2 Pita 1:18 - Mandinka Bible

¹⁸ Ntolu faŋolu ye ñiŋ kumakaŋo moyi le ka bo naŋ saŋo santo, biriŋ ǹ niŋ a be wo konko senuŋo kaŋ.

2 Pita 1:18 ပူးပေါင်းရင်းမြစ်များ

2 Musa 3:1

Saayiŋ, Musa ka a bitankewo Yetiro meŋ keta Midiyani piriisoo* ti, la saajiyolu niŋ baalu le kanta. A niŋ ì ka taa le fo keñewuloo* kara doo la, ka taa fo Horebu to, meŋ mu Alla la konkoo ti.

2 Musa 3:5

Alla ko, “Kana kata naŋ kotenke. I la samatoolu bondi, kaatu i be looriŋ dulaa meŋ to, dulaa senuŋo le mu.”

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Yesaya 56:7

m be ñinnu le samba la n na konko senuŋo* to, ì ye tara seewooriŋ n na duwaa buŋo kono. M be soŋ na le ì la jani sadaalu* niŋ ì la beeyaŋ sadaalu ye laa n na sadaajanidulaa* kaŋ. Kaatu ì be n na buŋo kumandi la duwaa buŋo le la, bankoolu bee ye.”

Jakariya 8:3

Yaawe ye ñiŋ ne fo ko: M be muru la Siyoni Konkoo kaŋ ne, jee be kumandi la Yaawe Alihawaa Maariyo la konko senuŋo* le la. M be sabati la Yerusalaamu le, jee be kumandi la saatee tilindiŋo le la.

Matiyu 17:6

Biriŋ saayiboolu ye ñiŋ moyi, ì boyita ka biti ì ñaadaalu kaŋ, aduŋ ì silata baake.

Yosuwa 5:15

Yaawe la kelelaa kuntiyo ko a ye ko, “I la samatoo bo, kaatu i be looriŋ dulaa meŋ to, jee mu dulaa senuŋo le ti.” Bituŋ Yosuwa naata a ke, ko a ye a fo a ye ñaameŋ.