2 Samuweli 18:31 - Mandinka Bible

³¹ Bituŋ Kusinkoo futata, a ko, “M maarii mansa, i lamoyi ñiŋ kibaari diimaa la. Bii Yaawe ye i tankandi moolu ma le, mennu wulita i la kuwo kamma, ka i kele.”

2 Samuweli 18:31 ပူးပေါင်းရင်းမြစ်များ

2 Samuweli 18:19

Saayiŋ Ahimaasi Sadoki dinkewo ko, “M batu ŋa bori, ŋa taa ñiŋ kibaaroo futandi mansa la ko, Yaawe* ye a tankandi a jawoolu ma le.”

Jabuuroolu 58:10

Moo tilindiŋolu be seewoo la le, niŋ ì ye moo kuruŋolu la joo je. Ì si ì siŋolu kuu moo kuruŋolu yeloo kono.

2 Samuweli 18:28

Bituŋ Ahimaasi ye mansa kumandi. A ko, “Kuwolu bee beteyaata le.” A ñoyita mansa ye, a ye a kuŋo jimi bankoo to, a ko, “M maarii mansa, jayiroo be Yaawe, i la Alla ye. A ye a ke le, ì ye kewolu noo, mennu ye keloo wulindi ì kamma.”

Kiitindirilaalu 5:31

Hee Yaawe, Allamaa i jawoolu bee halaki la teŋ. Bari Allamaa i kanulaalu bee ke la komeŋ tiloo, niŋ a be mala kaŋ semboo la. Bituŋ tenkuŋo naata sabati bankoo kaŋ fo sanji taŋ naani.

2 Samuweli 18:30

Mansa ko, “Loo kara la, i ye i batu.” Bituŋ a jenketa kara la, a loota jee.

Daniyeli 4:19

Bituŋ Daniyeli, meŋ too doo mu Belitesasa ti, jaakalita baake, aduŋ a kijoo ye a fara, wo waatindiŋo kono. Mansa ko a ye ko, “Belitesasa, siiboo niŋ a fasaroo kana i kijoo fara.” Belitesasa ye a jaabi ko, “M maarii, ŋa ñiŋ ne duwaa ñiŋ siiboo niŋ a fasaroo ye ke i jawoolu taa ti, a kana ke ite taa ti.