2 Korintinkoolu 4:16 - Mandinka Bible

¹⁶ Wo kamma la, m̀ buka jikilateyi. M̀ balajaatoolu be baŋ kaŋ ñaa-wo ñaa, bari ǹ konoto daañaa ka tu kutayaa la le luŋ-wo-luŋ.

2 Korintinkoolu 4:16 ပူးပေါင်းရင်းမြစ်များ

Yesaya 40:31

Bari moolu mennu ye ì jikoo loo Yaawe kaŋ, ì be bambaŋ kuu la le. Ì ye ke ko seeliŋo ka tii santo ñaameŋ. Ì be tara la bori la le, ì te ketu la, ì be taama la le, ì te kori la.

Kolosankoolu 3:10

Ali naata daajika kutoo duŋ, meŋ be tu la ali kutayandi la ali Daamansoo sawuroo la, fo ali si fahaamuroo soto Alla la kuwo to kendeke.

Yesaya 40:29

A ka semboo dii moo bataariŋolu la le, aduŋ a ka lamfuriŋolu bambandi.

Roomankoolu 12:2

Ali kana ali faŋolu tembendi ñiŋ duniyaa kuwolu fee, bari ali si yelema ka bo niŋ hakili kutayandiroo la. Wo to le ali be Alla la lafoo loŋ na kuwolu to, mennu beteyaata, ì timmata, aniŋ ì ka a seewondi.

2 Korintinkoolu 4:1

Bayiri ntolu ye ñiŋ dookuwo soto ka bo niŋ Alla la hiinoo le la, ǹ te jikilateyi la.

Jabuuroolu 73:26

N jaatoo niŋ n sondomoo si kori noo, bari n sondomoo la bambaŋo be dendiŋ Alla le la. Ŋa ate doroŋ ne soto fo abadaa.

Efesusinkoolu 3:16

N ka a daani le, ko a la semboo niŋ waroo la fankoo be ñaameŋ, fo a si ali sondomoolu sembentuŋyaa ka bo niŋ a la Nooroo la,

Roomankoolu 7:22

N sondomoo kono, ŋa Alla la Luwaa kanu le,

Titus 3:5

a ye ǹ kiisa le. A maŋ a ke ǹ na kebaara tilindiŋolu kamma la, bari a la balafaa. A ye ǹ kuu le ka wuluu baluu kutoo kono, a ye ǹ kutayandi, ka bo niŋ Noora Kuliŋo la,

Jabuuroolu 27:13

N dankeneyaata le ko, m be Yaawe la beteyaa je la le, ñiŋ duniyaa baluwo to.

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.

Efesusinkoolu 4:23

Ali sondomoolu niŋ ali hakiloolu si kutayandi,

1 Korintinkoolu 15:58

M baadiŋ kanuntewolu, wo kamma la, ali loo bambandinke. Ali kana soŋ, feŋ ye ali maamandi. Ali niŋ hame baa si tu dookuwo la Maariyo ye waati-wo-waati. Ali si a loŋ ko, ali ka katoo meŋ ke Maariyo ye, wo maŋ ke kenseŋ ti.

Jabuuroolu 51:10

Hee Alla, sondome senuŋo daa n kono, i ye n saayindi kuu ka soŋ i ma.

2 Korintinkoolu 12:15

Ali la kiisoo kamma la, n seewooriŋo be feŋo bee le ke la ali ye, aduŋ n si m faŋo dii ali la. Niŋ nte ye alitolu kanu baake, fo ali be nte kanu la domandiŋ ne baŋ?

Luka 11:3

Domoroo dii ǹ na luŋ-wo-luŋ.

Jabuuroolu 119:81

N ñaanita i la kiisandiroo la le fo n korita. Ŋa n jikoo loo i la kumoo le kaŋ.

Yeremiya 45:3

“I ka ñiŋ ne fo ko, ‘Woyi nte! Yaawe ye niitooroo le lafaa n na dimiŋo kaŋ. M bataata ŋuntaŋo la le, m maŋ dahaa soto.’

1 Pita 4:14

Niŋ moolu ye ali neŋ Kiristu too kamma la, ali barakata le, kaatu Alla la Nooroo be ali kaŋ ne, meŋ kallankeeyaata.