2 Musa 24:2 - Mandinka Bible

² bari Musa, ite dammaa le ñanta kata la nte Yaawe la, toomaalu maŋ ñaŋ na kata la n na. Banisirayilankoolu maŋ ñaŋ na futa la konkoo santo.”

2 Musa 24:2 ပူးပေါင်းရင်းမြစ်များ

2 Musa 24:18

Bituŋ Musa dunta minaayoo kono, biriŋ a taata konkoo santo. A sabatita konkoo santo le fo tili taŋ naani aniŋ suuto taŋ naani.

2 Musa 24:15

Kabiriŋ Musa taata konkoo santo, minaayoo ye a muuri,

2 Musa 24:13

Bituŋ Musa niŋ a la maakoyilaa Yosuwa ye i paree. Musa taata Alla la konkoo santo.

Hiburunkoolu 9:24

Kaatu Kiristu dunta Dulaa Senuŋ Baa meŋ to, wo maŋ dadaa hadamadiŋo buloo la. Wo Dulaa Senuŋ doo mu ñiŋ tooñaa faŋo le misaaloo ti. Kiristu taata Arijana faŋo le kono, saayiŋ a be looriŋ Alla ñaatiliŋo la ntolu ye jee.

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 30:21

Ì la ñaatonkoo be ke la ì fansuŋ moo le ti, ì la maralilaa be bo la ì faŋolu le kono. M be a katandi la le, ka a sutiyandi n na, kaatu niŋ wo nte, jumaa le si haañi ka sutiyaa n na?” Yaawe le ye a fo.

4 Musa 16:5

Bituŋ a ko Kora niŋ a la kafoo moolu ye ko, “Soomandaa, Yaawe be a yitandi la le jumaa le be ate la karoo la, aniŋ jumaa le be seneyaariŋ, aniŋ jumaa le be ke la moo ti meŋ be ate waliŋ noo la. A be moo meŋ tomboŋ na, a be wo le bula la a ye a waliŋ.

2 Musa 20:21

Moolu tuta looriŋ dulaa jaŋo le to, biriŋ Musa taata diboo kono Alla be daameŋ.

2 Musa 24:1

Bituŋ Yaawe* ko Musa ye ko, “I niŋ Haaruna si taa nte yaa, aniŋ Nadabu, Abihu, aniŋ Banisirayila alifaa taŋ woorowula. Ali ñanta baturoo ke la dulaa jaŋ ne to,

2 Musa 24:3

Kabiriŋ Musa taata, ka Yaawe la kumoo niŋ a la luwaalu bee sindi moolu ma, ì bee denta kaŋ kiliŋ ne la. Ì ko, “Yaawe ye feŋ-wo-feŋ fo, m̀ be a ke la le.”

2 Musa 19:12

Naanewo ke moolu ye, ì ñanta daŋ na daameŋ konkoo bala. A fo ì ye ko, ‘Ali ali hakiloo tu, ali kana sele konkoo santo waraŋ ka a jenjeŋo maa. Moo-wo-moo ye ñiŋ konkoo maa, a la saayaa te baayi la wo luŋo la.