2 Musa 3:8 - Mandinka Bible

⁸ Saayiŋ n naata le, ka ì tankandi Misirankoolu bulu, aniŋ ka ì bondi wo bankoo kaŋ, ka ì samba banku warariŋ baa to, keekewo niŋ liyo ka woyi daameŋ, Kanaaninkoolu, Hitinkoolu, Amorinkoolu, Perisinkoolu, Hiwinkoolu aniŋ Yebusinkoolu be sabatiriŋ daameŋ.

2 Musa 3:8 ပူးပေါင်းရင်းမြစ်များ

1 Musa 11:5

Yaawe* jiita naŋ duuma, ka naa ñiŋ saatewo juubee aniŋ tatoo ñiŋ, hadamadiŋolu be meŋ loo kaŋ.

1 Musa 11:7

Ali naa ŋà jii duuma, ŋà ì la kaŋo duŋ ñoo to, i si a je, ì te ñoo la kumakaŋo fahaamu noo la kotenke.”

1 Musa 15:13

Bituŋ Yaawe ko Iburama ye ko, “Ñiŋ loŋ, a ye koyi i ma ko, i koomalankoolu be ke la tumarankewolu le ti bankoo kaŋ, meŋ maŋ ke ì taa ti. Ì be ke la joŋolu le ti jee, aduŋ ì be tara la marali jawoo le kono fo sanji keme naani.

1 Musa 15:14

M be naa bankoo ñiŋ moolu jarabi la, mennu ye ì ke joŋolu ti. Wo koolaa, ì be naa bo la jee, ì niŋ fanka baa.

1 Musa 18:21

M be taa duuma le ka a je, fo ì ye meŋ bee fo ì ma, fo ì baarata wo le la baŋ, niŋ wo maŋ ke fanaa, m be a loŋ na le.”

1 Musa 43:11

Bituŋ ì faamaa Isirayila ko ì ye ko, “Niŋ feere te jee, wo to ali si buuñaa feŋolu ke ali la bootoolu kono ka bo ǹ na banku feŋ betoolu kono, komeŋ liyo, pisitasiyo yiridiŋolu, alimondi* yiridiŋolu aniŋ seerandi feŋo siifaa saba. Ali ye ì dii kewo ñiŋ na.

1 Musa 46:4

Nte faŋo le niŋ i be taa ñoo la Misira, aduŋ nte le fanaa be i murundi la naŋ kotenke. Niŋ i beleta, Yusufa le be i ñaalu tawuŋ na.”

1 Musa 50:24

Bituŋ Yusufa ko a baadiŋolu ye ko, “N na saatoo ka naa sii le, bari Alla la deemaaroo be naa ali kaŋ ne, a ye ali bondi ñiŋ bankoo kaŋ, ka ali samba bankoo kaŋ, a kalita Iburayima, Isiyaaka aniŋ Yaakuba ye meŋ na.”

1 Taarika 1:15

Hiwinkoolu, Arikinkoolu, Sininkoolu,

Nehemiya 9:8

I ye a je le ko, a sonta i ma le ka bo a sondomoo kono, i ye kambeŋo siti i niŋ a teema, ka bankoo dii a koomalankoolu la, meŋ keta Kanaaninkoolu taa ti, Hitinkoolu, Amorinkoolu, Perisinkoolu, Yebusinkoolu, aniŋ Kirikasinkoolu. I ye i la laahidoo muta le, kaatu i tilinta le.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Jabuuroolu 12:6

Yaawe la laahidi kumoolu maŋ sootaari soto, ì ka munta le ì ye kodiforoo meŋ seneyandi tunkaŋ dimbaa kono, a seneyaata ko siiñaa woorowula.

Jabuuroolu 34:8

Moo-wo-moo si a juubee a faŋ ye Yaawe beteyaata ñaameŋ. Seewoo be moo le ye meŋ ka i tuuku a la.

Jabuuroolu 91:15

Niŋ i ye n kumandi, m be n danku la i ma le. Niŋ i bulata mantooroo kono, m be tara la i fee le. M be i bondi la le, ŋa horomoo dii i la.

2 Musa 12:41

Wo sanji keme naani sanji taŋ saboo baŋ luŋo faŋo le la, Yaawe la kafoolu bee fintita Misira.

2 Musa 12:51

Aduŋ wo luŋo faŋo le Yaawe ye Banisirayilankoolu kafumaalu bondi Misira kono.

