2 Musa 30:3 - Mandinka Bible

³ A santoo, karadandaŋolu bee aniŋ a bina muluŋolu bee ye muuri niŋ saniforoo la, ali ye a santo daakuloo tunkaŋ, a ye ñiiñaa.

2 Musa 30:3 ပူးပေါင်းရင်းမြစ်များ

2 Musa 25:24

Ali a bee muuri niŋ saniforoo la, a daakuloo si tunkaŋ, a ye ñiiñaa.

2 Musa 25:11

Ali a konoto niŋ a banta bee muuri niŋ saniforoo la, a santo daakuloo si tunkaŋ, a ye ñiiñaa.

Lankenemoo 8:3

Bituŋ malaayika doo naata loo sadaajanidulaa* daala, sani cuuraayi siisindiraŋo be a bulu. Cuuraayi jamaa diita a la, ka a kafu Alla la moo senuŋolu bee la duwaa ma sani sadaabodulaa* kaŋ, mansasiiraŋo ñaatiliŋo la.

2 Musa 30:2

A ñanta ke la tonkoŋ naani le ti. A karoo niŋ a fanoo bee ye ke nonkonkatiñaa kiliŋ ti, a loo nonkonkatiñaa fula. A bina muluŋolu mennu be tonkoŋolu bala, niŋ a ñanta tara la ñoo bala le.

2 Musa 30:4

Ali si sani bularaŋ fula dadaa a sambaraŋolu ye, ali ye ì ke a daakuloo duuma, ì ye ì ñaa tiliŋ ñoo la, fo ì si dokoolu muta, ali ñanta a niŋ mennu samba la.

1 Mansoolu 6:22

Bituŋ a ye Alla Batudulaa Buŋo muumewo bee muuri niŋ sanoo la, ñiŋ kamma la buŋo ñiŋ muumewo bee si timma. Hani sadaabodulaa, meŋ be Dulaa Senuŋ Baa la karoo la, a ye a muumewo bee muuri niŋ sanoo la le.

1 Mansoolu 6:20

Dulaa Senuŋ Baa ñiŋ na kara jamfoo mu simfaañaa taŋ saba le ti, a la kono fanoo mu simfaañaa taŋ saba le ti, a la jamfoo santo mu nonkonkatiñaa muwaŋ ne ti. A ye a konoo muumewo bee muuri niŋ saniforoo le la, aduŋ a ye sadaabodulaa muumewo bee muuri niŋ sedari babaroo le la.

1 Mansoolu 7:48

Sulemani ye bunkono feŋolu fanaa dadaa mennu tarata Yaawe Batudulaa Buŋo kono: Sadaabodulaa meŋ muurita niŋ sanoo la, sani taabuloo, Alla la mbuuru senuŋo* ka landi meŋ kaŋ,