2 Musa 7:20 - Mandinka Bible

²⁰ Yaawe ye Musa niŋ Haaruna yaamari meŋ na, ì ye wo le ke. Haaruna ye a la dokoo wulindi Firawoona niŋ a la ñaatonkoolu ñaa la. A ye Nayili Boloŋo jiyo lipa, aduŋ jiyo bee yelemata yeloo ti.

2 Musa 7:20 ပူးပေါင်းရင်းမြစ်များ

Jabuuroolu 105:29

A ye ì la baajiyo yelemandi yeloo ti, ka ì la ñewolu bee faa.

Jabuuroolu 78:44

A ye Misirankoolu la baajiyolu yelemandi yeloo le ti, ì maŋ mindaŋ jii soto.

Lankenemoo 8:8

Malaayika fulanjaŋo ye a la footaŋo fee, bituŋ feŋ fintita, meŋ ka munta ko konko baa, a be jani kaŋ niŋ dimbaa la. A fayita fankaasoo kono, aduŋ fankaasoo la talaadaa sabanjaŋo naata yelema yeloo ti.

2 Musa 4:9

Bari niŋ ì maŋ laa ñiŋ taamanseeri fuloo la, waraŋ ka i lamoyi i la, jiyo doo taa Nayili Boloŋo to, i ye a boŋ banku jaaroo kaŋ. I ye jiyo meŋ bondi baa kono, be yelema la yeloo le ti bankoo kaŋ.”

2 Musa 7:21

Ñewolu mennu be Nayili Boloŋo kono faata, baajiyo sunkanta, fo Misirankoolu buka i miŋ noo a jiyo la. Yeloo tarata Misira dulaalu bee le to.

2 Mansoolu 4:29

Bituŋ Elisa ko Kehasi ye ko, “I tewo siti, i ye bori i niŋ n na dokoo ye taa, i ye a muta i buloo kono. Niŋ i niŋ moo-wo-moo benta, i kana a kontoŋ, aduŋ niŋ moo-wo-moo ye i kontoŋ, i kana a jaabi. I si n na taamaraŋ dokoo laa kambaanendiŋo ñaadaa kaŋ.”

Habakuki 3:8

Yaawe, fo i kamfaata boloŋolu le kamma baŋ? Fo i ye fijoo jii baalu le kaŋ baŋ? I jusoo bota fankaasoo le kamma baŋ, biriŋ i be i la suwoolu kaŋ, aniŋ i la keleraŋ sareetoolu*, ka nooroo ke?

2 Musa 7:6

Yaawe ye Musa niŋ Haaruna yaamari meŋ na, ì ye wo le ke.

2 Musa 7:10

Wo to le Musa niŋ Haaruna taata Firawoona yaa, ì ye Yaawe la yaamaroo ke, ko a ye a fo ì ye ñaameŋ. Haaruna ye a la dokoo fayi Firawoona niŋ a la ñaatonkoolu ñaatiliŋo la, a yelemata saa baa ti.