2 Musa 13:9 - Mandinka Bible

⁹ Ñiŋ juuraloo be ali hakiloo bulandi la le, ka ñiŋ kuwo ke ali kunto dunoo ti, fo ali si tenteŋ ka Yaawe la ñiŋ luwaa tanka aniŋ ka a karaŋ, kaatu Yaawe le ye ali bondi naŋ Misira niŋ a sembe baa la.

2 Musa 13:9 ပူးပေါင်းရင်းမြစ်များ

Nehemiya 1:10

“Ñinnu mu i la dookuulaalu le ti, aniŋ i la moolu, i ye mennu tankandi ka bo niŋ i la sembe baa la, i buloo la dookuwo.

Jabuuroolu 136:11

Ate le ye Banisirayilankoolu fintindi naŋ Misira bankoo kaŋ, a la kanu bambaloo be tu la le fo abadaa.

Jabuuroolu 136:12

A ye a ke niŋ a sembe baa le la, a la kanu bambaloo be tu la le fo abadaa.

Jabuuroolu 89:13

I buloo semboo warata le, i buloo bambanta le, i bulubaa buloo be wulindiriŋ santo le.

2 Musa 12:14

Ali ñanta ñiŋ luŋo le kidimandi la. Jamaanoolu mennu be naa la, wolu be a juura la le, ka a ke Yaawe la juuraloo ti. Saŋ-wo-saŋ, ali ñanta a juura la le fo fawu.

2 Musa 12:41

Wo sanji keme naani sanji taŋ saboo baŋ luŋo faŋo le la, Yaawe la kafoolu bee fintita Misira.

2 Musa 13:14

“Siniŋ saama niŋ ali dinkewolu ye ali ñininkaa ñiŋ kuwo kotoo la, ali si ì jaabi ko, ‘Yaawe ye a sembe baa le taa ka m̀ bondi naŋ Misira joŋyaa kono.

2 Musa 13:16

Ñiŋ be ke la ali ye taamanseeroo le ti, ka ñiŋ kuwo ke ali kunto dunoo ti ko, Yaawe le ye m̀ bondi naŋ Misira niŋ a sembe baa la.”

2 Musa 13:3

Musa ko moolu ye ko, “Ali ali hakiloo tu ñiŋ luŋo to, luŋo meŋ na ali bota naŋ Misira joŋyaa kono, kaatu Yaawe ye ali bondi naŋ niŋ sembe baa le la. Wo to, mbuuroo meŋ ye leweñoo soto, ali maŋ ñaŋ na a domo la.

2 Musa 3:20

Bari m be n semboo yitandi la le, ka Misirankoolu mantoora ka kaawakuwolu ke jee. Niŋ wo keta, a be ali bula la le ali ye taa.

Kuma Kotoomaalu 1:9

Ì be ke la i ye ñara ñiimaa le ti i kuŋo bala, aniŋ kantotaa, ka i kaŋo ñarandi.

Kuma Kotoomaalu 3:21

N diŋo, kana soŋ fahaamuroo niŋ kekuu loŋo ye kana i ma.

Kuma Kotoomaalu 7:23

fo niŋ kalabeñe fayilaa ye a jusoo soo, komeŋ kunoo meŋ ka taa duŋ kutindiŋo daa, a maŋ a loŋ ko, wo le be a kasaara la.

Suukuwo 8:6

N ke i jusoo to ko tampoo, i ye n ke tampoo ti i bulukaŋo to. Kanoo le semboo warata, a semboo be warariŋ ne ko saayaa, a kiiliyaa be jawuyaariŋ ko kaburoo, a beñoo be ko dimbaa feremetoo, ko dimbaa hilihiloo.

Yesaya 27:1

Wo luŋo la, Yaawe* be a la hawusari* sembemaa le taa la, wo hawusari diimaa baa, ka Lefiyatani jarabi, wo saa tariŋo, saa miliki-malakilaa, aduŋ a be ninkinankoo faa la le meŋ be baa baa kono.

Yesaya 40:10

A juubee, Maarii Yaawe niŋ semboo le ka naa, aduŋ a niŋ wo semboo le be maraloo ke la. A la jooroo be a bulu le, aduŋ a niŋ nafaa le ka naa.

