2 Taarika 12:1 - Mandinka Bible

¹ Kabiriŋ Rehobowamu siita, a la mansayaa bambanta doroŋ, a ye a koo dii Yaawe la yaamaroolu la. Yahuuda bee bulata a nooma.

2 Taarika 12:1 ပူးပေါင်းရင်းမြစ်များ

1 Mansoolu 12:17

Bari wo ñaa-wo-ñaa Rehobowamu le tarata marariŋ Banisirayilankoolu ma mennu tarata siiriŋ nuŋ Yahuuda saatewolu kono.

1 Mansoolu 14:21

Sulemani dinkewo Rehobowamu le keta nuŋ mansa ti Yahuuda. A siyo be nuŋ sanji taŋ naani niŋ kiliŋ ne, kabiriŋ a be ke la mansa ti. A ye maraloo ke Yerusalaamu le fo sanji taŋ niŋ woorowula, saatewo meŋ Yaawe ye a tomboŋ Banisirayila lasiloolu la saatewolu bee kono, a ye a too ke wo kunna ka ke a batudulaa ti. Rehobowamu baamaa too mu Naama le ti, Ammoninkoo.

1 Mansoolu 9:9

Moolu si a fo ko, “Kaatu ì ye ì koo dii Yaawe la le ì la Alla, meŋ ye ì mumuñolu bondi naŋ Misira kono, aduŋ ì ye feŋ koteŋolu le muta ì la Alla ti, ka ì batu aniŋ ka dookuwo ke ì ye. Wo le ye a tinna Yaawe ye ñiŋ kasaaroo bee samba naŋ ì kaŋ.”

2 Mansoolu 17:19

Hani Yahuuda moolu fanaa maŋ Yaawe, ì la Alla, la yaamaroolu muta, bari ì bulata baara kuwolu le nooma Banisirayilankoolu ye mennu dati.

2 Taarika 11:17

Ì ye Yahuuda mansamarali bankoo sembentuŋyaa, aduŋ ì tarata sondiŋ Rehobowamu ma Sulemani dinkewo fo sanji saba, ko ì sonta Dawuda niŋ Sulemani ma ñaameŋ.

2 Taarika 11:23

A ye ñaameŋo taamandi ka a dinkee doolu janjandi saatee tatariŋolu to, Yahuuda niŋ Benjamini tundoo kaŋ. A ye feŋ jamaa dii ì la, a ye musu jamaa ñini ì ye.

2 Taarika 11:3

“A fo Sulemani dinkewo Rehobowamu Yahuuda mansa, aniŋ Banisirayilankoolu mennu be Yahuuda niŋ Benjamini tundoo kaŋ ko,

2 Taarika 12:13

Rehobowamu tententa mansayaa la Yerusalaamu, a semboo naata wara kotenke. A be nuŋ sanji taŋ naani niŋ kiliŋ ne, biriŋ a be mansayaa dati la. A ye sanji taŋ niŋ woorowula le ke maraloo la Yerusalaamu, Yaawe ye saatewo meŋ tomboŋ Banisirayila bee kono, ka a too ke a kunna. Rehobowamu baamaa too mu Naama le ti, Ammoninkoo.

2 Taarika 24:18

Ì ye ì koo dii Yaawe Batudulaa Buŋo la, ì mumuñolu la Alla, aduŋ ì ka Asera* jalaŋ dokoolu niŋ jalaŋ koteŋolu batu. Bituŋ Yaawe la kamfaa baa jiita naŋ Yerusalaamu niŋ Yahuuda bee kaŋ ì la ñiŋ junube kewo kaŋ.

Yesaya 1:4

Kooni, banku junubelaa baa, moolu, junuboo dunimaa be mennu kunto! Ali bota kuu kuruŋ kelaalu le bala, ali ka sila kuruŋo le taama, ali ye ali ñaa kaasi Yaawe la, ali jututa Banisirayila la Senuŋ Baa la, ali ye ali koo dii a la.

Yeremiya 2:31

“Alitolu ñiŋ jamaanoo moolu, ali nte Yaawe la ñiŋ kumoo lamoyi baŋ: Fo n nene keta Banisirayila ye le komeŋ keñewuloo? Fo n nene finta a ma le komeŋ banku dibiriŋ baa? Wo to muŋ ne ye a tinna n na moolu ka a fo ko, ‘Ntolu be m̀ faŋ ne bulu taariŋ. Ǹ te muru la i kaŋ kotenke?’

Hoseya 13:1

Niŋ Efurayimu* lasiloo diyaamuta, moolu ka jarajara silaŋo kamma le, ì ye ì kuliyaa Banisirayila lasiloolu kono le kendeke. Bari ì dunta Baali* jalambatoo to, bituŋ ì kasaarata.

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

5 Musa 32:18

Ali ñinata Yaawe la, ali Daamansoo, ali ye ali ñaa kaasi, Semberaŋ Bere Baa la, meŋ ye ali daa.

Kiitindirilaalu 2:15

Niŋ Banisirayilankoolu fintita ka taa keloo la waati-wo-waati, Yaawe buka tara ì fee, ì buka ñaatotaa soto wo keloo to. A keta le, ko Yaawe ye a fo ì ye, aniŋ a ye i kali ì ye ñaameŋ. Ì niyo kuyaata baake.