2 Taarika 10:8 - Mandinka Bible

⁸ Bari a balanta yaamaroo la, alifaalu ye meŋ dii a la. Bituŋ a taata yaamaroo ñini fondinkewolu bulu, a niŋ mennu menta ñoo la, ì naata tara dookuwo la a ye saayiŋ.

2 Taarika 10:8 ပူးပေါင်းရင်းမြစ်များ

Kuma Kotoomaalu 1:25

Bayiri ali maŋ soŋ, ŋa ali londi siloo la, ali ye ali ñaa kaasi n na dandalaaroo la le,

2 Samuweli 17:14

Abusalomu niŋ Banisirayila kewolu bee ko, “Husayi Arikinkoo la yaamaroo le beteyaata Ahitofeli taa ti.” Kaatu Yaawe* lafita le, ka Ahitofeli la yaamari kendoo fundi, fo maasiiboo si boyi Abusalomu kaŋ.

Yesaya 30:1

Yaawe* ye a bankee le ko: “Kooroo be boyi la n na ñiŋ dindiŋ balannaalu kaŋ ne, moolu mennu ka ì fansuŋ feeroolu taamandi mennu maŋ ke n taa ti, ka kambeŋo siti meŋ maŋ ke n na lafoo ti, ka junuboo sapi ñoo kaŋ.

Kawandilaa 10:16

Kooroo be i ye, ite bankoo, meŋ na mansakewo mu dindiŋo le ti, mansariŋolu ka tara bidaŋo la soomandaa.

Kuma Kotoomaalu 25:12

Komeŋ sani tulutotaa waraŋ saniforo ñaroo, wo le mu moo ñaamendiŋo la jalayiroo ti, a lamoyilaa ye.

Kuma Kotoomaalu 19:20

Ka i lamoyi dandalaaroo la, i ye soŋ yaamarimutoo la, labaŋo la i be ke la moo ñaamendiŋo le ti.

Kuma Kotoomaalu 13:20

Moo meŋ niŋ moo ñaamendiŋo ka taa, fanaa be ñaameŋo soto la le, bari toolewo taañooyaa mu bataa le ti.

Kuma Kotoomaalu 9:9

Niŋ i ka moo ñaamendiŋo yaamari, a la ñaameŋo si lafaa kuu. Niŋ i ye moo tilindiŋo karandi, a si a lafaa a la londi ñiniŋo kaŋ.

2 Taarika 10:9

A ye ì ñininkaa ko, “Alitolu la yaamaroo mu muŋ ne ti? M be ñiŋ moolu jaabi la ñaadii le, mennu ko ŋa duni kuliŋo feeyandi ì ye, m faamaa ye meŋ laa ì kaŋ?”

Kuma Kotoomaalu 27:10

Kana i koo dii i teeroo la, aniŋ i faamaa teeroo, aduŋ i kana taa i kotoo la buŋo to, niŋ kooroo boyita i kaŋ. I siiñoo meŋ be i daala, wo le si i maakoyi noo tariyaake, ka tambi i kotoo la meŋ be jamfariŋ.