2 Musa 5:14 - Mandinka Bible

¹⁴ Banisirayila dookuu ñaatonkoolu, Firawoona la joŋ kuntiyolu ye mennu tomboŋ, ì ka wolu buutee le, aduŋ ì ka a fo ì ye le ko, “Muŋ ne ye a tinna, ali maŋ ali la tiloo birikoolu sindi kunuŋ niŋ bii, ko ali ka a ke nuŋ ñaameŋ?”

2 Musa 5:14 ပူးပေါင်းရင်းမြစ်များ

Yesaya 10:24

Wo to, Yaawe Alihawaa Maariyo ye ñiŋ ne fo ko, “Hee n na moolu, alitolu mennu be sabatiriŋ Siyoni, ali kana sila Asiriyankoolu la, mennu ye ali buutee busoo la, ì ye dokoo sika ali kamma, ko Misirankoolu ye a ke nuŋ ñaameŋ.

2 Musa 5:6

Wo luŋo faŋo le mansa ye Misira joŋ kuntiyolu aniŋ dookuu ñaatonkoolu yaamari ko,

2 Musa 5:13

Joŋ kuntiyolu tuta ì dookundi la le kendeke, ka a fo ì ye ko, “Ali ka birikoo meŋ nankamoo dadaa, kabiriŋ siimaŋ kaloolu be jee, ali be wo le fanaa dadaa la saayiŋ.”

2 Musa 5:15

Wo to le Banisirayila dookuu ñaatonkoolu taata ka taa Firawoona daani, ka a fo a ye ko, “Muŋ ne ye a tinna, i ye ñiŋ kuu siifaa ke i la dookuulaalu la?

2 Musa 1:14

Ì ye baluwo koleyandi ì ma niŋ dookuu koleŋolu le la. Ì ka birikoolu kosi, ì ka sooñibankoo ñaami, aduŋ ì ka dookuu siifaa jamaa le ke kunkoolu to. Bari Misirankoolu buka balafaa soto ì la dookuu koleŋo la, ì be meŋ ke kaŋ.