2 Musa 18:4 - Mandinka Bible

⁴ A ko fanaa ko, “M faamaa la Alla le ye m maakoyi, a ye n kanandi fo Firawoona maŋ m faa noo.” Bituŋ a ye dinkee doo toolaa Eliyesa la.

2 Musa 18:4 ပူးပေါင်းရင်းမြစ်များ

Hiburunkoolu 13:6

Wo kamma la, ǹ si ñiŋ fo noo dankeneyaa kono le ko: “Maariyo le mu n na maakoyirilaa ti, n te sila la. Hadamadiŋolu si muŋ ne ke noo m ma?”

2 Timoti 4:17

Bari Maariyo le loota m fee, a ye n sembentuŋyandi ka a la kibaaroo kawandi timmarinke fo moolu bee si a moyi, mennu maŋ ke Yahuudoolu ti. Aduŋ a ye n kanandi jatoo daa ma le.

Kiilaalu 12:11

Wo to le Pita ye a kalamuta, meŋ be keriŋ. A ko, “Tooñaa, saayiŋ ŋa a loŋ ne ko, Maariyo ye a la malaayikoo le kii naŋ ka n kanandi Herodi bulu, aniŋ kuwolu, Yahuudoolu be i yillaariŋ meŋ na.”

Daniyeli 6:22

N na Alla ye a la malaayikoo le kii naŋ, a ye jatoolu daa muta, aduŋ ì maŋ kuu ke n na, kaatu a ye a loŋ ne ko, m maŋ sootaari soto a la karoo la. Aduŋ m maŋ kuu kuruŋ ke ite Mansa fanaa la.”

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 34:4

N duwaata ka Yaawe daani, aduŋ a ye n jaabi le, ka m bondi n na dewuŋ kuwolu bee kono.

Jabuuroolu 18:48

I ka m bondi n jawoolu bulu, i ye n ke n jawoolu bee ñaato. Fitina moolu la karoo la, i ye n tankandi le.

Jabuuroolu 18:1

Hee Yaawe*, i la kuwo be n jusukuŋo le to, ite meŋ mu n semboo ti.

1 Taarika 23:15

Musa ye dinkee fula le soto, wolu le mu Kerisomu ti, aniŋ Eliyesa.

2 Musa 2:15

Kabiriŋ Firawoona ye ñiŋ moyi, a ye a kata ka Musa faa. Bari Musa borita Firawoona la le. A taata Midiyani bankoo le kaŋ, a siita koloŋo daala.

Kiilaalu 7:29

Ñiŋ kumoo kamma la Musa borita Midiyani bankoo kaŋ, a naata ke tumarankewo ti daameŋ, aduŋ a ye dinkee fula wuluu jee.

Hiburunkoolu 11:34

ì ye dimbaa jawoolu faa, ì kanata hawusaroo* daa ma. Ì naata sembentuŋyaa ì la sembentaŋyaa kono, ì keta kelejawara baalu ti, mennu jawoolu ye bori baa wutu ì ñaato.

1 Musa 49:25

Allamaa n na Alla ye i maakoyi. Allamaa Alla Tallaa neema la i ma. A ye neema ke i ye samaajiyo la ka bo santo, a ye neema ke i ye ka bo duuma. A ye neema ke i ye musu jiidilaalu la, aniŋ beeyaŋolu.

2 Musa 2:22

Sipora ye dinkewo wuluu, aduŋ Musa ye a toolaa Kerisomu le la, ka a fo ko, “N keta tumarankewo le ti wandi bankoo kaŋ.”

2 Musa 4:20

Wo to le Musa ye a la musoo niŋ a dinkewolu taa, a ye ì selendi faloo koo to, ì muruta Misira. Aduŋ a ye Alla la dokoo samba le.

1 Taarika 23:17

Eliyesa ye dinkee kiliŋ doroŋ ne soto, Rehabiya, bari ate ye dinkee jamaa le soto.

2 Musa 10:28

Firawoona ko Musa ye ko, “Bo n daala! I kana naa n ñaatiliŋo la kotenke! Niŋ i naata n ñaatiliŋo la kotenke, m be i faa la le.”