2 Mansoolu 5:26 - Mandinka Bible

²⁶ Elisa ko a ye ko, “Fo nte foñomaa te nuŋ jee kabiriŋ kewo ñiŋ jiita a la sareetoo kaŋ, a ye i benduŋ? Fo ñiŋ mu kodi ñini waatoo le ti baŋ, aniŋ ka sitifeŋolu soto, olifu* yiri kankaŋolu niŋ wayini* yiri kankaŋolu, waraŋ saajiyolu niŋ ninsi koorewolu, waraŋ jonkewolu niŋ jommusoolu?

2 Mansoolu 5:26 ပူးပေါင်းရင်းမြစ်များ

Kolosankoolu 2:5

Hani nte faŋo maŋ tara maabeeriŋ ali kono ñaa-wo-ñaa, bari nooroo kono, m be ali fee jee le, aduŋ n seewoota ka a je ko, ali be lookuuriŋ aniŋ ali be bambandiŋ ali la lannoo to Kiristu kono.

1 Korintinkoolu 5:3

Tooñaa, hani nte faŋo maŋ tara maabeeriŋ ali kono jee, bari nooroo kono, m be ali fee jee le. Moo meŋ baarata wo kuu siifaa la, nte ye wo maarii kiitindi le fokabaŋ ko m be maabeeriŋ ali fee le:

2 Mansoolu 6:12

A la mansakundaa alifaa kiliŋ ko a ye ko, “M maarii mansa, ntolu kono kiliŋ te. Elisa le mu, Banisirayila la annabiyomoo. Niŋ i ye kuma-wo-kuma fo kulloo kono, ate le ka a sindi Banisirayila mansa ma.”

Kiilaalu 20:35

Kuwolu bee kono, ŋa mennu yitandi ali la, ǹ ñanta dookuwo ke la baake wo le ñaama ka moo lamfuriŋolu maakoyi. Ali hakiloolu si bula m̀ Maarii Yeesu la kumoolu la ko, ‘Ka sooroo ke, wo le neemoo warata diina ka a taa.’ ”

Matiyu 10:8

Ali kuurantoolu kendeyandi, ali ye furewolu wulindi saayaa kono, ali ye balajawutoolu seneyandi, aniŋ ali ye seetaani jawoolu bayi. Ali maŋ feŋ bo ñiŋ kaŋo kunna, wo to ali fanaa kana feŋ kaniŋ a kunna.

Kuma Kotoomaalu 12:22

Faniyaa foo mu Yaawe tanoo le ti, bari meŋ ka kuu tilindiŋo ke, a ka seewoo wo la kuwo la le.

Kuma Kotoomaalu 12:19

Daa meŋ ka tooñaa kumoo fo, ka siimaayaa le, bari faniyaa folaa siyo buka jamfa.

Jabuuroolu 63:11

Bari mansa be seewoo la Alla la kuwo la le. Moolu mennu ye laahidoo taa Alla too la, ì be a tentu la le. Bari Alla be faniyaa folaalu deyindi la le.

2 Mansoolu 5:16

Bari a ye a jaabi ñiŋ ne la ko, “A be koyiriŋ ñaameŋ ko Yaawe be baluuriŋ ne, n ka meŋ batu, n te feŋ muta la.” A ye a maaneenee ñaa-wo-ñaa a maŋ soŋ.

1 Musa 14:23

ko, i taa mu feŋ-wo-feŋ ti, nte te wo taa la, hani niŋ a ye a tara boorajuloo le mu, waraŋ samata juloo. Niŋ wo nte, i si a fo noo ko, ite le ye nte fankamaayandi.

Kiilaalu 20:33

N nene maŋ n ñaa loo moo la kodiforoo kaŋ, sanoo waraŋ waramboo.

Kiilaalu 5:9

Pita ko a ye ko, “Muŋ ne ye a tinna ali kambenta ka Maariyo la Nooroo kotobo? A fele, kewolu mennu ye i keemaa baadee, ì be bundaa to, aduŋ ì be i fanaa samba la le.”

Yeremiya 45:5

Wo to fo ite ñanta le ka kuwolu ñiniŋ i faŋo ye, mennu warata? Kana wolu ñiniŋ. Kaatu ko, m be kasaaroo le naati la moo bee kaŋ. Bari i taata daa-wo-daa, m be a je la le ko, i niyo, wo ye kana.” Yaawe le ye a fo.

Hakayi 1:4

“Fo ñiŋ mu waati le ti alitolu ñanta tara la ali fansuŋ buŋ betoolu kono meŋ na, Batudulaa Buŋo be tumbundiŋ?”