2 Taarika 12:5 - Mandinka Bible

⁵ Bituŋ Annabilayi Semaya naata Rehobowamu kaŋ, aniŋ Yahuuda ñaatonkoolu mennu kumbenta ñoo kaŋ Yerusalaamu, ka kana Sisaki ma, a ko ì ye ko, “Yaawe ye ñiŋ ne fo ko, ‘Ali ye i bo n to le, m fanaa ye ali duŋ Sisaki buloo kono le.’ ”

2 Taarika 12:5 ပူးပေါင်းရင်းမြစ်များ

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

2 Taarika 11:2

Bari Alla la kumoo naata Annabilayi Semaya kaŋ ko,

1 Mansoolu 12:22

Bari Alla la kumoo naata Annabilayi Semaya kaŋ ko,

Yeremiya 23:33

Yaawe ko: “Yeremiya, niŋ ñiŋ moolu, waraŋ annabiyomoo, waraŋ piriisoo ye i ñininkaa ko, muŋ ne mu Yaawe la dunoo ti ì ye, a fo ì ye ko, itolu le mu dunoo ti, aduŋ nte Yaawe be ì fayi la le.” Yaawe le ye a fo.

Yeremiya 5:19

Itolu moolu be i ñininkaa la le ko, ‘Muŋ ne ye a tinna Yaawe ǹ na Alla ye ñiŋ bee ke ǹ na?’ Bituŋ i si ì jaabi ko, bayiri ì ye ì koo dii nte la le ka bantala bankoolu* la alloolu batu ì faŋolu la bankoo kaŋ jaŋ, wo to ì be taa luntaŋolu le batu la banku kaŋ meŋ maŋ ke ì taa ti.”

Yeremiya 4:18

“Ali taañaalu niŋ ali kekuwolu, wo le ye ñiŋ laa ali kaŋ, aduŋ a yankankatoo diminta le, a dunta ali la, hani fo ali jusoo to.”

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Jabuuroolu 37:33

Bari Yaawe te a tu la a ye a semboo taamandi a kaŋ, waraŋ ka a bula ì ye a muta kiitiyo kono.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

2 Samuweli 24:14

Dawuda ko Kadu ye ko, “M be niikuyaa baa le kono. Ŋà duŋ Yaawe buloo kono, kaatu a balafaatiyo warata le. Bari a kana a ke, ŋa duŋ hadamadiŋolu buloolu kono.”

2 Taarika 12:15

Mansa Rehobowamu kekuwolu biriŋ foloodulaa fo labandulaa to, aniŋ a la bonsuŋ saataroo, ì safeeta Annabilayi Semaya aniŋ Annabilayi Ido la Taarika Kitaaboolu le kono. Kele bambaloo le tarata nuŋ Rehobowamu niŋ Yerobowamu teema.

2 Taarika 24:20

Bituŋ Alla la Nooroo jiita Jakariya kaŋ, Piriisi Yehoyada dinkewo. A loota moolu bee ñaato, a ko ì ye ko, “Alla ye ñiŋ ne fo ko: ‘Muŋ ne ye a tinna ali balanta nte Yaawe* la yaamaroolu la? Wo be a tinna le, ali te ñaatotaa soto la. Kaatu ali ye ali koo dii Yaawe la le, a fanaa ye a koo dii ali la.’ ”