2 Musa 7:3 - Mandinka Bible

^3-4 Bari m be mansa sondomoo jandi la le. A te i lamoyi la ali la, hani niŋ a ye a tara, ŋa taamanseeroolu niŋ kaawakuu jamaa ke Misira. N si naa yankankati jawoo laa Misira kaŋ, niŋ ŋa n na kafoolu Banisirayilankoolu fintindi bankoo kaŋ.

2 Musa 7:3 ပူးပေါင်းရင်းမြစ်များ

2 Musa 4:21

Yaawe ko Musa ye ko, “Niŋ i muruta Misira, a je ko, i ye kaawakuwolu bee ke Firawoona ñaatiliŋo la. Nte le ye semboo dii i la ka ì ke. Bari m be a sondomoo jandi la le, i si a je, a te moolu bula la ì ye taa.

2 Musa 11:9

Koomanto Yaawe ye a fo Musa ye le ko, “Firawoona be balaŋ na le ka i lamoyi i la, fo n na kaawakuwolu si lafaakuu noo Misira.”

Roomankoolu 15:19

taamanseeroolu niŋ kaawakuwolu, aniŋ ka bo Alla la Nooroo semboo la. N taata ka bo Yerusalaamu saatewo to fo Illirikumu tundoo kaŋ. Ŋa Kiristu la kibaari betoo kawandi daa-wo-daa,

Kiilaalu 7:36

Musa le ye i bondi Misira. A ye kaawakuwolu niŋ taamanseeroolu ke Misira bankoo kaŋ, Kulunjumbe Baa to, aniŋ keñewuloo kono fo sanji taŋ naani.

Kiilaalu 2:22

“Banisirayilankoolu, ali i lamoyi ñiŋ kumoolu la! Yeesu Nasaretinkoo keta moo le ti, Alla ye meŋ londi ali ye. Alla ye baara kuu baalu, kaawakuwolu niŋ taamanseeroolu ke ka bo niŋ ate le la ǹ kono, ko ali faŋolu ye a loŋ ñaameŋ.

Yohana 4:48

Wo kamma la Yeesu ko a ye ko, “Fo niŋ ali ye taamanseeroolu niŋ kaawakuwolu je, niŋ wo nte ali te laa la.”

Jabuuroolu 135:9

Ate le ye taamanseeroolu niŋ kaawakuwolu jindi Misira bankoo kaŋ, Firawoona niŋ a la dookuulaalu bee kaŋ.

Mika 7:15

Kaawakuwolu yitandi ǹ na, ko i ye a ke nuŋ tiloolu la ñaameŋ, biriŋ i ye i la moolu ñaatonkayaa ka bo Misira.

Yesaya 51:9

Wuli, wuli Yaawe, i ye i semboo taa! Wuli, ko i ye a ke nuŋ ñaameŋ folooto. Fo ite le maŋ wo daafeŋ saŋarariŋ baa Rahabu faa baŋ? Ite le ye a soo fo i ye a faa, i ye a kuntuŋ-kuntuŋ.

Nehemiya 9:10

I ye taamanseeroolu niŋ kaawakuwolu le taamandi Firawoona niŋ a la dookuulaalu kaŋ, ka taa a la bankoo moolu bee, kaatu i ye a je le ko, ì ye m̀ mumuñolu tilimbaliyaa jawuke le. I ye i too darajandi le, fo ka naa bula bii la.

5 Musa 7:19

Ali kana ñina mantoora kuwolu la, Yaawe ali la Alla ye mennu laa ì kaŋ. Ali hakiloo kana bo kaawakuwolu niŋ taamanseeroolu la, ali ñaa seedeyaata mennu la, Yaawe ye mennu ke a bulu sembemaa baa la, ka ali bondi naŋ Misira. A ye meŋ ke Misirankoolu la, a be wo ñoŋo le ke la ñiŋ moolu fanaa la, ali be silariŋ mennu la.

5 Musa 4:34

Alla koteŋ nene maŋ banku bondi banku doo bulu ka ì ke a faŋo taa ti. Bari Yaawe ye wo le ke alitolu ye Misira, a ye a ke ali faŋolu le ñaa koto niŋ kaawakuwolu niŋ taamanseeroolu la, ì naata ke moolu ye masilaŋo ti. A ye ñiŋ ke niŋ a bulu sembemaa baa le la. A ye mantoora kuu jamaa le laa Misirankoolu kaŋ ali ñaa la, a ye ì kelendi saŋarake ali ye.

2 Musa 9:16

Bari ka n semboo yitandi i la, ŋa i bula le i baluuta, fo n na darajoo si janjaŋ noo duniyaa bee kono.

2 Musa 4:29

Musa niŋ Haaruna ye Banisirayila la alifaalu bee bendi ñoo kaŋ.

2 Musa 4:7

Wo to le Yaawe ko, “I buloo bula i la dendikoo kono kotenke.” A ye a ke. Kabiriŋ a ye a bondi ñiŋ siloo, a kendeyaata, komeŋ a balajaata toomaalu be ñaameŋ.

Roomankoolu 9:18

Wo to Alla ka hiina moo le la, a lafita ka hiina meŋ na, aduŋ a ka moo le sondomoo jandi, a lafita meŋ sondomoo jandi la.

2 Musa 3:20

Bari m be n semboo yitandi la le, ka Misirankoolu mantoora ka kaawakuwolu ke jee. Niŋ wo keta, a be ali bula la le ali ye taa.

2 Musa 7:13

Hani wo Firawoona sondomoo jaata le, aduŋ a maŋ i lamoyi ì la, ko Yaawe ye a fo nuŋ ñaameŋ.

2 Musa 11:10

Musa niŋ Haaruna ye ñiŋ kaawakuwolu bee ke Firawoona ñaa la le, bari Yaawe ye Firawoona sondomoo jandi le, aduŋ a balanta Banisirayilankoolu ye finti a la bankoo kaŋ.

2 Musa 14:4

M be Firawoona sondomoo jandi la le, aduŋ a be ali bayindi la le. Bari m be n na semboo niŋ waroo yitandi la Firawoona niŋ a la kelediŋ kafoo bee la le, fo n too si horoma. Misirankoolu be a loŋ na le ko, nte le mu Yaawe ti.” Banisirayilankoolu ye wo le ke.

Jabuuroolu 78:12

Ì mumuñolu ye a je le a ye kaawakuwolu mennu ke Sowani kene fanuŋolu kono, Misira bankoo kaŋ.

Kuma Kotoomaalu 21:1

Mansa sondomoo la kuwo be Yaawe* le bulu, a ka a taamandi le ko jiiboroo, daa-wo-daa diyaata a ye, a ka a tilindi jee le to.