2 Samuweli 1:23 - Mandinka Bible

²³ Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

2 Samuweli 1:23 ပူးပေါင်းရင်းမြစ်များ

Yeremiya 4:13

A juubee, jawoolu be naa kaŋ ne komeŋ saŋ tawaloolu, ì la keleraŋ sareetoolu* ka munta ko saafoñotoo, ì la suwoolu tariyaata ka tambi seeliŋolu la. Kooroo boyita ǹ kaŋ ne, ǹ kenseŋo tuta.

Kiitindirilaalu 14:18

Tili woorowulanjaŋo, janniŋ tiloo ka boyi, saatewo kewolu naata mansaaloo ñiŋ kotoo firiŋ Samuuda ye. Ì ko a ye ko, “Muŋ ne diyaata liyo ti? Feŋ jumaa le bambanta jatoo ti?” Wo le to a ko ì ye ko, “Niŋ ali maŋ senoo ke niŋ n na ninsi yeerewo la, ali te n na ñiŋ mansaaloo firiŋ noo la.”

Niikuyaa Suukuwolu 4:19

Seeliŋo tiitoo, m̀ bayindilaalu le tariyaata wo faŋo ti. Ì ye m̀ bayindi konkoolu kaŋ, ì bitita ǹ kamma keñewuloo kono.

Kuma Kotoomaalu 30:30

Jatoo meŋ saŋarata daafeŋolu bee kono, aduŋ a buka bori feŋ na,

Yuuba 9:26

Ì ka tambi le ko kuluŋ tariŋo. Ì la hawusaroo* be tariyaariŋ ne komeŋ, niŋ seeliŋo be jii kaŋ a la deema suboo nooma.

1 Samuweli 18:1

Kabiriŋ Dawuda niŋ Sawulu pareeta diyaamoo la, Dawuda la kuwo diyaata Yonatani ye, aduŋ a ye a kanu ko a faŋo.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.

1 Taarika 12:8

Ñiŋ Kadu lasiloo kelediŋolu le kafuta Dawuda ma, tumoo meŋ na a be tatoo to keñewuloo* kono. Ì fanaa ka tara pareeriŋ keloo la le, aduŋ ì ye sooroo niŋ koteeroolu* kalamuta baake. Ì be saŋarariŋ ne ko jatoolu, ì be tariyaariŋ ne ko konkokono minaŋolu.

2 Samuweli 23:20

Benaya Yehoyada dinkewo keta nuŋ kelejawara baa le ti. A bota Kabuseeli le, aduŋ a ye kee kendeyaa baalu le ke. A nene ye Mowabinka kelejawara fula le faa. A nene ye jatoo fanaa faa dinkoo kono luŋo meŋ sumayaa keta fo sanjiyo jiita kalaasi dunkuliŋ feemaa ti.

1 Samuweli 20:2

Yonatani ye a jaabi ko, “A te ke la wo ñaama. I maŋ taa faa la. M faamaa buka kuu-wo-kuu ke, kuu baa waraŋ kuundiŋ, a maŋ n kalamutandi a la. Muŋ ne ye a tinna, a be ñiŋ maabo la n na? Wo te ke la.”

2 Samuweli 2:18

Seruya dinkee saboo tarata nuŋ jee le, Yowabu, Abisayi aniŋ Asaheli. Asaheli ka bori le ko minaŋo.

2 Samuweli 1:24

Hee, Banisirayila dimmusoolu, ali Sawulu kumboo, meŋ ye ali feetoofata niŋ dendika wuleŋ daa jawoolu la, mennu ye sanoolu soto ì bala.

Suukuwo 5:16

A daakumoo diyaata, a la kuwo bee le ye n ñaabo. Yerusalaamu dimmusuriŋolu, n jusukuŋo be teŋ ne, ate le mu n teerimaa ti.