2 Pita 3:13 - Mandinka Bible

¹³ Bari ntolu mennu ye Alla la laahidoo soto, m̀ be saŋ kutoo niŋ banku kutoo le batu kaŋ, tiliŋo be sabati la daameŋ.

2 Pita 3:13 ပူးပေါင်းရင်းမြစ်များ

Yesaya 65:17

“A juubee, m be saŋ kutoo niŋ banku kutoo le daa la. Hakili te bula la folooto kuwolu la, sako moo ka i miira ì la.

Lankenemoo 21:1

Bituŋ ŋa saŋ kutoo niŋ banku kutoo je, kaatu saŋ foloo niŋ banku foloo yeemanta le, aduŋ fankaasi maŋ tara sotoriŋ.

Yesaya 66:22

A ko: “M be saŋ kutoo niŋ banku kutoo meŋ daa la, be tu la n ñaatiliŋo la ñaameŋ, ali too niŋ ali koomalankoolu be tu la ali ye wo le ñaama.”

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Roomankoolu 8:21

a be bondi la ñiŋ nafantaŋyaa kono le, aduŋ a be wo firiŋo niŋ kallankeeyaa soto la le, meŋ mu Alla diŋolu fanaa taa ti.

2 Pita 1:4

Ka bo wo siloo le la, a ye laahidi kummaa baalu dii ǹ na, mennu maŋ ñoŋo soto. Ñiŋ laahidoolu ye a tinna le, ali ye siloo soto ka kana ñiŋ duniyaa jenkeriŋo la kuruŋyaa ma, niidiyaa kuwolu ka meŋ saabu, bituŋ ali si ke niisotolaalu ti Alla mankutoo to.