2 Korintinkoolu 9:15 - Mandinka Bible

¹⁵ Tenturoo be Alla ye a la soorifeŋo to, meŋ maŋ ñoŋo soto.

2 Korintinkoolu 9:15 ပူးပေါင်းရင်းမြစ်များ

2 Korintinkoolu 2:14

Ŋa Alla tentu, meŋ ka ntolu kenkeŋ Kiristu kono waati-wo-waati ko kelejawaroo ka a la moolu kenkeŋ ñaameŋ, niŋ a ye nooroo ke. M̀ be le fanaa ko cuuraayi seeroo, baawo ka bo niŋ ntolu la, londoo a la kuwo to ka janjaŋ daa-wo-daa.

Efesusinkoolu 5:20

Kuu-wo-kuu to, ali si tenturoo dii Alla la, m̀ Faamaa, m̀ Maarii Yeesu Kiristu too la.

Yohana 3:16

Alla ye duniyaa kanu baake le, fo a ye a Dinkee kiliŋo dii, fo moo-wo-moo meŋ laata a la, a te kasaara la, bari a si badaa-badaa baluwo soto.

Roomankoolu 8:32

Alla meŋ maŋ hani a faŋo Dinkewo kaari, bari a ye a dii ntolu bee la kuwo kamma, fo a te paree la ka a niŋ feŋolu bee fanaa dii ntolu la?

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

1 Korintinkoolu 15:57

Bari tenturoo be Alla le ye, meŋ ye nooroo dii ǹ na ka bo niŋ m̀ Maarii Yeesu Kiristu la.

Lankenemoo 4:9

Wo daafeŋ baluuriŋolu ka jayiroo, horomoo aniŋ tenturoo dii ate le la, meŋ be siiriŋ mansasiiraŋo kaŋ, aduŋ a be tu la baluuriŋ ne fo abadaa. Niŋ ì ye wo fo waati-wo-waati,

Roomankoolu 6:23

Kaatu junuboo la joo mu saayaa le ti, bari Alla la sooroo mu badaa-badaa baluwo le ti Kiristu Yeesu kono, m̀ Maariyo.

2 Korintinkoolu 9:11

A be ali fankandi la feŋo bee kono le fo ali si diiroo jamaa ke noo, aduŋ moo jamaa le be tenturoo dii la Alla la ali la soorifeŋ baa kamma la, meŋ sunta ǹ na ñiŋ dookuwo la.

Roomankoolu 5:15

Bari hadamadiŋo la junuboo niŋ Alla la sooroo, wolu te tembeŋ noo la. Tooñaa, moo jamaa la saayaa sunta ka bo niŋ moo kiliŋ ne la junuboo la. Wo ñaa kiliŋo la Alla hiinantewo la sooroo naata moo jamaa le ye ka bo niŋ moo kiliŋ ne la, meŋ mu Yeesu Kiristu ti.

Yohana 1:16

Ka bo niŋ a la hiinoo la timmoo la, m̀ bee ye hiinoo soto hiinoo kaŋ ne.

Jabuuroolu 30:12

Wo to m be i tentu la niŋ suukuwo la le, aduŋ n te n deyi la. Hee Yaawe, n na Alla, m be i jayi la le fo abadaa.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.

1 Taarika 16:8

Ali tenturoo dii Yaawe la. Ali ye a batu a too la. Ali a fo bantala banku* moolu ye a ye kuwolu mennu ke.

Luka 2:14

“Semboo niŋ waroo be Alla ye, Arijana dulaa jamfariŋ baa to. Kayiroo be duniyaa moolu fee, Alla kontaanita mennu la kuwo la.”

Jabuuroolu 92:1

Kuu kende le mu, ka ite Yaawe* tentu, ka suukuwo laa ka ite Alla Mansa Tallaa jayi i too la.

Jabuuroolu 30:4

Ali suukuwo laa Yaawe ye, alitolu mennu mu a la moolu ti. Ali i miira a ye meŋ ke, ka a tentu a too la kuliyaa kaŋ.

1 Taarika 16:35

Ali a fo ko, “Hee Yaawe, ǹ na kiisandirilaa, m̀ bondi mutoo kono, i ye ǹ kiisa ka ǹ seyindi ka bo banku koteŋolu kaŋ, fo ǹ si i tentu i too la kuliyaa kaŋ, aduŋ ǹ si jusulaa ka i jayi.”

Luka 2:38

Wo waati kiliŋo le la, a fanaa futata jee. A ye Alla tentu, aduŋ a ye deenaanoo la kuwo fo moolu bee ye, mennu be Yerusalaamu la kiisoo batu kaŋ nuŋ.

2 Korintinkoolu 9:14

Ì be ì ŋaniyoo yele la ali ye le, aduŋ ì be duwaa la ali ye ñiŋ hiina baa kamma la, Alla hiinata alitolu ye meŋ na.