2 Musa 13:5

Yaawe be ali samba la Kanaaninkoolu, Hitinkoolu, Amorinkoolu, Hiwinkoolu aniŋ Yebusinkoolu la bankoo kaŋ ne. A ye i kali ali la moo foloolu ye bankoo meŋ na ko, a be a dii la ali la le, keekewo niŋ liyo ka woyi daameŋ. Niŋ ali futata jee, ali ñanta a luŋo juura la le ñiŋ karoo.

2 Musa 3:17

Aduŋ a ye ali laahidi le ka ali bondi mantooroo kono Misira, ka ali dundi Kanaaninkoolu, Hitinkoolu, Amorinkoolu, Perisinkoolu, Hiwinkoolu, aniŋ Yebusinkoolu la bankoo kaŋ, keekewo niŋ liyo ka woyi daameŋ.’

2 Musa 34:11

Ali si luwaalu horoma, m be mennu dii la ali la bii. M be Amorinkoolu, Kanaaninkoolu, Hitinkoolu, Perisinkoolu, Hiwinkoolu, aniŋ Yebusinkoolu bayi la ali ñaato le.

2 Musa 5:23

Kabiriŋ waati meŋ n taata mansa yaa ka diyaamu niŋ i too la, a ka koleyaa le jindi ñiŋ moolu kaŋ, aduŋ i maŋ i la moolu tankandi muumeeke.”

Yesaya 36:17

Wo koolaa a be naa le, a ye ali samba banku doo kaŋ, meŋ niŋ ali la bankoo mulunta. Wo bankoo kaŋ siimaŋ kesoo siyaata jee le, aniŋ mbuuroo. Wayini yiri kankaŋolu be jee le, aniŋ wayinoo.

Yesaya 64:1

Kooni, niŋ i si saŋ fatoolu le fara nuŋ, i ye jii naŋ, konkoolu ye jarajara i ñaatiliŋo la!

Yeremiya 11:5

Niŋ wo keta, m be n na laahidoo timmandi la le, n kalita ì mumuñolu ye meŋ na ko, m be bankoo dii la ì la le keekewo niŋ liyo ka woyi daameŋ, ko a naata ke ali ye ñaameŋ bii.” Wo le to ŋa n danku, n ko, “Yaawe, amiin.”

Yeremiya 2:7

Ŋa ali samba naŋ banku kendiŋo le kaŋ, fo ali si i munafaŋ a fiifeŋolu niŋ a feŋ kendoolu la. Bari kabiriŋ ali naata, ali ye n na bankoo kosondi le, ka n na keetaafeŋo ke feŋ ñewundiŋo ti.

Yeremiya 32:22

I ye ñiŋ bankoo dii ì la le, i kalita ì mumuñolu ye meŋ na ka a dii ì la, keekewo niŋ liyo ka woyi ñiŋ bankoo meŋ kaŋ.

Esekiyeli 20:6

Wo luŋo la, ŋa n kali ì ye le ko, m be ì bondi la naŋ Misira bankoo kaŋ ne, ŋa ì samba bankoo kaŋ, ŋa daameŋ tomboŋ ì ye, keekewo niŋ liyo ka woyi daameŋ, banku ñiimaa baa, meŋ maŋ ñoŋ soto duniyaa kono.

3 Musa 20:24

Bari ŋa ñiŋ ne fo alitolu ye ko, “Ali be ì la bankoo taa la le. M be a dii la ali la le ka ke ali la keetaafeŋo ti, keekewo niŋ liyo ka woyi bankoo meŋ kaŋ.” Nte le mu Yaawe ali la Alla ti, meŋ ye ali niŋ banku koteŋ moolu fatandi.

Amosi 2:10

Ŋa ali bondi Misira. Ŋa ali ñaatonkayaa keñewuloo* kono sanji taŋ naani, ka Amorinkoolu la bankoo dii ali la ka ke ali taa ti.

4 Musa 13:18

Ali taa ali ye a juubee bankoo ñiŋ be ñaameŋ, fo moolu mennu be jee ì be bambandiŋ ne, waraŋ fo ì maŋ bambaŋ, waraŋ fo ì siyaata le, fo ì maŋ siyaa.

4 Musa 13:19

Ì be sabatiriŋ banku siifaa meŋ kaŋ, fo a beteyaata le, waraŋ fo a maŋ beteyaa. Ì be sabatiriŋ saatee ñaadiilu le kono, fo ì be tatariŋ ne, waraŋ fo ì maŋ tata?

