2 Musa 30:9 - Mandinka Bible

⁹ Ali kana seerandi feŋ koteŋ bo ñiŋ cuuraayi siisindidulaa kaŋ, waraŋ jani sadaa, ka taa fo siimaŋ sadaa, aduŋ ali kana miŋ feŋ sadaa boŋ a kaŋ.

2 Musa 30:9 ပူးပေါင်းရင်းမြစ်များ

3 Musa 10:1

Silaŋ Nadabu niŋ Abihu Haaruna dinkee fuloo kiliŋ-wo-kiliŋ ye a la cuuraayi siisindiraŋo taa, a ye dimbaa keñemboo ke a kono. Ì ye cuuraayoo ke a kaŋ ne, aduŋ ì ye dimbaa koteŋ ne samba Yaawe* ye, meŋ maŋ ñaŋ, bayiri a maŋ ì yaamari a la.

2 Musa 30:8

A ñanta cuuraayi diimaa siisindi la le kotenke, niŋ a be lampoolu mala kaŋ fitiri maafaŋo la, fo cuuraayi diimaa si siisii a ñaama nte Yaawe ñaatiliŋo la. Ñiŋ sadaa* siifaa ñanta tu la ke la jamaanoolu bee le la, mennu be naa.

2 Musa 30:10

Saŋ-wo-saŋ Haaruna ñanta cuuraayi siisindidulaa seneyandi la le siiñaa kiliŋ. A si beeyaŋo yeloo taa, ì ye meŋ bondi ka ke junube kafarilaŋ sadaa ti, ka a ke a bina muluŋ naanoo bala. A si ke dulaa seneyaariŋ baa ti nte Yaawe ye. Ñiŋ si tu ke la jamaanoolu fanaa la mennu be naa.