2 Musa 11:5 - Mandinka Bible

⁵ Dimbaayaa-wo-dimbaayaa dinkee foloo be Misira, a be faa la le, ka dati Firawoona dinkee foloo la, meŋ be mansayaa la, ka taa fo joŋ sunkutoo dinkee foloo, meŋ be a la tuuru dulaa to, aniŋ beeyaŋolu bee konoñaa foloolu fanaa.

2 Musa 11:5 ပူးပေါင်းရင်းမြစ်များ

Jabuuroolu 78:51

A ye Misirankoolu la konoñaa foloolu bee le faa, ì ye mennu wuluu biriŋ ì be ì la fondinkeeyaa daa to.

Matiyu 24:41

Musu fula be tara la tuuroo la, kiliŋo ye taa, kiliŋo ye tu jee.

Jabuuroolu 136:10

Ali Yaawe tentu, ate le ye Misirankoolu la konoñaa foloolu faa, a la kanu bambaloo be tu la le fo abadaa.

Jabuuroolu 135:8

Ate le ye Misirankoolu la konoñaa foloolu bee faa, biriŋ moolu to ka taa fo beeyaŋolu.

Jabuuroolu 105:36

A ye konoñaa foloolu bee le faa ì la bankoo kaŋ, ì ye mennu wuluu biriŋ ì be ì la fondinkeeyaa daa to.

2 Musa 13:15

Kabiriŋ Firawoona sondomoo be jaariŋ, a balanta ŋà taa, Yaawe ye hadamadiŋolu niŋ beeyaŋolu la konoñaa foloolu bee faa Misira bankoo kaŋ ne. Wo le ye a tinna ŋà beeyaŋ kewolu mennu keta konoñaa foloolu ti, ke sadaa* ti Yaawe ye. Bari ŋà ǹ dinkee foloolu kumakaa le.’

2 Musa 12:29

Suuto baa Yaawe ye konoñaa foloolu bee faa, mennu be Misira, ka dati Firawoona meŋ mu mansa ti, dinkee foloo la, ka taa fo bunjawutonkoo dinkee foloo, aniŋ beeyaŋolu bee konoñaa foloo.

2 Musa 12:12

“M be tambi la Misira bankoo kaŋ wo suutoo le, aduŋ m be konoñaa foloolu bee faa la le, mennu be Misira bankoo kaŋ, hadamadiŋolu niŋ daafeŋolu bee. M be Misirankoolu la alloolu bee kiitindi la le. Nte le mu Yaawe ti.

2 Musa 4:23

Aduŋ a ko i ye ko, i ye a dinkewo bula a ye taa, fo a si a batu. Bari niŋ i balanta le ka a bula a ye taa, a fanaa be i dinkee foloo faa la le.’ ”

Hiburunkoolu 11:28

Ka bo niŋ lannoo le la, a ye Maariyo Tambi Tumoo Juuraloo* londi, a ye yaamaroo dii ka yeloo sariŋ-sariŋ fo saayaa malaayikoo kana Banisirayilankoolu la konoñaa foloolu maa.

Niikuyaa Suukuwolu 5:13

Ì ye fondinkewolu diyaakuyaa bula tuuroo la, kambaanendiŋolu ka timili-tamali loositoolu koto.

Yesaya 47:2

I la kuŋ bitiraŋo bondi, i ye tuurilaŋ beroo taa, i ye siimaŋo juru. I la faanoo wulindi, i wutoolu ye tara banta, i ye boloŋo teyi.

Kiitindirilaalu 16:21

Bituŋ Filisitinkoolu ye a muta, ì ye a ñaakesoolu lokoti. Ì ye a samba naŋ Kaasa, ì ye a siti jaawali joloolu la. Bituŋ a tarata tuuroo la bunjawoo kono.