1 Tesalonikankoolu 4:9 - Mandinka Bible

⁹ Bari baadiŋ kanoo la kuwo to, m̀ maŋ suula ka feŋ safee ali ye wo to, baawo Alla ye alitolu faŋolu karandi le ka ñoo kanu.

1 Tesalonikankoolu 4:9 ပူးပေါင်းရင်းမြစ်များ

1 Yohana 3:11

Kabiriŋ foloodulaa to ali ye kiilaariyaa kumoo moyi le ko, ǹ ñanta ñoo kanu la le.

Roomankoolu 12:10

Ali ñoo kanu beteke ko baadimmaalu Kiristu kono. I mooñoo horoma ka tambi a la i horomoo la.

1 Yohana 3:23

Aduŋ ñiŋ ne mu a la yaamaroo ti ko, ŋà laa a Dinkewo Yeesu Kiristu too la, aniŋ ŋà ñoo kanu, ko a ye ǹ yaamari ñaameŋ.

1 Yohana 4:21

Aduŋ ñiŋ mu yaamaroo le ti, ŋà meŋ soto a bulu ko, moo meŋ ye Alla kanu, wo maarii ñanta a baadiŋo fanaa kanu la le.

Hiburunkoolu 13:1

Ali tenteŋ ka ñoo kanu, ko ali la baadiŋyaa hakoo be ñaameŋ.

1 Tesalonikankoolu 5:1

Baadiŋolu*, m̀ maŋ suula ka safeeroo ke waatoolu niŋ luŋolu la kuwo to,

Kiilaalu 4:32

Yeesu noomalankoolu bee be hakili kiliŋ ne, aniŋ ŋaniya kiliŋ. Hani kiliŋ maŋ a la sotofeŋolu ke a doroŋ taa ti, bari ì ka feŋ-wo-feŋ talaa ñoo teema le, ì ye meŋ soto.

1 Yohana 2:10

Moo meŋ ye a baadiŋo kanu, wo maarii ka tu maloo le kono, aduŋ feŋ te tara la a kono, meŋ si a boyindi noo.

2 Pita 1:7

ali ye baadiŋyaa kanoo kafu Alla mutoo ma. Kanoo, Alla ye meŋ dii, ali a kafu baadiŋyaa kanoo ma.

1 Pita 4:8

Aduŋ meŋ kummaayaata kuwolu bee ti, ali ñoo kanu, ali ye tu looriŋ wo kaŋ, baawo kanoo le ka a tinna, yamfoo ka ke junube jamaa la.

1 Pita 3:8

Labaŋo la, ali bee si ke kaŋ kiliŋ ti, aniŋ ŋaniya kiliŋ. Ali baadiŋyaa kanoo soto ñoo ye, balafaa, aniŋ fammajiyo.

Hiburunkoolu 10:16

“M be kambeŋ kutoo meŋ siti la n niŋ ì teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa a safee ì sondomoolu bala.”

Yohana 14:26

Deemaarilaa meŋ mu Noora Kuliŋo ti, m Faamaa be a kii la nte too le la, aduŋ a be ali karandi la kuwolu bee le la. A be ali hakiloolu bulandi la kuwolu bee le la, ŋa mennu fo ali ye.

Jabuuroolu 133:1

Ñaaboo kuwo le mu, seewoo kuwo le mu, niŋ baadimmaalu tarata baluuriŋ kambeŋo kono.

Matiyu 22:39

Fulanjaŋo meŋ kummaayaata ko foloo, mu ñiŋ ne ti, ‘I si i siiñoo kanu ko i faŋo.’

Yeremiya 31:34

Moo te a ñoŋ moo doo karandi la kotenke, waraŋ ka a fo a baadiŋo ye ko, ‘Yaawe loŋ!’ kaatu ì bee le be n loŋ na, biriŋ moondiŋ, fo moo baa.” Yaawe le ye a fo. “M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.” Yaawe le ye a fo.

Yesaya 51:13

Fo ali ñinata nte Yaawe ali Daamansoo la le baŋ? Nte le ye saŋ fatoolu waree, ŋa bankoo fondamaŋo laa. Muŋ ne ye a tinna, ali ka tara silaŋ baa kono luŋ-wo-luŋ, ali toorandilaa la kamfaa kamma, meŋ be lafiriŋ ka ali kasaara? Ali toorandilaa la kamfaa maŋ ke tuus ti.

3 Musa 19:8

Moo-wo-moo ye a domo fanaa, a dunoo be laa la a maarii kaŋ ne, kaatu a ye nte Yaawe la feŋ senuŋo le dooyaa. Wo maarii be bondi la a la moolu kono le.

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

2 Korintinkoolu 9:1

A maŋ jari, ŋa feŋ safee ali ye maakoyiroo la kuwo to Alla la moo senuŋolu ye,

Filipinkoolu 3:15

Alitolu mennu menta Nooroo kono, ali ñiŋ miirali kiliŋo soto. Niŋ a ye a tara, doolu ye miirali doo le soto ali kono, n jikita le ko, Alla be ñiŋ kuwo koyindi la wolu fanaa ma le.