2 Samuweli 12:15 - Mandinka Bible

¹⁵ Bituŋ Natani seyita suwo kono. Yaawe ye a ke, dindiŋo meŋ Uriya la musoo ye a soto Dawuda la naata saasaa.

2 Samuweli 12:15 ပူးပေါင်းရင်းမြစ်များ

1 Samuweli 25:38

Tili taŋ ñaato Yaawe ye a ke, Nabali faata.

Jabuuroolu 104:29

Niŋ i ye i ñaa kaasi ì la, ì ka jikilateyi le. Niŋ i ye i la baluwo niijii foñoo taa, ì ka faa le, ì ye muru ka ke bankumunkoo ti.

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

2 Taarika 13:20

Abiya la waatoo la, Yerobowamu maŋ semboo soto noo kotenke, Yaawe ye a halaki, bituŋ a faata.

2 Mansoolu 15:5

Yaawe ye Usiya yankankati balajawu kuuraŋo la le, fo ka taa luŋo meŋ na a faata, aduŋ a tarata sabatiriŋ a faŋ ye buŋo le kono. A dinkewo Yotamu le tarata marariŋ mansasuwo ma, aniŋ bankoo moolu.

1 Samuweli 26:10

A ko, “A be koyiriŋ ñaameŋ ko Yaawe be baluuriŋ ne, Yaawe faŋo le be a faa la. A la waatoo le be sii la, a ye faa, waraŋ a ye taa keloo la, a ye kasaara jee.

5 Musa 32:39

Fo ali maŋ ñiŋ je ko, nte le mu Alla ti, Alla koteŋ te keriŋ nte koolaa? Nte le ka moo faa, nte le ka moo balundi, nte le ka moo barama, nte le ka moo kendeyandi. Baayiñaa te nte la keroo la.

2 Samuweli 12:14

Bari kaatu i ye ñiŋ horomantaŋyaa le ke Yaawe la, i dinkewo meŋ wuluuta, a be faa la le.”

2 Samuweli 12:16

Dawuda ye Alla daani a diŋo ye. A sunta, aduŋ a taata a la buŋo kono, a ka suutoolu bee ke laariŋ duuma bankoo le to.