1 Taarika 9:20 - Mandinka Bible

²⁰ Koomanto Pineha Eleyasa dinkewo le tarata marariŋ dundaŋ daa kantalaalu ma, aduŋ Yaawe tarata a fee le.

1 Taarika 9:20 ပူးပေါင်းရင်းမြစ်များ

1 Musa 39:2

Yusufa tarata a ñiŋ maarii Misirankoo le yaa. Yaawe* tarata a fee le, aduŋ a naata ke moo le ti, meŋ ye ñaatotaa soto.

1 Musa 39:3

Potifa ye a je le ko, Yaawe be Yusufa fee le, a ye kuu-wo-kuu ke, Yaawe ka a so mantaabeŋo le la jee.

1 Taarika 9:19

Sallumu, Kore dinkewo, Kore, Ebiyasafu dinkewo, Ebiyasafu, Kora dinkewo aniŋ a baadiŋolu, ka bo Kora la kaabiiloo kono, wolu le mu Batudulaa Buŋo dundaŋ daa kantalaalu ti, ko ì la alifaa foloolu fanaa marata Bendulaa Tiriliisoo* dundaŋ daa kantoo la ñaameŋ.

2 Musa 3:12

Bari Alla ko, “M be tara la i fee le. Ñiŋ ne be ke la i ye taamanseeroo ti ko, nte le ye i kii. Niŋ i ye moolu bondi naŋ Misira, ali be nte batu la ñiŋ konkoo le santo.”

4 Musa 3:32

Lewi lasiloo moolu la ñaatonka baa mu Eleyasa le ti, Piriisi Haaruna dinkewo. Ate le tombonta ka mara moolu la mennu marata Tiriliisi Senuŋo topatooñaa la.

4 Musa 31:6

Ñiŋ kee wuli kiliŋo meŋ tombonta lasili-wo-lasili kono, Musa ye ì kii kele wuloo kono le, ì niŋ Pineha, Piriisi* Eleyasa dinkewo. Eleyasa le niŋ jooraŋolu taata mennu bota Tiriliisi Senuŋo* to, aniŋ footaŋolu ka ke ñoo kalamutandiraŋo ti.

4 Musa 4:16

Eleyasa, Piriisi* Haaruna dinkewo, wo le be mara la tuloo la meŋ ka lampoolu mala, cuuraayi diimaa, siimaŋ sadaa aniŋ tulu senuŋo*. Ate le ñanta mara la Tiriliisi Senuŋo kuwo ma, a niŋ a feŋo bee, ka taa bula fo a konoto feŋ senuŋolu la, aniŋ a jooraŋolu.

4 Musa 4:28

Ñiŋ ne mu Kerisoni koomalankoolu la dookuwo ti Bendulaa Tiriliisi Senuŋo to. Ì la dookuwo bee ñanta tara la Itama la yaamaroo le koto, Piriisi Haaruna dinkewo.

4 Musa 4:33

Ñiŋ ne mu Merari kaabiiloolu la dookuwo ti, Bendulaa Tiriliisi Senuŋo to, Itama la yaamaroo koto, Piriisi Haaruna dinkewo.

Yosuwa 22:13

Bituŋ Banisirayilankoolu ye Pineha, Piriisi* Eleyasa dinkewo kii Kileyadi tundoo kaŋ, Rubeni lasiloo moolu, Kadu aniŋ Manase lasili talanteemoo yaa.

1 Samuweli 16:18

A la dookuulaa kiliŋ ye a jaabi ko, “Ŋa Yese dinkewo je le, meŋ be Betilehemu. Wo ye a loŋ ne, ì ka kontiŋo kosi ñaameŋ. Kee fatiŋo le mu, aduŋ kelelaa le fanaa mu. A ye diyaamoo noo baake le, kee ñiimaa le mu a ti. Aduŋ Yaawe be a fee le.”