2 Musa 32:8 - Mandinka Bible

⁸ Ŋa ì yaamari ka siloo meŋ nooma, ì ye a bula le. Ì ye sani ninsituuraa le dadaa ka bo niŋ sani yelundiŋo la, ì ka sujudi wo le ye, ì ka sadaalu bondi a ye. Ì ka a fo le ko, ñiŋ ne mu itolu la alla ti, meŋ ye ì ñaatonkayaa ka ì fintindi naŋ Misira bankoo kaŋ.”

2 Musa 32:8 ပူးပေါင်းရင်းမြစ်များ

1 Mansoolu 12:28

Mansa Yerobowamu naata ñininkaaroo ke ka yaamaroo ñini ñiŋ kuwo to. Bituŋ a ye sani ninsiriŋ fula dadaa. A ko moolu ye ko, “Ka taa fo Yerusalaamu ka taa baturoo ke jee, wo koleyaata le. Alitolu Banisirayilankoolu, ali la alloolu fele mennu ye ali bondi naŋ Misira kono.”

2 Musa 20:23

Ali kana jalaŋolu dadaa ali faŋolu ye niŋ sanoo waraŋ kodiforoo la, ka ì batu nte koolaa.

5 Musa 9:16

N naata a je ko tooñaa, ali ye junube jawu le ke Yaawe la, ali la Alla. Kaatu ali ye ninsiriŋ jalaŋo le tunkaŋ ali faŋolu ye. Ali tariyaata le ka ali koo dii Yaawe la yaamaroolu la.

Kiitindirilaalu 2:17

Hani saayiŋ, ì buka i lamoyi ñiŋ kiitindirilaalu la kumoolu la. Ì ka ì faŋ filindi ka ke fisiriwallewolu ti ka bula alla koteŋolu nooma, aniŋ ka sujudi ì ye. Ì tariyaata yelema la le ka ì koo dii siloo la ì la alifaa foloolu tarata meŋ kaŋ, mennu keta Yaawe la yaamaroolu mutalaa ti. Itolu maŋ ke ko ì la alifaa foloolu.

2 Musa 22:20

Moo-wo-moo ye sadaa* bo alla koteŋ ye, meŋ maŋ ke nte Yaawe ti, ali a maarii kasaara.

2 Musa 32:4

A ye tulutotaalu taa, a ye ì yelundi, a naata jooraŋo taa, a ye ninsituuraa dadaa a la. Bituŋ moolu kumata ko, “Banisirayilankoolu, ñiŋ ne mu ǹ na alla ti, meŋ ye ǹ ñaatonkayaa ka m̀ bondi Misira.”

2 Musa 34:15

Ali i kekuu, ali niŋ banku moolu kana kambeŋ siti, kaatu niŋ ì ye ì la sadaalu* bo ì la jalaŋolu ye, ì be ì faŋ duŋ na cakayaa maañaa le la. Ì be ali buuñaatoo kumandi la le, ka a fo ko, ali ye ì la sadaalu domo.

3 Musa 17:7

Banisirayilankoolu maŋ ñaŋ na ì la beeyaŋ sadaalu kanateyi la jalaŋolu ye kotenke mennu muluŋo be ko baa, ì ka tara cakayaa maañaa la mennu nooma. Ñiŋ mu ali ye kaŋ looriŋo le ti ali la jamaani naalaalu bee la.

5 Musa 9:12

Bituŋ Yaawe ko n ye ko, “I tariyaa i ye jii duuma, kaatu i ye moolu mennu ñaatonkayaa ka bo naŋ Misira ì ye kuu jawu baa le ke. Ì ye ì koo dii n na yaamaroolu la le ŋa mennu dii ì la, ì ye jalaŋo tunkaŋ ì faŋolu ye.”

5 Musa 32:17

Ali ka sadaalu* bo seetaanoolu ye, ì maŋ ke Alla ti, alloolu, ali nene maŋ mennu loŋ, alla kutoolu, mennu finti waatoo maŋ mee, ali mumuñolu nene maŋ sila mennu la.

Jabuuroolu 78:36

Bari ì ka neeneeri kumoolu le fo a ye ì daalu la, aniŋ ka faniyaa fo a ye.

Yosuwa 22:15

Kabiriŋ ì taata Kileyadi, Rubeni, Kadu aniŋ Manase lasili talanteemoo kaŋ, ì ko ì ye ko,

Kiitindirilaalu 8:24

Bituŋ Kideyoni ko ì ye ko, “N lafita feŋ kiliŋ ne daani la ali bulu. Ali bee kiliŋ-kiliŋ naa ye tulutotaa dii n na, ali ye mennu buusi ali jawoolu bulu.” Ñiŋ jawoolu mu Isimayila lasiloo moolu le ti, itolu ka sani tulutotaa le duŋ.

Nehemiya 9:18

hani biriŋ ì ye ninsituuraa muluŋo dadaa ì faŋ ye, ì ko, wo le mu ì la Alla ti, meŋ ye ì ñaatonkayaa, ka ì bondi Misira, aduŋ ì ye i sooki baake le.

Jabuuroolu 106:19

Ì naata ninsituuraariŋo le dadaa sanoo la Sinayi Konkoo to, ì ye a batu jalaŋo ti.

Yesaya 46:6

“Doolu ka sanoo landatambi bondi ì la kufoolu kono le, ì ka kodiforoo juruma peesarilaŋo kaŋ. Ì ka tunkannaa le luwaasi, ka a tunkaŋ ì ye jalaŋo ti, ì ka sujudi a ye ka a batu.

Yeremiya 31:32

A te ke la ko ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. N keta ì ye le komeŋ ì keemaa le mu n ti, bari hani wo ì ye n na kambeŋo tiñaa le.” Yaawe le ye a fo.