2 Mansoolu 25:7 - Mandinka Bible

⁷ Ì ye Mansa Sedekiya dinkewolu kere faa a faŋo ñaa la jee le. Bituŋ ì ye a ñaakesoolu lokoti, ì ye a siti neejoloo la, ì ye a samba Babiloni.

2 Mansoolu 25:7 ပူးပေါင်းရင်းမြစ်များ

1 Musa 21:16

Bituŋ a taata sii a faŋ ma jana, kalabeñe fayoo jamfoo ñoŋo. A kumata a faŋ ma ko, “N ñaa te tara la n diŋo la, a be faa kaŋ.” Kabiriŋ a be siiriŋ wo dulaa to, a lembata ka kumboo.

1 Musa 44:34

Nte te muru noo la m faamaa kaŋ, n niŋ ñiŋ maŋ taa ñoo la. N te m faamaa niikuyaatoo juubee noo la.”

2 Taarika 33:11

Bituŋ Yaawe ye Asiriya mansa la kelediŋ kuntiyolu bula naŋ ì kaŋ. Ì ye Manase muta, ì ye dooliŋo bula a nuŋo la, ì ye a siti jaawali joloo la ka a samba Babiloni.

2 Taarika 36:6

Bituŋ Babiloni mansa Nebukanesa wulita a kamma, a ye a siti jaawali joloolu la, a ye a samba Babiloni bankoo kaŋ.

Jabuuroolu 149:8

ì si ì la mansoolu siti joloolu la, ka neejoloolu bula ì la moo kummaalu la,

Yesaya 22:3

Ali la kelediŋ kuntiyolu bee borita ñoo la waati kiliŋ, ì ye ì muta le, kalabeñe maŋ fayi. Ì ye mennu je, ì ye ì bee le muta, hani ì borita fo dulaa jaŋ ñaa-wo-ñaa.

Yeremiya 21:7

Niŋ wo keta fokabaŋ, m be Yahuuda mansakewo Sedekiya niŋ a la mansakundaa dookuulaalu, ka taa ì niŋ ñiŋ saatewo moolu duŋ na Babiloni mansakewo Nebukanesa niŋ a la moolu bulu le, ì jawoolu, mennu be ì niyo nooma. Wo le be ke la moolu ti mennu kanata hawusaroo* ma, konkoo, aniŋ alibalaa kuuraŋo. Nebukanesa be ì faa la hawusaroo la le. A te balafaa la ì ye, waraŋ ka yamfa ì ye, waraŋ ka hiina ì la.” Yaawe le ye a fo.

Yeremiya 22:30

Yaawe ye ñiŋ ne fo ko: “Ñiŋ kewo safee ko diŋ sotobaloo ti, kewo meŋ te ñaatotaa soto la a baluu tiloolu kono, kaatu a koomalanka kiliŋ te ñaatotaa soto la, ka ke Yahuuda mansa ti, Dawuda la mansasiiraŋo kaŋ.”

Yeremiya 34:3

Ite faŋo te kana la a ma, fo ì si i muta doroŋ ka i duŋ a bulu. I be Babiloni mansakewo je la le, i ñaa niŋ a ñaa, aduŋ i niŋ a be diyaamu la ñoo ye le. Aduŋ i be taa Babiloni le.

Yeremiya 37:17

Mansa Sedekiya naata kiilaa kii, ì ye n samba a ye naŋ a la mansasuwo kono. Jee to, a ye n kullootoo ñininkaa ko, “Fo i ye kuma le soto Yaawe bulu baŋ?” Ŋa a jaabi ko, “Haa, ŋa kumoo soto le.” N tententa ka a fo a ye ko, “I be duŋ na Babiloni mansakewo bulu le.”

Yeremiya 38:23

N tententa ko, “Ì be ali la musoolu niŋ ali diŋolu bee samba la Babiloninkoolu ye le, aduŋ ite faŋo te kana la ì ma. Babiloni mansakewo be i muta la le, aduŋ ì be ñiŋ saatewo jani la le.”

Niikuyaa Suukuwolu 2:9

Jee dundaŋ daa tawundaŋolu jurumita bankoo to, Yaawe ye ì nee bantambiloolu kati, ka ì janjaŋ. A mansakewo niŋ maralilaalu be mutoo kono banku koteŋolu kaŋ. Yaawe la yaamaroolu buka karandi kotenke, annabiyomoolu buka jeroo soto a bulu fanaa.

Esekiyeli 12:11

“A fo ì ye, i mu taamanseeroo le ti ì ye. I ye ñiŋ meŋ ke teŋ, wo siifaa le be ke la ì la, ì be duŋ na bantala bankoo* moo doolu le bulu ka ke mutamoolu ti jee.

Esekiyeli 7:27

Mansa be kumboo la le, jiki te tara la mansariŋo ye. Bankoo moolu buloo be jarajara la silaŋo kamma le. N niŋ ì be janjuŋ na le ì kebaaroolu kamma la. M be ì kiitindi la ì faŋolu la maañaa le la. Wo to le ì be a loŋ na ko, nte le mu Yaawe ti.”

5 Musa 28:34

Ali ñaa be niikuyaa meŋ je la, si ke ali ye ñaamaa ti.

5 Musa 28:36

Yaawe si naa ali niŋ ali la mansa taa, ali faŋo ye meŋ tomboŋ ka ali mara, a ye ali niŋ a samba mutoo kono wandi bankoo kaŋ, ali niŋ ali mumuñolu nene maŋ daameŋ loŋ. Ali si alla koteŋolu batu jee, ì ye mennu dadaa yiroo niŋ beroo la.

Kiitindirilaalu 16:21

Bituŋ Filisitinkoolu ye a muta, ì ye a ñaakesoolu lokoti. Ì ye a samba naŋ Kaasa, ì ye a siti jaawali joloolu la. Bituŋ a tarata tuuroo la bunjawoo kono.