2 Musa 40:2 - Mandinka Bible

² “I si Tiriliisi Senuŋo* loo, n niŋ ali be beŋ na daameŋ, kari foloo tili foloo luŋo la.

2 Musa 40:2 ပူးပေါင်းရင်းမြစ်များ

2 Musa 26:30

Tiriliisi Senuŋo* si dadaa komeŋ ŋa misaaloo meŋ yitandi konkoo kaŋ.

2 Musa 13:4

Bii meŋ keta saŋo kari foloo luŋo ti, Abibu karoo, le ali bota Misira.

4 Musa 7:1

Biriŋ Musa ye Tiriliisi Senuŋo* baŋ loo la luŋo meŋ na, a ye a toloo niŋ tulu senuŋo* le la ka a kuliyaa, a niŋ a feŋo bee. A ye sadaajanidulaa* fanaa kuliyaa wo le ñaama, a niŋ a jooraŋolu bee.

4 Musa 1:1

Yaawe* diyaamuta Musa ye Bendulaa Tiriliisi Senuŋo* le kono, Sinayi Keñewuloo* kono. A benta Banisirayilankoolu la fintoo ka bo Misira saŋ fulanjaŋo le fee, a kari fulanjaŋo tili foloo. A ko a ye ko,

2 Musa 40:6

Sadaajanidulaa* londi tiriliisoo dundaŋ daa to,

2 Musa 36:18

Ì ye jaawali sitiraŋ taŋ luulu le dadaa, ka bitiraŋ fula siti ì la ka ì ke kiliŋ ti.

2 Musa 35:11

Tiriliisoo, a bitiraŋolu niŋ a banta muurilaŋolu, a sitiraŋolu, a kaadaroolu niŋ ì dokoolu, a samasiŋolu aniŋ ì looraŋolu,

2 Musa 30:36

I si kara doo tuu, a ye ke munkoo ti, i ye a samba Bendulaa Tiriliisoo kono, i ye a ke Kambeŋ Kunewo ñaato, n niŋ i be beŋ na daameŋ. I si ñiŋ cuuraayoo mara ko feŋ senuŋ baa.

2 Musa 27:21

Haaruna niŋ a dinkewolu le ñanta lampoolu mala la, mennu be Bendulaa Tiriliisoo kono ridoo ye banta la, meŋ be Kambeŋ Kunewo* ñaato. Ì ñanta ì mala la n ñaatiliŋo le la, ka bo wulaaroo fo soomandaa. Banisirayilankoolu niŋ ì koomalankoolu ñanta ñiŋ yaamaroo muta la le fo abadaa.

2 Musa 26:7

Ali si tiriliisoo bitiraŋ fulanjaŋo dadaa niŋ bayi faani taŋ niŋ kiliŋ na, ì ye mennu daa ka bo niŋ baatiyo la.

2 Musa 26:1

Yaawe* ko Musa ye ko: Ali tiriliisoo la bitiraŋ foloo dadaa niŋ bayi faani taŋ na, mennu daata niŋ juluboora koyoo la, buluuriŋo, wuluyeloo aniŋ wuleeriŋo. Daarilaa meŋ buloo koyita, wo le ñanta kerubu malaayikoolu* soo la a bala.

2 Musa 19:1

Banisirayilankoolu bota Refidimu kari sabanjaŋo luŋo la, biriŋ ì bota Misira, wo ñoŋ luŋo le ì dunta Sinayi Keñewuloo* kono. Ì daakaata Sinayi Konkoo ñaatiliŋo la.

2 Musa 40:1

Wo to le Yaawe* ko Musa ye ko,

4 Musa 9:1

Yaawe* diyaamuta Musa ye Sinayi Keñewuloo* kono, Banisirayilankoolu la naa ka bo Misira, a saŋ fulanjaŋo kari foloo, a ko a ye ko,

4 Musa 9:15

Luŋo meŋ na Tiriliisi Senuŋo* loota, seedeyaa walaa fuloo be maaboriŋ meŋ koto, minaayoo le ye a muuri. A dimbaamaa le tarata looriŋ a kunto biriŋ wulaara fo fanoo keta.

1 Taarika 17:5

Kaatu m maŋ tara sabatiriŋ nuŋ buŋ kono, kabiriŋ luŋo meŋ na, ŋa Banisirayilankoolu bondi naŋ Misira, fo ka naa bula bii tiloo la. M be sabatiriŋ tiriliisoo le koto, ka bo daakaa ka taa daakaa.

2 Taarika 29:3

A la mansayaa sanji foloo, kari foloo la, a ye Yaawe Batudulaa Buŋo* daalu yele, a ye ì dadaakuu.

Esekiyeli 40:1

Ǹ tarata nuŋ mutoo le kono bantala bankoo* kaŋ fo sanji muwaŋ niŋ luulu. A keta saŋo kari foloo tili tanjaŋo le la. Wo le keta Yerusalaamu la boyoo sanji taŋ niŋ naaninjaŋo ti. Wo luŋo faŋo le Yaawe* semboo tarata m fee, aduŋ a ye n samba.

Esekiyeli 45:18

Maarii Yaawe ye ñiŋ ne fo ko: “Saŋo kari foloo, tili foloo luŋo la, ali ñanta tuuraariŋo meŋ maŋ sootaari soto, le faa la, ka n na Batudulaa Senuŋo jankundi a la.