1 Yohana 1:10 - Mandinka Bible

¹⁰ Niŋ ǹ ko, ǹ nene maŋ junuboo ke, wo to ŋà Alla ke faniyaa folaa le ti, aduŋ a la kumoo maŋ tara ǹ kono.

1 Yohana 1:10 ပူးပေါင်းရင်းမြစ်များ

1 Yohana 1:8

Niŋ ǹ ko, m̀ maŋ junuboo soto, wo to ǹ ka m̀ faŋolu le neenee, aduŋ tooñaa maŋ tara ǹ kono.

1 Yohana 5:10

Moo meŋ laata Alla Dinkewo* la, wo maarii ye seedeyaa soto a sondomoo kono le. Bari moo meŋ maŋ laa Alla la, wo maarii ye a ke faniyaa folaa le ti, kaatu wo maarii maŋ laa Alla la seedeyaa la, a ye meŋ fo a Dinkewo la kuwo to.

1 Yohana 2:4

Moo meŋ ko, ate ye a loŋ ne, bari a ka a la yaamaroolu soosoo, wo mu faniyaa folaa le ti, aduŋ tooñaa te a kono.

2 Yohana 1:2

Ŋa i kanu tooñaa le kamma, meŋ tarata ntolu kono, aduŋ a be tara la ntolu fee le fo abadaa.

Jabuuroolu 130:3

Hee Yaawe, niŋ i ye ǹ na junuboolu safee, jumaa le be kana la i la kiitiyo ma?

1 Yohana 2:14

Dindiŋolu, ŋa a safee ali ye le, kaatu ali ye m̀ Faamaa loŋ ne. Faalu, ŋa a safee ali ye le, kaatu ali ye ate le loŋ, meŋ sotota kabiriŋ foloodulaa to. Fondinkewolu, ŋa a safee ali ye le, kaatu alitolu bambanta le, aduŋ Alla la kumoo ka sabati ali kono le, aduŋ ali ye Seetaanoo noo le.

Yuuba 24:25

Niŋ ñiŋ maŋ soto, saayiŋ jumaa le si n na kuwo faniyandi noo ka a yitandi ko, n na diyaamoo mu kuma kenseŋo le ti?

Kolosankoolu 3:16

Ali Kiristu la kumoo bula, a ye baluu kendeke ali kono. Ali ñoo karandi, ali ye ñoo yaamari niŋ ñaameŋo bee la. Ali jabuuroolu laa, jayiri suukuwolu aniŋ suukuu senuŋolu. Ali si ì laa niŋ tenturoo la ali sondomoolu kono.

1 Yohana 4:4

N na dindiŋolu, alitolu mu Alla le taa ti. Wo kamma la, ali ye ì noo le, kaatu meŋ be ali kono, wo le warata ka tambi meŋ be duniyaa kono.

Yuuba 15:14

Hadamadiŋo mu muŋ ne ti, fo meŋ be a tinna la a be seneyaa la, musoo ye meŋ wuluu, fo meŋ be a tinna la wo be tiliŋ na?

Yeremiya 2:35

i ka a fo ko i maŋ kuu ke. I ko a be koyiriŋ ne ko, nte Yaawe maŋ tara kamfaariŋ i kamma. Bari a juubee, m be i kiitindi la le, bayiri i ko i maŋ junube ke.

Yohana 3:33

Bari meŋ laata a la seedeyaa la, wo maarii keta seedoo le ti ko, Alla mu tooñaatiyo le ti.