniŋ wulaara-wo-wulaara ì ka jani sadaa* bo, ì ka cuuraayi diimaa siisindi Yaawe ye. Ì ka mbuuroo fanaa parendi saniforo taabuloo kaŋ ne, aduŋ wulaara-wo-wulaara ì ka lampoolu mala le mennu be sani lampu looraŋo kaŋ. Ntolu be Yaawe, ǹ na Alla le la yaamaroolu nooma kaŋ, bari alitolu ye i bo Yaawe to le.

2 Taarika 13:9

“Fo ali maŋ Yaawe la piriisoolu* bayi baŋ, mennu mu Haaruna koomalankoolu ti, aniŋ Lewi lasiloo moolu, ali ye ali fansuŋ piriisoolu tomboŋ, ko banku koteŋolu moolu ka a ke ñaameŋ? Moo-wo-moo meŋ ye ninsituuraa niŋ saakotoŋ woorowula naati jalaŋ batudulaa to ka a faŋ seneyandi, wo si ke noo piriisoo ti ali la alloolu ye.

Nehemiya 13:30

Bituŋ ŋa seneyandiroo ke, ka bantala feŋolu bee bondi, aduŋ ŋa dookuu siŋo dii piriisoolu niŋ Lewi lasiloo la, ka a je ko meŋ-wo-meŋ ye a la dookuwo loŋ.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

4 Musa 1:53

Lewi lasiloo moolu ñanta ì la tiriliisoolu loo la Tiriliisi Senuŋo dandaŋolu le la. I si a je n na yankankatoo te boyi la Banisirayila jamaa kaŋ. Lewi lasiloo moolu le ñanta mara la Tiriliisi Senuŋo topatooñaa la, seedeyaa walaa fuloo be maaboriŋ daameŋ.”

4 Musa 16:40

ko Yaawe ye a yaamari ñaameŋ ka bo niŋ Musa la. Ñiŋ be tara la jee le ka Banisirayilankoolu hakili bulandi ko, niŋ a maŋ ke Haaruna koomalankoolu ti, moo maŋ ñaŋ na naa la ka cuuraayoo siisindi Yaawe ñaatiliŋo la. Niŋ meŋ ye a ke, a si ke ko Kora niŋ a la kafoo moolu.

Yosuwa 24:17

Kaatu Yaawe ǹ na Alla faŋo le ye ntolu ñaatonkayaa, aniŋ m̀ faañolu, ka bo joŋyaa kono Misira. A ye wo kaawakuu baalu ke m̀ faŋolu ñaalu le koto. A ye ǹ tanka ǹ na taamasiloo bee kaŋ, aniŋ moolu, ǹ tambita niŋ mennu la bankoolu la.