2 Musa 11:2 - Mandinka Bible

² A fo moolu ye ko, musoolu niŋ kewolu si ì siiñoo Misirankoolu ñininkaa sanoo niŋ kodiforo ñaroolu la.”

2 Musa 11:2 ပူးပေါင်းရင်းမြစ်များ

2 Musa 3:22

Banisirayila musoolu be taa ì siiñoo Misirankoolu yaa le, aniŋ Misira musoolu mennu be ì la buŋolu kono. Ì be ì ñininkaa la feetoofatoo la, sanoo aniŋ kodiforo ñaroolu, aduŋ ali be wolu le ke la ali dinkewolu niŋ ali dimmusoolu bala. Ali be Misirankoolu la feŋolu samba la wo le ñaama.”

Matiyu 20:15

Fo m maŋ siloo soto ka kuu-wo-kuu ke m fansuŋ kodoo la ko n lafita a la ñaameŋ? Waraŋ fo n na beteyaa le ye i kamfaa baŋ?’

Hakayi 2:8

Yaawe Alihawaa Maariyo le ye ñiŋ fo ko, “Duniyaa kodiforoo niŋ sanoo bee mu nte le taa ti.”

Kuma Kotoomaalu 13:22

Moo kendoo ka keetaafeŋo tu a diŋolu ye le hani a mamariŋolu fanaa ka a soto le, bari junubelaa la naafuloo ka tara maaboriŋ moo tilindiŋo le ye.

Jabuuroolu 105:37

Bituŋ a ye Banisirayilankoolu fintindi, ì niŋ sanoo niŋ kodiforo ñaroolu, aduŋ kiliŋ te ì lasiloolu kono meŋ jaatoo korita.

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

2 Musa 35:22

Kewolu niŋ musoolu to, moo-wo-moo lafita, ì ye nuntokonnaalu, tulutotaalu, konnaalu, ceenoolu, aniŋ sani ñara siifaa-wo-siifaa bee le dii Yaawe la.

2 Musa 32:24

M fanaa ko, ì ye ì la sani ñaroolu samba naŋ, ì ye ì dii n na. Ŋa ñaroolu fayi dimbaa kono, ñiŋ sani ninsituuraa fintita naŋ!”

1 Musa 31:9

Alla ye beeyaŋolu taa ali faamaa bulu teŋ ne, a ye ì dii n na.

1 Musa 24:53

Bituŋ a ye sani ñaroolu niŋ kodiforo ñaroolu bondi naŋ, aniŋ duŋ feŋ ñiimaalu, a ye ì dii Rebeka la. A ye soorifeŋ bete le fanaa dii Rebeka baarinkewo la aniŋ a baamaa.

2 Musa 3:21

“M be a ke la le, ñiŋ moolu niŋ Misirankoolu la kuwolu ye soo ñoo kaŋ, i si a je, niŋ ali be bo la jee, ali bulu kenseŋo te finti la.