2 Samuweli 8:14 - Mandinka Bible

¹⁴ A ye daakaalu loo Edomu karoo bee la, aduŋ Edomunkoolu bee naata ì faŋ seyi Dawuda ma. Dawuda taata daa-wo-daa, Yaawe ka a ke le, a ye nooroo ke.

2 Samuweli 8:14 ပူးပေါင်းရင်းမြစ်များ

1 Musa 25:23

Yaawe ko a ye ko, “Lasili fula le be i wuluuñaŋo kono. Ñiŋ lasili fuloo be ke la balannaa le ti ñoo ma. Doo le semboo be wara la doo ti. Keebaamaa le be ke la dindimmaa ye dookuulaa ti.”

1 Musa 27:29

Allamaa lasili koteŋolu ke la i la dookuulaalu ti. Allamaa moo koteŋolu ye ke i buuñaalaalu ti. Allamaa i ke la i baadiŋolu maralaa ti, aniŋ Allamaa ì ke la i buuñaalaalu ti. Dankoo ye tara moo-wo-moo ye, meŋ ye i danka, aniŋ neemoo ye tara moo-wo-moo ye, meŋ ye neemoo daani i ye.”

2 Samuweli 5:10

Aduŋ a semboo naata tu lafaa la le, kaatu Yaawe Alihawaa Maariyo* be a fee le.

2 Samuweli 7:9

I taata daa-wo-daa, n tarata i fee le. Ŋa i jawoolu bee kasaara le. Aduŋ fanaa m be i too warandi la le, komeŋ moo koteŋolu, mennu toolu bota duniyaa kono.

2 Samuweli 8:15

Dawuda ye Banisirayila bee mara tiliŋo kono, aduŋ a ye moolu bee kaañandi a la maraloo koto le.

2 Samuweli 8:6

A ye daakaalu loo Aramunkoolu la mansamarali bankoo kaŋ, meŋ na kundaa baa mu Damasiku ti, aduŋ Aramunkoolu sonta a ma, ì ka naamoo joo a yaa. Dawuda taata daa-wo-daa, Yaawe* ka a ke le, a ye nooroo ke.

1 Mansoolu 11:15

Koomanto kabiriŋ Dawuda tarata Edomu kele kaŋ nuŋ, kelediŋ kuntiyo Yowabu, meŋ taata ka furewolu baadee, ye kewolu bee faa le mennu tarata Edomu.

1 Mansoolu 22:47

Wo waatoo la mansa maŋ tara nuŋ Edomu bankoo kaŋ, bari Yahuuda mansa la tomboŋ kumandaŋo le ye jee mara.

1 Mansoolu 22:48

Yehosafati ye safaari kuluŋ sapoolu dadaa le mennu ñanta taa la Ofiri ka sanoo ñini, bari ì nene maŋ wuli ka teyi, ì tiñaata baa kono Esiyoni-Keberi saatewo daala.

2 Mansoolu 14:7

Amasiya ye Edomunka wuli taŋ ne faa Koo Wulumbaŋo kono, aduŋ a ye Sela saatewo taa keloo kono. A naata jee toolaakuu Yokiteeli la. Wo too le tarata a kunna fo ka naa bula bii la.

2 Mansoolu 18:7

Yaawe tarata a fee le, aduŋ a dunta kuu-wo-kuu to ka a ke, a si ñaatotaa soto jee. A balanta Asiriya mansa ma le, aduŋ a maŋ soŋ ka tara a la maraloo koto.

1 Taarika 18:13

A ye daakaalu loo Edomu, aduŋ Edomunkoolu bee naata ì faŋ seyi Dawuda ma. Dawuda taata daa-wo-daa, Yaawe ka a ke le, a ye kañee.

Jabuuroolu 60:1

Hee Alla, i ye i bo ǹ to le, i ye ǹ na tankoo tiñaa. I tarata kamfaariŋ ǹ kamma le, bari saayiŋ m̀ murundi ǹ ñaama.