2 Taarika 10:13 - Mandinka Bible

¹³ A ye moolu jaabi saŋarake. A balanta alifaalu la yaamaroo la.

2 Taarika 10:13 ပူးပေါင်းရင်းမြစ်များ

Kuma Kotoomaalu 19:27

N diŋo, niŋ i ye i foño yaamari lamoyoo la, i ye meŋ karaŋ koomanto, i be ñina la a la le.

Kuma Kotoomaalu 15:1

Jaabiri diimaa ka kamfaa bayi le, bari kuma kuumaa ka kamfandiroo le ke.

2 Taarika 10:8

Bari a balanta yaamaroo la, alifaalu ye meŋ dii a la. Bituŋ a taata yaamaroo ñini fondinkewolu bulu, a niŋ mennu menta ñoo la, ì naata tara dookuwo la a ye saayiŋ.

2 Musa 10:28

Firawoona ko Musa ye ko, “Bo n daala! I kana naa n ñaatiliŋo la kotenke! Niŋ i naata n ñaatiliŋo la kotenke, m be i faa la le.”

1 Musa 42:30

“Bankutiyo saŋarata ntolu bulu le. A ye kullooñinoo kaŋo le laa ǹ kaŋ.

1 Musa 42:7

Kabiriŋ a ye a ñiŋ kotoomaalu je, a ye ì suutee, bari a maata ì kaŋ ne komeŋ luntaŋolu, ka saŋara ì bulu. A ko ì ye ko, “Alitolu bota mintoo le?” Ì ko a ye ko, “Ntolu bota Kanaani bankoo le kaŋ. Ǹ naata domori ñinoo le la.”

2 Taarika 10:12

Tili sabanjaŋ luŋo la Yerobowamu niŋ moolu bee naata Mansa Rehobowamu kaŋ, ko a ye a fo ì ye nuŋ ñaameŋ.

2 Taarika 10:14

Bituŋ a bulata fondinkewolu la yaamaroo nooma, a ko ì ye ko, “M faamaa ye ali la dunoo kuliyandi le, bari nte be a kuliyandikuu la le. M faamaa ye ali busa karawaasoolu le la, bari nte be ali busa la karawaasi ŋarimmaalu le la.”

Kuma Kotoomaalu 18:23

Fuwaaroo ka yamfoo daani le, bari fankamaa, wo ka moo jaabi saŋarake le.