Yesaya 44:5

Moo jamaa le be naa kafu la Yaawe la moolu ma. Doo si a fo ko, ‘Yaawe le taa mu nte ti.’ Doo si a faŋo toolaa ‘Yaakuba’ la. Doo koteŋ fanaa si a tampu a buloo bala ko, ‘Yaawe taa,’ aduŋ a si a too ke ‘Banisirayila’ ti.”

Yesaya 49:16

A juubee, ŋa i muluŋo ñenje m buluteetee bala le, n hakiloo be tu la i la sansaŋ tumbundiŋolu kaŋ ne waati-wo-waati.

Yesaya 51:9

Wuli, wuli Yaawe, i ye i semboo taa! Wuli, ko i ye a ke nuŋ ñaameŋ folooto. Fo ite le maŋ wo daafeŋ saŋarariŋ baa Rahabu faa baŋ? Ite le ye a soo fo i ye a faa, i ye a kuntuŋ-kuntuŋ.

Yesaya 59:21

A ko: “Nte wo de, n niŋ ì be ñiŋ kambeŋo le siti la. Ite n na annabiyomoo, ŋa n na Nooroo meŋ dii i la, aniŋ ŋa n na kumakaŋo meŋ duŋ i daa, be tara la i fee le, aduŋ a be tara la i diŋolu fee le aniŋ i koomalankoolu ka bo saayiŋ na fo abadaa. Nte Yaawe le ye a fo.”

Yeremiya 22:24

Yaawe ko: “A be koyiriŋ ñaameŋ ko nte be baluuriŋ ne, hani niŋ a ye a tara ite Yahuuda mansakewo Yehoyahini, Yehoyakimu dinkewo mu n na tampurilaŋ konnaa le ti, m be i wafati la le ka i bondi.

Daniyeli 9:15

Ite m̀ Maarii Alla le ye i la moolu bondi naŋ Misira bankoo kaŋ niŋ i la semboo la, aduŋ wo ye a tinna le i too bota, fo ka naa bula bii la. Bari ntolu ye junuboo ke le, ŋà kuu jawoo ke.

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

4 Musa 15:39

Ñiŋ jimfiroolu le be ke la ali ye hakilibulandiraŋo ti. Niŋ ali ñaa boyita ì kaŋ waati-wo-waati, ì si kali ali hakiloo murundi nte Yaawe la yaamaroolu kaŋ ka ì muta. I si a je ali te ali koo dii la n na ka bula ali la niidiyaa nooma, aniŋ marisa feŋolu.

Matiyu 23:5

“Ì ka ì la kebaara betoolu bee ke le doroŋ, fo moolu si ì je. Ì ka ì la aaya keraŋolu fanundi le, aniŋ ì ye ì la waramba jimfiroolu jaŋayandi.

Roomankoolu 10:8

Bari muŋ ne fota wo kuwo to? A fota le ko, “Kumoo be sutiyaariŋ ite la le. A be i neŋo to le, aniŋ i sondomoo to.” Wo mu kumoo le ti, lannoo kumoo, ǹ ka meŋ kawandi.

5 Musa 30:14

Wo nte! Kumoo be sutiyaariŋ ali la le. A be ali daa koto le, aniŋ ali sondomoo to. Wo to, ali si baara noo ì la le.

5 Musa 5:15

Ali kana ñina ko ali tarata joŋyaa le kono nuŋ Misira bankoo kaŋ, nte Yaawe ali la Alla naata ali bondi naŋ wo kono m bulu sembemaa baa la. Wo kamma la, m be ali yaamari la ka Loobula Luŋo muta, ka a ke dahaa luŋo ti.

5 Musa 6:21

ali si ì jaabi ñiŋ na ko, “M̀ mu nuŋ Firawoona la joŋolu le ti Misira bankoo kaŋ, bari Yaawe ye m̀ bondi naŋ Misira, a bulu sembemaa baa le la.

5 Musa 6:6

Ali hakiloo kana bo ñiŋ yaamaroolu la, n ka mennu dii ali la teŋ bii luŋo la.

5 Musa 6:8

Ali si ñiŋ yaamaroolu safee ka ì siti ali buloolu bala, aniŋ ali foŋolu to, ka ke hakilibulandiraŋo ti ali ye.

Lankenemoo 18:8

Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”

Kiitindirilaalu 2:12

Ì ye ì koo dii Yaawe la, ì mumuñolu la Alla, meŋ ye ì bondi naŋ Misira. Ì bulata ì dandaŋ na moolu la alla koteŋolu nooma ka sujudi ì ye. Wo le ye Yaawe jusoo bondi ì kamma,