2 Musa 16:4 - Mandinka Bible

⁴ Wo to le Yaawe ko Musa ye ko, “M be mbuuroo samaamaa naati la ali ye le, ka bo naŋ saŋo santo. Moolu ñanta finti la le luŋ-wo-luŋ. Meŋ be kaañaŋ na ì fee tiloo to, ì ye wo tomboŋ. M be ì kotobo la ñiŋ siloo le la, ka a juubee, fo ì be n na yaamaroolu nooma la le.

2 Musa 16:4 ပူးပေါင်းရင်းမြစ်များ

1 Korintinkoolu 10:3

Ì bee ye Nooroo domori kiliŋo le domo,

Jabuuroolu 105:40

Ì ye kanindiroo ke, a ye woloolu dii ì la, a ye mbuuroo jindi ì ye naŋ Arijana kono, ka ì konoolu fandi.

5 Musa 8:2

Ali kana ñina Yaawe ali la Alla ye ali ñaatonkayaa ñaameŋ keñewuloo* kono, fo sanji taŋ naani. A ye koleyaa kuu jamaa le laa ali kaŋ ka ali kotobo, fo ali si ali fammajii, aniŋ ka a loŋ fo ali be a la yaamaroolu muta la le.

2 Musa 15:25

Wo to le Musa kumboota Yaawe ye, aduŋ Yaawe ye babara telendaŋo yitandi a la. A ye a fayi jiyo kono, bituŋ jiyo naata diyaa. Yaawe ye yaamaroo ke, bituŋ a ye luwaa londi ì ye jee. Aduŋ a ye ì kotobo jee le fanaa to.

Nehemiya 9:15

I ye mbuuroo jindi ì ye naŋ santo le, ì konkoriŋo, i ye jiyo bondi ì ye naŋ beroo kono, ì mindootoo. I ko ì si taa ka bankoo taa, i kalita meŋ na ko, i be a dii la ì la le.

5 Musa 8:16

A naata manna dii ali la wo keñewuloo kono ka a domo. Ñiŋ keta domori feŋ ne ti, ali mumuñolu nene maŋ meŋ loŋ. A ye koleyaa kuu jamaa laa ali kaŋ ka ali kotobo, fo ali si ali fammajii, a koolaa ye naa ke ali ye kayiroo ti.

Matiyu 6:11

Domoroo dii ǹ na luŋ-wo-luŋ.

Kuma Kotoomaalu 30:8

Tilimbaliyaa niŋ faniyaa jamfandi n na, kana m fuwaareyandi, aduŋ i kana n ke naafulutiyo ti, bari i si n na baluwo dammaa dii n na.

Nehemiya 11:23

Suukuulaalaalu be mansakewo la kaŋo le koto, aduŋ ì la luŋ-wo-luŋ kuwolu taamandoo be wo le bulu.

Yosuwa 24:15

Bari niŋ ali maŋ lafi ka Yaawe batu, wo to ali a fo bii, ali be meŋ tomboŋ na ka a batu. Ali tombondiroo ke alloolu la ali la alifaa foloolu tarata mennu batu kaŋ nuŋ Yufurati Boloŋo kankuŋ doo la, waraŋ Amorinkoolu la alloolu, ali be sabatiriŋ mennu la bankoo kaŋ saayiŋ. Bari nte wo de, n niŋ n na dimbaayaa be Yaawe doroŋ ne batu la.”

Luka 11:3

Domoroo dii ǹ na luŋ-wo-luŋ.

2 Musa 16:15

Kabiriŋ Banisirayilankoolu ye a je, ì kumata ñoo ye ko, “Ñiŋ mu muŋ ne ti?” Kaatu ì maŋ a loŋ meŋ mu. Musa ko ì ye ko, “Mbuuroo le mu, Yaawe ye meŋ dii ali la ka a domo.

Jabuuroolu 78:23

Hani wo, a ye saŋ fatoolu yaamari le, a ye Arijana bundaalu yele,

Nehemiya 9:20

I ye i la Noora betoo dii ì la le ka ì karandi, i ye manna* dii ì la ka a domo, aniŋ jiyo ka mindoo bo ì la.