2 Musa 17:12 - Mandinka Bible

¹² Kabiriŋ Musa buloolu bataata, ì ye beroo le taa, ì ye a landi a koto, bituŋ a siita a kaŋ. Haaruna niŋ Huri ye a buloolu wulindi santo, doo loota kara doo la, doo fanaa loota kara doo la, fo a buloolu si tu tenkundiŋ fo tiloo ye boyi.

2 Musa 17:12 ပူးပေါင်းရင်းမြစ်များ

Yesaya 35:3

Ali ali bulu lamfuriŋolu bambandi, aniŋ ali kumbaliŋ koririŋolu.

Filipinkoolu 1:19

kaatu ŋa a loŋ ne ko, m be finti la le ka bo niŋ ali la duwaalu la, aniŋ maakoyiroo meŋ ka bo niŋ Yeesu Kiristu la Nooroo la.

Hiburunkoolu 12:12

Wo kamma la, ali ali bulu lamfuriŋolu bambandi, aniŋ ali kumbaliŋolu mennu maŋ semboo soto.

1 Tesalonikankoolu 5:25

Baadiŋolu, ali duwaa ǹ ye.

Efesusinkoolu 6:18

Ali duwaa waati-wo-waati, ali ye daaniroo ke Noora Kuliŋo kono. Wo kamma la, ali tara pareeriŋ, ali ye wakiili duwaa la moo senuŋolu bee ye.

2 Korintinkoolu 1:11

Ali la duwaalu fanaa ka m̀ maakoyi. Bituŋ moo jamaa be tenturoolu dii la Alla la hiinoo to, a ye meŋ dii ǹ na ka wo duwaalu bee jaabi.

Yankuba 1:6

Bari a ñanta daaniroo ke la lannoo le kono. A kana sika feŋ-wo-feŋ na, kaatu moo meŋ ka sika, wo maarii be le ko jiibaliŋo, foñoo ka meŋ ñori ka a fayi jaŋ waraŋ jana.

Jabuuroolu 35:3

I la sooroo niŋ i la hawusaroo* teeka m bayindilaalu kamma. N dankeneyandi ko i be n tanka la le.

Kolosankoolu 4:2

Ali tu duwaa la, aduŋ ali si koroosiroo ke a kono, ali niŋ tenturoo.

2 Musa 17:11

Niŋ Musa ye a buloolu wulindi waati-wo-waati, Banisirayilankoolu le ka nooroo ke. Bari niŋ a ye a buloolu jindi, Amalekinkoolu le ka nooroo ke.

2 Musa 17:13

Yosuwa ye Amalekinkoolu noo keloo la teŋ ne.

2 Musa 24:14

A ko alifaalu ye ko, “Ali m̀ batu jaŋ, fo niŋ m̀ muruta naŋ ali kaŋ. Haaruna niŋ Huri be tara la ali fee le, niŋ moo-wo-moo ye sonka kuu soto, ali si taa ì yaa.”

Yosuwa 8:26

Yosuwa maŋ a buloo murundi, hawusaroo be meŋ kono, fo a ye moolu bee kasaara mennu be Ayi kono.