2 Musa 1:11 - Mandinka Bible

¹¹ Bituŋ ì ye joŋ kuntiyolu ke ì ñaato ka ì mantoora, ka diyaakuyaa dookuwo ke. Ì ye Pitomu niŋ Ramesesi loo le, ka ì ke siimaŋ maabodulaa saatewolu ti Misira mansa Firawoona ye.

2 Musa 1:11 ပူးပေါင်းရင်းမြစ်များ

1 Musa 15:13

Bituŋ Yaawe ko Iburama ye ko, “Ñiŋ loŋ, a ye koyi i ma ko, i koomalankoolu be ke la tumarankewolu le ti bankoo kaŋ, meŋ maŋ ke ì taa ti. Ì be ke la joŋolu le ti jee, aduŋ ì be tara la marali jawoo le kono fo sanji keme naani.

2 Musa 3:7

Yaawe ko, “Ŋa n na moolu la bataa kuwo je le, ì be meŋ kono Misira. Ŋa ì kumboo kaŋo moyi le, kaatu ì la dookuu kuntiyolu le ye ì mantoora, ì la bataa ye n dewuŋ ne.

2 Musa 2:11

Luŋ kiliŋ kabiriŋ Musa menta, a taata a fansuŋ moolu Hiburunkoolu yaa, a ye ì juubee, ì ka dookuu koleŋo meŋ ke. A ye Misirankoo je, a ka Hiburunkoo buutee.

1 Musa 47:11

Yusufa ye a faamaa niŋ a baadiŋolu sindi Misira banku betoo le to, Ramesesi saatewo daala. A ye ì fansuŋ kenoo dii ì la jee, ko Firawoona ye a yaamari ñaameŋ.

Jabuuroolu 81:6

A naata a fo ko, “Ŋa ali sañoolu dahandi dunoo la, ŋa ali buloolu foñondi sinsiŋ kuliŋ sikoo la.

5 Musa 26:6

Misirankoolu naata ǹ konotokuyaa ka mantoora baa laa ǹ kaŋ ka m̀ foriseetoo dookundi.

4 Musa 20:15

M̀ mumuñolu le taata Misira, ǹ naata tara jee fo sanji jamaa. Misirankoolu ye m̀ mumuñolu niŋ ntolu tilimbaliyaa.

Kuma Kotoomaalu 27:4

Kamfaa jawuyaata le, jusuboo ka kasaaroo le ke, bari jumaa le niŋ kiiliyaa si tu noo?

Jabuuroolu 105:13

Ì tarata yaayi la le ka bo banku ka taa banku, ka bo mansamarali banku ka taa doo to.

Jabuuroolu 68:13

Alitolu doolu ye ali faŋolu yeebu kuu saajii koorewolu kono ñaa-wo-ñaa, Banisirayila puraamaa ñarandita kodiforoo le la, a dampaŋolu ñarandita saniforoo la.

2 Taarika 8:4

A ye Tadimori saatewo lookuu meŋ be keñewuloo* kono, aniŋ maaboridulaa saatewolu Hamati maafaŋo la.

1 Mansoolu 9:19

aniŋ a faŋo la maaboridulaa saatewolu niŋ a la neesareetoolu be saatewolu mennu to, ka taa a la suwoolu be saatewolu mennu fanaa to. Sulemani ye feŋ-wo-feŋ hame ka a loo, a ye a loo Yerusalaamu kono le, Libanooni, aniŋ bankoolu bee kaŋ mennu be a la maraloo koto.

2 Musa 5:15

Wo to le Banisirayila dookuu ñaatonkoolu taata ka taa Firawoona daani, ka a fo a ye ko, “Muŋ ne ye a tinna, i ye ñiŋ kuu siifaa ke i la dookuulaalu la?

2 Musa 1:14

Ì ye baluwo koleyandi ì ma niŋ dookuu koleŋolu le la. Ì ka birikoolu kosi, ì ka sooñibankoo ñaami, aduŋ ì ka dookuu siifaa jamaa le ke kunkoolu to. Bari Misirankoolu buka balafaa soto ì la dookuu koleŋo la, ì be meŋ ke kaŋ.

2 Musa 5:10

Bituŋ joŋ kuntiyolu niŋ dookuu ñaatonkoolu fintita, ì ko moolu ye ko, “Firawoona ye ñiŋ ne fo ko, a maŋ taa siimaŋ kaloolu dii la ali la kotenke.

2 Taarika 16:4

Bituŋ Beni-Hadadi sonta Mansa Asa ma, a ye a la kelediŋolu niŋ ì la kuntiyolu kii ka boyi Banisirayila saatewolu kaŋ. Ì ye Iyoni taa, Dani, Abeli-Mayimu aniŋ Nafutali tundoo maaboridulaa saatewolu bee.

Jabuuroolu 129:1

Banisirayilankoolu, ali a fo ko, “Ì ye ntolu toorandi baake le, biriŋ m̀ foloodulaa.

2 Musa 5:8

Bari ali ì yaamari ka birikoo nankamoo dadaa ko ì ka meŋ dadaa nuŋ folooto. Ì ka meŋ dadaa tiloo to, ì kana a talaa. Ì naafata le, wo le ye a tinna ì ka kumboo, ì ka a fo ko, ‘Ali ŋà taa sadaa bo ǹ na Alla ye.’

Jabuuroolu 129:2

Ì ye ntolu toorandi baake le, biriŋ m̀ foloodulaa, hani wo ì maŋ i kutu ǹ na de.