2 Samuweli 1:17 - Mandinka Bible

¹⁷ Dawuda ye ñiŋ woosii suukuwo le laa Sawulu niŋ Yonatani ye,

2 Samuweli 1:17 ပူးပေါင်းရင်းမြစ်များ

2 Taarika 35:25

Annabilayi Yeremiya fanaa ye niikuyaa suukuwo laa a ye. Kee suukuulaalu niŋ musu suukuulaalu ka Yosiya la ñiŋ suukuwo laa le hani bii. Ì ye ñiŋ ke aadoo le ti Banisirayila. Ñiŋ suukuwo be safeeriŋ Niikuyaa Suukuu Kitaaboo le kono.

2 Samuweli 1:19

A ko: Banisirayilankoolu, ali la ñaatonkoolu be laariŋ konkoolu kaŋ, ali a juubee, ǹ na kelejawaroolu boyita ñaameŋ!

1 Musa 50:11

Kabiriŋ Kanaaninkoolu mennu be sabatiriŋ wo bankoo kaŋ, ye kafoo je woosiyo la Koreni-Atadi, ì kumata ko, “Bari Misirankoolu be saŋawoosii baa le la.” Wo kamma la, ì naata jee toolaa Misira Saŋawoosii Dulaa la.

2 Samuweli 3:33

Mansa ye ñiŋ woosii suukuwo le laa Abuna ye: “Fo Abuna be faa la le baŋ, ko moo kuruŋo ka faa ñaameŋ?

Esekiyeli 32:16

“Ñiŋ niikuyaa kumoo ñanta fo la le. Duniyaa musoolu be a fo la Misira bankoo siilaalu bee le kunna. Ì be ñiŋ niikuyaa kumoo le fo la.” Maarii Yaawe le ye a fo.

Jabuuroolu 35:14

A ka munta le n teerimaa waraŋ m baadiŋo la kuwo sunoo le be n na. N ka tara jirandiŋ, n niŋ woosiyo, ko moo meŋ ka a baamaa la saŋo kumboo.