2 Mansoolu 4:20 - Mandinka Bible

²⁰ Bituŋ a ye a sika ka a samba a baamaa ye. A baamaa ye a landi a wutoo kaŋ. A tarata laariŋ jee fo tilibuloo, wo to le a naata faa.

2 Mansoolu 4:20 ပူးပေါင်းရင်းမြစ်များ

Luka 7:12

Kabiriŋ a sutiyaata saatewo dundaŋ daa* la, a niŋ baadeelaalu benta, mennu ye furewo naati saatewo banta la. Furewo ñiŋ ne mu a baamaa dinkee kiliŋo ti, aduŋ a baamaa mu furuyaamusoo le ti. Kafu baa meŋ bota saatewo kono, be a fee.

Yohana 11:14

Bituŋ Yeesu naata a koyindi ì la ko, “Lasarus faata le.

Yohana 11:5

Yeesu ye Marita niŋ a doomusoo kanu le, aniŋ Lasarus.

Yohana 11:3

Wo kamma la, a baarimmusoolu ye kiilaa kii Yeesu ye ko, “Maariyo, i kanuntewo kuuranta le.”

Luka 2:35

fo moo jamaalu la miiroolu si yitandi. Aduŋ hawusaroo* be i faŋo sondomoo soo la le.”

Yesaya 66:13

Ko baa ka a la suusuudiŋo sabarindi ñaameŋ, m be ali sabarindi la wo le ñaama. Ali be dahaa soto la Yerusalaamu le.”

Yesaya 49:15

Yaawe ye a jaabi ko: “Fo musoo ka ñina a la suusuu diŋo la le baŋ, waraŋ a te balafaa soto la a wuluudiŋo ye? A si ke noo a ye ñina, bari Siyoni, nte te ñina la i la.

1 Mansoolu 17:17

Bituŋ wo koolaa, waatoo naata soto, wo musoo ñiŋ meŋ taa mu buŋo ti, dinkewo naata saasaa. A la saasaa semboo naata kafu kuu, labaŋo la a la niijiyo loota.

1 Musa 37:5

Luŋ kiliŋ Yusufa naata siiboo soto. Kabiriŋ a ye a saata a ñiŋ faadiŋolu ye, ì la a koŋo lafaata.

1 Musa 37:3

Isirayila ye Yusufa le kanu ka tambi a diŋ koteŋolu bee la, kaatu a ye ate soto tuma le la, wo ye a tara a kotoota. A ye dendika daa jawu baa dadaa a ye, bulu jaŋo.

1 Musa 22:2

Bituŋ Alla ko a ye ko, “I dinkewo taa, i dinkee kiliŋo, i kanu diŋo Isiyaaka, i ye taa Moriya tundoo kaŋ. M be konkoo yitandi la i la, i ye a bo n ye jani sadaa* ti jee.”

2 Mansoolu 4:19

Bituŋ dindiŋo ñiŋ kumboota ka a fo a faamaa ye ko, “N kuŋo! N kuŋo!” Wo le to a faamaa ye dookuulaa kiliŋ kumandi, a ko a ye ko, “Dindiŋo samba a baamaa ye.”

2 Mansoolu 4:21

Bituŋ a baamaa ye a furewo sika, a niŋ a seleta buŋo santo, a ye a landi Alla la moo Elisa la laaraŋo kaŋ. A fintita naŋ, a ye daa soroŋ furewo ma. Wo le to a jiita naŋ.