2 Musa 17:6 - Mandinka Bible

⁶ M be tara la looriŋ jee le bere konkoo santo Horebu Konkoo maafaŋo la. Bere konkoo lipa, aduŋ jiyo be bo la naŋ a kono le, fo moolu si i miŋ.” Musa ye wo le ke Banisirayila alifaalu ñaa la.

2 Musa 17:6 ပူးပေါင်းရင်းမြစ်များ

1 Korintinkoolu 10:4

aduŋ ì bee ye Nooroo jii kiliŋo le miŋ ka bo Nooroo beroo to, meŋ tarata ì noo kaŋ. Wo beroo ñiŋ mu Kiristu* le ti.

Nehemiya 9:15

I ye mbuuroo jindi ì ye naŋ santo le, ì konkoriŋo, i ye jiyo bondi ì ye naŋ beroo kono, ì mindootoo. I ko ì si taa ka bankoo taa, i kalita meŋ na ko, i be a dii la ì la le.

5 Musa 8:15

Ate Yaawe le ye ali ñaatonkayaa wo keñewuloo kono, daameŋ silaŋo warata, saa kunamaalu niŋ buntaloolu be siyaariŋ jee. A ye jiyo bondi ali ye naŋ beroo kono wo banku jaaroo to jii te daameŋ.

Jabuuroolu 105:41

A ye beroo fara, jiyo woyita, a borita keñewuloo* kono komeŋ baa.

Yohana 4:10

Wo to le Yeesu ye a jaabi ko, “Niŋ i ye Alla la sooroo loŋ, aniŋ meŋ ka a fo i ye ko, ‘N so jiyo la, ŋa m miŋ,’ tennuŋ i be a daani la le, aduŋ a be jiyo dii la i la le, meŋ ka baluwo dii.”

Jabuuroolu 114:8

Ate le ye bere baa yelemandi daloo ti, ka bere jaaroo yelemandi woyoo ti.

Jabuuroolu 46:4

Baa be jee le meŋ ka woyi, ka kontaanoo samba naŋ Alla la saatewo ye, daameŋ to mu Alla Mansa Tallaa faŋo taradulaa senuŋo ti.

Jabuuroolu 78:20

Tooñaa le mu, a ye beroo lipa le jiyo fintita, jiyo borita komeŋ woyoo, bari fo a si mbuuroo fanaa dii noo ntolu la baŋ, a la moolu, waraŋ ka suboo dii ǹ na?”

Lankenemoo 22:17

Noora Kuliŋo niŋ maañoo ko, “Naa!” Aduŋ meŋ ye ñiŋ moyi, wo si a fo ko, “Naa!” Mindoo be meŋ na, a si naa, aduŋ moo meŋ hameta, wo si baluwo jiyo taa, joori te meŋ to.

Yohana 4:14

Bari moo meŋ ye i miŋ jiyo la, m be meŋ dii la a la, mindoo nene te wo maarii muta la kotenke. Jiyo, m be meŋ dii la a la, wo be ke la woyoo le ti a kono, meŋ ka woyi ka badaa-badaa baluwo dii.”

Yesaya 48:21

Mindoo maŋ ì muta biriŋ a ye ì ñaatonkayaa keñewuloo* kono, a ye jiyo bondi ì ye beroo kono, a ye beroo fara, jiyo bota naŋ a kono.

2 Musa 16:10

Kabiriŋ Haaruna be diyaamu kaŋ Banisirayila bee ye, ì ye keñewuloo maafaŋo juubee, aduŋ jee to Yaawe ye a la kallankeeyaa yitandi minaayoo bala.

2 Musa 14:16

I la dokoo wulindi, i ye i buloo coodi baa kunto, ka jiyo talaa teema, fo Banisirayilankoolu si dulaa jaaroo soto ka tambi baa la.

4 Musa 20:8

“I la dokoo taa, i niŋ i kotoo Haaruna ye moolu bendi ñoo kaŋ. Diyaamu wo bere konkoo ye meŋ be i ñaatiliŋo la, a be jiyo woyi la naŋ ne. I be jiyo bondi la ñiŋ bere konkoo le bala, moolu niŋ ì la beeyaŋolu ye i miŋ.”

5 Musa 1:2

Ka bo Sinayi Konkoo to ka taa Kadesi-Barineya saatewo mu tili taŋ niŋ kiliŋ taamoo le ti, niŋ i taata niŋ Seyiri Konkoo siloo la.

Jabuuroolu 74:15

Ite le ye woyoolu niŋ boloŋolu ñaapuuloolu fetendi, i ye boloŋ jaabaloolu jandi le.

Jabuuroolu 78:18

Ì ye Alla kotobo le ì la tawunteeyaa kaŋ, biriŋ ì ye domoroo kaniŋ meŋ ye ì meeyaa.

Jabuuroolu 81:7

Ali ye n kumandi ali la mantooroo kono, ŋa ali bondi bataa kono, ŋa n danku ali ma saŋ feteŋo niŋ diboo le kono. Ŋa ali kotobo Meriba Woyoo to le. S