2 Mansoolu 7:7 - Mandinka Bible

⁷ Bituŋ ì borita ka taa, wo tili boyi waatoo la. Ì ye ì la tiriliisoolu* tu jee, aniŋ ì la suwoolu niŋ faloolu, aduŋ ì ye ì la daakaa ñiŋ looriŋo le tu jee. Ì borita ka ì niyolu kanandi.

2 Mansoolu 7:7 ပူးပေါင်းရင်းမြစ်များ

Kuma Kotoomaalu 28:1

Moo kuruŋo ka bori le, hani moo maŋ tara a nooma, bari moo tilindiŋo ka fatiyaa le ko jatoo.

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

Yesaya 2:20

Wo luŋo la, moolu be ì la kodiforo jalaŋolu niŋ sani jalaŋolu fayi la ñinoolu niŋ tonsoolu le ye, ì faŋolu ye mennu dadaa ka ì batu.

Kuma Kotoomaalu 21:1

Mansa sondomoo la kuwo be Yaawe* le bulu, a ka a taamandi le ko jiiboroo, daa-wo-daa diyaata a ye, a ka a tilindi jee le to.

Kuma Kotoomaalu 6:5

fo niŋ i ye i faŋo kanandi, komeŋ minaŋo ka kana deemalaa ma ñaameŋ, komeŋ kunoo ka kana kaliŋo daa ñaameŋ.

Jabuuroolu 68:12

“Mansoolu be bori kaŋ ne, ì niŋ ì la kelediŋ kafoolu be bori kaŋ ne!” Musoolu be buusi feŋolu talaa kaŋ suu le.

Jabuuroolu 33:17

Keleraŋ suwoo maŋ ke jikiraŋ ti, ka nooroo ke keloo to. A semboo la waroo buka tankoo saabu.

Yuuba 18:11

Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

Kiitindirilaalu 7:21

Ì tuta looriŋ ì noo to, ì bee kiliŋ-kiliŋ naa be looriŋ nuŋ daameŋ, ì be muruŋ-murundiŋ daakaa ñiŋ na. Kabiriŋ ñiŋ kee keme saboo ye ì la binoolu fee, Yaawe ye Midiyaninkoolu dammaalu dundi ñoo la ka ñoo kele niŋ hawusaroolu la. Ì borita ñaato, ì muruta kooma, ì lembata. Labaŋo la, kelediŋ kafoo bee borita ka taa fo Beti-Sita, ka taa fo Serera fo Abeli-Mehola, Tabati daala.

1 Mansoolu 10:29

Ì ka keleraŋ sareetoo saŋ nuŋ Misira kodiforo kuntu keme wooro le la, aduŋ suwoo ì ka wo saŋ kodiforo kuntu keme niŋ taŋ luulu le la. Ì ka ì waafi Hitinkoolu niŋ Aramunkoolu la mansoolu bee le ma.

1 Samuweli 14:15

Filisitinkoolu mennu bee be bankoo dandaŋo la kijoo farata le, tiñaarilaalu aniŋ kelediŋolu mennu be daakaa to silata le fo ì ka jarajara. Bankoo jarajarata, aduŋ moolu kijoo farata baake le.

1 Mansoolu 20:20

Bituŋ meŋ-wo-meŋ ye a jawu kiliŋ muta ka a faa. Wo to le Aramunkoolu borita, aduŋ Banisirayilankoolu ye ì bayindi. Beni-Hadadi borita a seleta suwoo kaŋ, aduŋ a kanata, a niŋ a la suuborindilaa kelediŋo doolu.