2 Taarika 1:10 - Mandinka Bible

¹⁰ Wo to ñaameŋo niŋ fahaamuroo dii n na, i la dookuulaa, ka i la moolu ñaatonkayaa, kaatu niŋ wo nte, jumaa le si i la ñiŋ moo jamaalu mara noo?”

2 Taarika 1:10 ပူးပေါင်းရင်းမြစ်များ

1 Mansoolu 3:9

Wo to fahaamuroo hakiloo dii i la dookuulaa la ka i la moolu mara, ka ñiŋ noo ka kuu betoo niŋ kuu jawoo bo ñoo to. Kaatu niŋ wo nte, jumaa le si i la ñiŋ moo baalu mara noo?”

Kuma Kotoomaalu 4:7

Ñaameŋo kummaayaata le, wo to ñaameŋo ñini, i be kuu-wo-kuu to, fahaamuroo ñini.

2 Samuweli 5:2

Hani kabiriŋ Sawulu be mansayaa la ǹ ye, ite le ye Banisirayilankoolu ñaatonkayaa ì la keledulaalu to. Bituŋ Yaawe* ye a fo i ye ko, ‘Ite le be n na moolu Banisirayilankoolu kanta la, i ye ke ì la maralilaa ti.’ ”

Yankuba 1:5

Niŋ moo dasata ñaameŋo la ali kono, wo maarii si Alla daani, aduŋ a be ñaameŋo dii la a la le. Ate le ka diiroo ke moolu bee la a ñaama, jalayiribaliyaa kono.

2 Korintinkoolu 3:5

A maŋ ke ko, m̀ faŋolu si kuu-wo-kuu ke noo le, bari ŋa feŋ-wo-feŋ ke noo, a bee bota Alla le bulu.

Jabuuroolu 119:73

Ite le mu n Daamansoo ti, ite le ye muluŋo ke n na. Fahaamuroo dii n na fo n si i la luwaalu karaŋ noo.

Jabuuroolu 119:34

M maakoyi ka i la karandiroo fahaamu kendeke, fo n si a muta noo, aniŋ ka a taamandi niŋ n sondomoo bee la.

4 Musa 27:17

A ye tambi ì ñaato, a ye loo ì ye kuwo bee la, ì la taa niŋ naa, fo meŋ be a tinna la Yaawe la moolu te ke la ko saajiyolu mennu maŋ kantarilaa soto.”

5 Musa 31:2

a ko ì ye ko: “A fele saayiŋ nte be sanji keme sanji muwaŋ, n te taa niŋ naa noo la. Aduŋ wo koolaa fanaa, Yaawe* ye ñiŋ ne fo n ye ko, nte te ñiŋ Yoridani Boloŋo teyi la ka taa a kara doo la.

2 Korintinkoolu 2:16

Wo doolu ye, m̀ be le ko saayaa seeroo meŋ ka ì hakilibulandi saayaa la. Doolu ye, m̀ be le ko baluwo seeroo, meŋ ka ì tilindi baluwo kaŋ. Bari jumaa le si ñiŋ dookuu siifaa ke noo?

1 Taarika 22:12

Allamaa Yaawe i la Alla ye ñaameŋo niŋ kalamutaroo dii i la, fo i si Banisirayila mara kuu ka bo niŋ a la yaamaroolu la.

Kuma Kotoomaalu 8:15

Nte le ka mansoolu maakoyi ka maraloo ke, aduŋ n ka maralilaalu maakoyi le ka luwaa tilindiŋolu dadaa.