4 Musa 13:27

Ì ye i dantee Musa ye ko, “I ye ǹ kii bankoo meŋ kaŋ, ǹ taata jee le, keekewo niŋ liyo le ka woyi a bankoo kaŋ, a yiridiŋolu fele.

Yohana 3:13

“Moo nene maŋ taa Arijana kono, fo kiliŋ, meŋ jiita ka bo Arijana kono, meŋ mu Moo Dinkewo* ti.

Yohana 6:38

Kaatu nte maŋ bo naŋ Arijana kono ka m fansuŋ lafoo ke, bari ka ate la lafoo ke, meŋ ye n kii.

5 Musa 1:25

Ì ye bankoo yiridiŋo doolu samba ǹ ye naŋ. Ì niŋ ñiŋ kumoo muruta naŋ ǹ kaŋ ko, “Yaawe ǹ na Alla ka naa banku kendoo le dii ǹ na.”

5 Musa 1:7

Ali wuli, ali ye daakaa janjaŋ ka tenteŋ ali la taamasiloo la, ali si taa Kanaani bankoo bee kaŋ. Wo le mu Amorinkoolu la konkotundoo* ti, aniŋ a dandanna tundoolu la taariŋ, Araba tundoo, konkotundoo, Sefela* tundoo, Nekefu* tundoo aniŋ baadaa borindoo. Ali si taa fo Libanooni Konkoolu fanaa to, ka taa fo Yufurati Boloŋo to.

5 Musa 27:3

Niŋ ali ye boloŋo teyi ka duŋ bankoo ñiŋ kaŋ, keekewo niŋ liyo ka woyi daameŋ, ko Yaawe ali mumuñolu la Alla laahidita ali ye ñaameŋ, ali ñanta luwaalu bee safee la ñiŋ beroolu bala le.

5 Musa 28:11

Yaawe si ali fankandi diŋ jamaa la, beeyaŋ jamaa aniŋ siimaŋ jamaa la bankoo kaŋ, a kalita ali mumuñolu ye ka daameŋ dii ali la.

5 Musa 6:3

Wo to Banisirayilankoolu, ali i lamoyi ñiŋ luwaalu la, aduŋ ali si ì muta kuuke. Wo to le kuwolu bee be laakuu la ali ye, aduŋ ali si yiriwaa ka siyaa wo bankoo kaŋ, keekewo niŋ liyo ka woyi daameŋ, ko Yaawe, ali mumuñolu la Alla ye ali laahidi a la ñaameŋ koomanto.

5 Musa 7:1

Musa tententa ka a fo ì ye ko: Niŋ Yaawe* ali la Alla ye ali samba bankoo kaŋ, a ka naa meŋ dii ali la ka ke ali taa ti, ate le be ñiŋ sii woorowuloo wutundi la ali ñaato. Wolu le mu Hitinkoolu ti, Kirikasinkoolu, Amorinkoolu, Kanaaninkoolu, Perisinkoolu, Hiwinkoolu, aniŋ Yebusinkoolu. Itolu le siyaata ali ti, aduŋ ì semboo warata ali ti fanaa.

Yosuwa 5:6

Banisirayilankoolu tarata yaayi kaŋ keñewuloo kono le fo sanji taŋ naani. Labaŋo la kelediŋolu bee mennu be ì kono ka bo naŋ Misira, wolu bee banta. Kaatu ì maŋ Yaawe la kumoo muta nuŋ. Yaawe ye i kali ñiŋ na le ko, ñiŋ moolu kono a te hani moo kiliŋ ñaa jerindi la bankoo ñiŋ na, a ye ì mumuñolu laahidi meŋ na ka a dii ì koomalankoolu la, bankoo keekewo niŋ liyo ka woyi daameŋ.

Yosuwa 9:1

Mansakewolu mennu bee be Yoridani Boloŋo tilijii karoo la konkotundoo* kaŋ, Sefela* konkotundoo aniŋ wo Baa Baa* borindoo bee la ka taa fo Libanooni, ì ye Banisirayila la kuwo moyi le. Wo mansoolu le be Hitinkoolu, Amorinkoolu, Kanaaninkoolu, Perisi koomalankoolu, Hiwinkoolu aniŋ Yebusinkoolu mara kaŋ nuŋ. Kabiriŋ ì ye ñiŋ kuwo moyi,

Yosuwa 9:7

Wo le to Banisirayila kewolu ko ñiŋ Hiwinkoolu ye ko, “Fo alitolu maŋ bo ǹ daala jaŋ ne, ǹ niŋ ali be kambeŋo siti noo la ñaadii le?”