2 Korintinkoolu 5:8 - Mandinka Bible

⁸ Ǹ ka tu bambandiŋ ǹ na jikoo kono le, aduŋ m̀ be hameriŋ ne ka tara suwo kono Maariyo fee, diina ka tara ñiŋ baloo kono.

2 Korintinkoolu 5:8 ပူးပေါင်းရင်းမြစ်များ

2 Korintinkoolu 5:6

Wo kamma la, ǹ ka tu bambandiŋ ǹ na jikoo kono le waati-wo-waati. Ŋà a loŋ ne ko, ǹ na ñiŋ balajaatoo mu ǹ na suwo le ti, niŋ m̀ be jamfariŋ Maariyo la,

1 Yohana 3:2

N kanuntewolu, saayiŋ m̀ mu Alla diŋolu le ti, bari a maŋ koyi m̀ ma foloo, m̀ be ke la meŋ ti. Bari ŋà a loŋ ne ko, niŋ Kiristu lankenemata, m̀ be ke la le ko ate, kaatu m̀ be a je la le, a be ñaameŋ.

Yohana 14:3

Aduŋ niŋ n taata, ŋa dulaa parendi ali ye, m be naa la le kotenke. Bituŋ m be ali taa la fo ali si tara m fee, m be daameŋ.

2 Korintinkoolu 5:9

Wo to, a keta ǹ na natoo le ti ka Maariyo seewondi, fo m̀ be jee le baŋ, waraŋ m̀ maŋ tara jee.

Jabuuroolu 17:15

Bari nte de, m be tara la i fee le, n na sootaaribaliyaa kaŋ. Niŋ n wulita, m be wasa la i ñaatiliŋo la le.

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Lankenemoo 22:3

Dankoo te soto la jee kotenke, bari Alla niŋ Saajiiriŋo la mansasiiraŋo le be tara la saatewo ñiŋ kono, aduŋ Alla la dookuulaalu be a batu la le.

Kiilaalu 21:13

Bituŋ Pawulu ye jaabiroo ke ko, “Muŋ ne ye a tinna ali ka ñiŋ ke? Ali ka kumboo ka n sondomoo sunundi baake. M maŋ paree sorondiroo dammaa la Yerusalaamu, bari m pareeta le hani ka faa m Maarii Yeesu too kamma la.”

Yohana 17:24

M Faamaa, n lafita le, i ye moolu mennu dii n na, ì si tara m fee, m be tara la daameŋ to. N lafita le, ì si n na semboo niŋ waroo je, i ye meŋ dii n na, kaatu i ye n kanu le janniŋ duniyaa daa waatoo.

Luka 2:29

“M Maariyo, saayiŋ i la dookuulaa niyo si taa noo le kayiroo kono, ko i ye n laahidi ñaameŋ.

Matiyu 25:23

Bituŋ a maariyo ko a ye ko, ‘I nimbaara. Ite mu dookuulaa betoo le ti aniŋ dookuulaa tilindiŋo. I tilinta fendiŋolu to le, wo to saayiŋ, m be i marandi la feŋ jamaalu le ma. Naa, i ye duŋ i maarii la seewoo kono!’

Matiyu 25:21

Bituŋ a maariyo ko a ye ko, ‘I nimbaara. Ite mu dookuulaa betoo le ti, aniŋ dookuulaa tilindiŋo. I tilinta fendiŋolu to le, wo to saayiŋ, m be i marandi la feŋ jamaalu le ma. Naa, i ye duŋ i maarii la seewoo kono!’

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Yohana 12:26

Niŋ moo meŋ ka dookuwo ke n ye, a ñanta nte nooma la le, aduŋ m be daameŋ, n na dookuulaa fanaa be tara la jee le to. Moo meŋ ka dookuwo ke n ye, m Faamaa be wo maarii horomandi la le.