2 Pita 3:9 - Mandinka Bible

⁹ A maŋ ke ko, Maariyo naafata a la laahidoo timmandoo la le, ko moo doolu ka a miira ñaameŋ. Wo noo to, a ka muña alitolu ye le, kaatu a maŋ lafi, moo-wo-moo le ye kasaara, bari moolu bee ye tuubi ka ì koo dii ì la junuboolu la.

2 Pita 3:9 ပူးပေါင်းရင်းမြစ်များ

1 Timoti 2:4

ate meŋ hameta, moolu bee ye kiisoo soto, aniŋ ka londi koyoo soto tooñaa to.

Roomankoolu 2:4

Fo i jututa Alla la beteyaa baa le la baŋ, a la sooneeyaa aniŋ a la muñoo? Fo i maŋ a loŋ, Alla la beteyaa ka i naati tuuboo le kaŋ?

Habakuki 2:3

Ñiŋ lankenemayandiroo ka a waatoo le batu. A diyaamuta labandulaa kuwolu le la, aduŋ a te ke la faniyaa ti. A kuwo naafata ñaa-wo-ñaa, hani wo a batu. A be koyiriŋ ne lewu ko a be naa le, a te baayi la muk.

Jabuuroolu 86:15

Bari Maariyo, ite mu Alla le ti meŋ balafaa warata, aduŋ i hiinanteeyaata, i buka kamfaa juuna, i la kanu bambaloo niŋ i la tiliŋo maŋ dandulaa soto.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Lankenemoo 2:21

Ŋa waatoo dii a la le ka tuubi, bari a maŋ soŋ ka a la laañooyaa tuluŋolu bula.

2 Pita 3:15

Ali hakiloo si bula ko, m̀ Maariyo mu muñalaa le ti ǹ na kiisoo ye. M̀ baadiŋ kanuntewo Pawulu fanaa ye ñiŋ kuwolu safee ali ye le ka bo niŋ ñaameŋo la, Alla ye meŋ dii a la.

1 Timoti 1:16

Bari balafaa diita n na ñiŋ daliiloo le kamma la, fo Yeesu Kiristu si a la muñoo bee yitandi nte kono, junubelaalu bee kuntonkoo, aduŋ n na kuwo si ke misaaloo ti moolu bee ye, mennu be naa laa la ate la ka badaa-badaa baluwo soto.

Hiburunkoolu 10:37

ko a be safeeriŋ ñaameŋ: “Ñaato domandiŋ, ate meŋ be naa kaŋ, a be naa la le, a te mee la.

2 Musa 34:6

Yaawe tambita Musa ñaato, a ye a kankulaa ko, “Nte Yaawe, meŋ ye balafaa soto, m mu Alla le ti, meŋ hiinanteeyaata. M buka kamfaa juuna, n na kanu bambaloo niŋ n na tooñaa maŋ dandulaa soto.

Roomankoolu 9:22

Wo ñaa kiliŋo la, Alla ye kaŋo soto moolu kaŋ ne. A lafita a la kamfaa yitandi la fo a la semboo si loŋ, bari wo ñaa-wo-ñaa, a naata muña niŋ muña baa la wo moolu ye, mennu ye a kamfandi. Wolu mu keraŋolu le ti a la kamfaa ye, mennu ñanta kasaara la.

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

2 Musa 18:23

Niŋ i ye ñiŋ ke, ko Alla ye a yaamari ñaameŋ, i te bataa baa soto la, aduŋ ñiŋ moolu bee kontaaniriŋolu si seyi ì la suwolu kono.”

1 Pita 3:20

Wolu mu moolu le ti, mennu maŋ Alla la yaamaroo muta nuŋ, Nuha la luŋolu la. Wo waatoo la, Alla ye ì batu muñoo kono fo Nuha pareeta kuluŋ dadaa la. Wo kuluŋo kono, moo dantaŋ doroŋ, mennu mu moo seyi ti, wolu le naata kiisa ka bo niŋ jiyo la.

2 Musa 32:32

Dukaree, i si yamfa ke ì la junube kuwolu la, bari niŋ i maŋ soŋ, i si n too bondi i la kitaaboo kono, i ye i la moolu toolu safee daameŋ.”

2 Musa 33:11

Yaawe niŋ Musa ka diyaamu ñoo ye le, ko moo niŋ a teeroo ka diyaamu ñaameŋ. Bituŋ Musa si muruŋ daakaa dulaa to. Bari a la fondinkee maakoyilaa, meŋ keta Yosuwa ti, Nuni dinkewo, ka sabati tiriliisoo le koto.

Jabuuroolu 77:8

Fo a ye i foño le ka a la kanu bambaloo yitandi ǹ na fo fawu? Fo a te a la laahidoolu timmandi la ǹ ye kotenke?

Kawandilaa 8:11

Moolu be naafa la kuu jawu kelaalu jaraboo la doroŋ, hadamadiŋolu sondomoo be wajabi la kuruŋyaa kuu kewo kaŋ.

Esekiyeli 33:11

Wo to, ite hadamadiŋo, a fo ì ye ko, a be koyiriŋ ñaameŋ ko nte Yaawe i Maariyo be baluuriŋ ne: Nte buka kontaani moo kuruŋo la saayaa la, bari n ka kontaani ñiŋ ne la, a ye a koo dii a la kuu jawu kewo la, a ye baluu. Banisirayilankoolu, muŋ ne ye a tinna, ali lafita ka faa? Ali ali koo dii ali la kuu jawu kewo la, ali ye baluu.” Maarii Yaawe le ye a fo.

Daniyeli 4:29

Sanji kiliŋ koolaa, a tarata taamaŋ-taamaŋ kaŋ Babiloni mansabuŋo kaŋ santo, daameŋ to be teruriŋ.

Roomankoolu 13:11

Ali ye waatoo loŋ ne fanaa, m̀ be meŋ kono. Waatoo naata le fo ali si kuniŋ ali la siinoo kono, kaatu ǹ na kiisoo sutiyaata ǹ na le saayiŋ ka tambi wo waatoo la, ŋà lannoo soto meŋ na.

Roomankoolu 13:12

Suukuuta, fani keta. Wo to, ali ŋà diboo la baara kuwolu landi jana, ŋà maloo la jooraŋolu duŋ.

2 Pita 1:4

Ka bo wo siloo le la, a ye laahidi kummaa baalu dii ǹ na, mennu maŋ ñoŋo soto. Ñiŋ laahidoolu ye a tinna le, ali ye siloo soto ka kana ñiŋ duniyaa jenkeriŋo la kuruŋyaa ma, niidiyaa kuwolu ka meŋ saabu, bituŋ ali si ke niisotolaalu ti Alla mankutoo to.